Oseas 9:11 - Tayta Diosninchi Isquirbichishan

¹¹ Efraín runacuna alliman chayashanga ushacangapaj äbi pärir aywacojnömi. Wamrancunapis manami masga canganachu. Mananami warmincunapis gueshyaj ricaconganachu. Manami masga wawata tarenganachu.

Oseas 9:11 ပူးပေါင်းရင်းမြစ်များ

Génesis 41:52

Jucaj wamran yuriptinnami «Amatar ñacashä nasyunchömi Dios munasha wamrayoj canäta» nishpan jutinta churaparan Efraín nir.

Génesis 49:22

«José, gamga yacu cantuncho lanta wiñar amatar wayojnömi canquipaj. Nircur lantapa rämancunapis tapya jananpa lätajnöraj canquipaj.

2 Samuel 6:23

Micalnami wañunancama wawata mana tariranchu.

Job 18:5

«Rasunpami fiyu runacunapa achquenga upicäconga. Ninanpis mananami ratapanganachu.

Salmos 58:8

Rashta chullojnöpis illgacäcuchun. Achicyaj pachata shullu mana ricashanno quëdachun.

Eclesiastés 6:3

Juc runapa capas wamran canman pachacpis u quiquinpis capaschari unaycama cawanman. Chayno achca wata cawaycarpis gustunta mana rurasha captin, wañuptinpis mana sumaj pampacusha captenga chay runapitaga shullu wamrallapis mas allimi.

Isaías 17:3

Israelpa curalasha siudänincunapis manami cangapänachu. Siriacho Damasco capital cashanpis ushacangami. Chauraga Siriapis Israelno munayniynajllanami canga.» Munayniyoj Tayta Diosmi chayno nisha.

Oseas 10:5

Samaria runacunaga chulluchiypa rurashan törutami Bet-avén siudächo aduran. Ichanga chay törupaj fiyupami llaquicongapaj runacunapis, cüracunapis. Chaynöga llaquiconga chay törunta apacuptinmi.

Oseas 4:7

Mas achca cüracuna cashpanga masmi juchatapis ruraran. Chayno juchanpitami cananga alliman churanäpa ruquin pengaymanna churashaj.

Oseas 5:9

Castiganä junaj Efraín runacunaga ushajpämi ushacanga. Rimashätaga rasunpami Israelcho cumlishaj.

Oseas 9:14

Castigay Tayta Dios, ichanga ¿imawanraj castiganqui? Paycunapa warmincunaga amana wawatapis tarichunnachu. Warmincunapa chuchuncunapis chaquichunna.

Amós 1:13

Tayta Diosga caynömi nin: «Amón nasyuncho tiyajcunaga aypallatanami mana allita rurasha. Paycunaga nasyunninta jatunyächiyta munaywanmi Galaad warmicunatapis gueshyaj caycajta pachancunata gashargäriran. Chaypitami castigänillataga mana cachaycushächu.

Lucas 23:29

Wallcanami pishin ñacanayquipaj. Chay wichanmi llaquicur runacuna nengapaj ‹Ima alliraj waquenga wawata mana tariranchu. Mana gueshyacuranchu. Wamran mana caranchu chuchunanpaj› nishpan.

Deuteronomio 28:18

Wamrayquicunamanpis, micuyniquicunamanpis, wäcayquicunamanpis, uyshayquicunamanpis, llapan casta uywayquicunamanpis maldisyunmi chayangapaj.

Deuteronomio 28:57

Chiquiconga itinta pärishnintinta pacayllapa quiquillan micucurcunanpämi. Chayno canga contrayquicuna siudäniquicunata curalapaycuptin mana imapis micunayquipaj captinmi.

Deuteronomio 33:17

José trïbu runacunaga wäcapa rimir caj wawan maucha cashan törunömi caycan. Callpayoj cayninpis chucaru törunömi. Callpayoj cayninpami may-chay nasyun runacunatapis binsir manchachenga. Chaynömi canga yupaytapis mana atipaypaj Efraín runacunaga. Chaynömi canga waranganpa waranganpa Manasés runacunapis.»