Proverbios 10:13 - Tayta Diosninchi Isquirbichishan

¹³ Yachajcuna parlashanchöga fiyupa yachaycunallatami wiyanchi. Mana tantiyacojcunami ichanga mana wiyacushanpita wirucanga.

Proverbios 10:13 ပူးပေါင်းရင်းမြစ်များ

Salmos 32:9

Ama canquichu cawalluno bürruno mana tantiyacöga. Cawallutaga busalninwanrämi ichichinchi. Bürrutapis shengallawacurcur-rämi munashanchïpa apanchi. Chayno mana rurashaga manami wiyamanchïchu» nir.

Salmos 37:30

Tayta Diosman yäracoj runaga sumaj yarpachacurcurmi riman. Alli runaga alli cajllatami parlan.

Éxodo 10:12

Chaura Tayta Diosga Moisesta niran: «Ricrayquita jogariy Egiptuman aypalla chüpacacuna shamunanpaj. Chayno shamur llapan lantacunatami ushacurconga runtu tamya ushashan quëdasha caycajllantapis.»

Proverbios 10:21

Alli runacuna willapashanga achcajtami alli goyayta tarichin. Mana tantiyacojcunami ichanga upa caynillanwan wañuytapis tarin.

Proverbios 10:31

Alli runapitaga alli yachachicuycunatami wiyacunchi. Fiyu runacunatami ichanga alli-tucuycajta upällajpaj niycusha.

Proverbios 15:23

Tapucushanta alli cuticherga cushicunmi. Camacashan öra alli willapashanpis mas allimi.

Proverbios 15:7

Yachajcunaga allita yarpashantami willapäcun. Mana tantiyajcunami ichanga llutallanta yarpan.

Proverbios 16:21

Allita yarpachacojcunataga «yarpaysapa» ninmi. Cuyachicuypa parlarga masrämi pitapis aunichin.

Proverbios 17:10

Alli tantiyacöga juc piñacuyllawanmi wiyacun. Mana tantiyacojmi ichanga pachac cuti astiptinpis mana wiyacunchu.

Proverbios 19:29

Shimisapacuna castigacänanpaj asticunaga caycanmi. Mana tantiyacoj upa runapis wajtan rawaychaj-rawaychajmi asticanga.

Proverbios 20:15

Goripitawan aypalla guellaypitapis mas alliga yachayninwan yachaj rimashanmi.

Proverbios 26:3

Busalwanmi cawalluta amansanchi. Läsuwanmi bürruta manshuyächinchi. Garutinami caycan mana tantiyacoj upa runata corrijinapaj.

Proverbios 27:22

Agashaga rïgupapis garan llojshinrämi. Mana tantiyacoj upami ichanga ñuchushanyaj agaptinpis upa cayninta mana cachaycunchu.

Proverbios 6:32

Runapa warminwan cacöga mana tantiyacoj upa runami. Chayno carga quiquillanmi pirdican.

Proverbios 7:22

Aunircorga mösupis warmipa guepanta wasiman yaycusha. Pishtananpaj quiquillan töru aywacuycajno, togllaman lluychu yaycupaycoj-japuy yaycusha.

Isaías 50:4

Tayta Diosga yachachimasha uticasha caycajcunata shacyächir cushicachinäpämi. Tayta Dios nimashanta masta-masta tantiyacunäpämi cada tuta wiyaj wiyajlla caycächiman.

Lucas 4:22

Chaycho caycaj runacunaga Jesuspaj alli parlarcaycaran. Imano willapashancunapitapis almirasha carcaycaran. Chaymi ninacurcaycaran «Tagayga ¿manachu Josëpa wamran?» nir.