Oseas 9:10 - Tayta Diosninchi Isquirbichishan

¹⁰ Tayta Dios nin: «Israelta tariycushpäga fiyupami cushicurä, chunyaj chaqui jircacho übasta tariycur cushicojnöraj. Awiluncunaga noga ricaptë casha rimir-puntata pogoj ïguscunanömi. Baal-peorman chayaycärirmi ichanga mana dios cajcunata ‹diosnë› nir aduraran. Chaynöpami paycunaga pengayman churacaran. Cuyashan ïduluncunano melanaypaj ricacuran.

Oseas 9:10 ပူးပေါင်းရင်းမြစ်များ

1 Reyes 16:31

Nabatpa wamran Jeroboam juchata rurashanno rurarpis mana cuntintacuranchu. Mas rabyanaypäraj Sidón siudäpa raynin Et-baalpa wamran Jezabelwan majachacaran. Baal dios-niraj ïdulutapis rispitar sirbiran.

2 Reyes 17:11

Israelcunapa ñaupanpita Tayta Dios gargushan runacunano ïdulucunapaj insinsutapis saumachiran. Tayta Diosta rabyachishpan fiyupa mana allicunata ruraran.

Salmos 115:8

Chay ïdulucunanömi caycan chay ïdulucunata rurajcunapis. Chay ïdulucunanömi caycan chay ïdulucunaman yäracojcunapis.

Salmos 81:12

Chaypitami cachaycushcä munashayquino cawacunayquipaj. Chaymi munashayquinöna goyäcushcanqui.

Cantares 3:6

¿Imaraj goshtay ichiraycajno chunyajpita aywaycämöga? ¿Imataj aywaycämun mira perfümiwan insinsuwan cupacusha, cuyayllapaj alli asyaj perfümicunawan cupacusha?

Isaías 28:4

Adurnu wayta wañuytasha caycäga, micuyta alli wayuchej pampa chacra juc patacho caycäga cangapaj ïgus pogunan wichan rimir-puntata wayojnömi. Pipis chay ïgusta ricärishpan pallarcorga jinan örami micucurcun.

Jeremías 11:13

Judá runacuna, gamcunapaga siudäniquicuna cashanmanno achcami diosniquicunapis. Jerusalenpa cällincuna aypalla cashantanömi Baal diospaj saumachinanpaj altarcunatapis rurashcanqui.

Jeremías 24:2

Jucaj canastachöga caycasha ñaupa pogoj caj ïgus maysi micucuyllami. Jucajchöna caycasha mana alli caj ïgus mana micuypaj, melanaypaj.

Jeremías 3:24

Mana sirbej ïdulucunata pengaypaj adurashpämi nogacunaga ima-aycätapis ushashcä. Chaymi wamrallaraj caycashäpita-pacha papänëcuna tarishan uyshancuna, wäcancuna, warmi ollgu wamrancunapis ushacasha.

Jeremías 3:25

Cananga pengacuypita uysurpäshaj. Nogacunaga tacsha cashäpita-pachami mana allillata rurashcä. Nogacunapis, unay caj awilöcunapis gam mana munashayquita rurar juchatami rurashcä. Tayta Dios, gamtaga manami wiyacushcäcunachu.»

Jeremías 31:2

Tayta Diosmi nin: «Wañuypita gueshpej Israelcunata chunyajchöga amatar cuyashätami musyachirä. Paycunaga ñacaypita jamaycäriytami munaycaran.»

Jeremías 5:31

Profëtacuna willacushanpis llullallami. Cüracunapis antöjunmanmi mandarcaycan. ¡Chayno captinpis acrashä runacunaga manami imapis gocunchu! Ichanga jusgasha canayqui junaj chayamuptin gamcuna ¿imataraj ruranqui?»

Ezequiel 20:8

« ‹Chayno parlaycaptëpis paycunaga conträmi ricacuran. Chaymi nishätapis mana wiyamashachu. Manami illgächishachu melanaypaj diosnincunata. Egiptucho charashan diosnincunatapis adurayta manami cachaycushachu. Nogaga yarparä paycunata castigaptë rabyasha caynë päsanantami; llapan rabyashäpita jamaycunäcama jinan Egiptullacho castigayta.

Oseas 11:1

Israelcunata Tayta Dios niran: «Israel runacuna wamrallaraj captin noga cuyaj cä. Pay wamrä captinmi Egiptupita shacamunanpaj gayarä.

Oseas 13:5

Gamcunataga nogallami yanapaycarä chunyaj jircacho captiqui.

Oseas 2:15

Chaycho gayaptë pay wiyamanga jipash cashpan wiyamashanno, Egiptupita llojshimushan öra imanömi caran, chayno. Chaypitaga yapaymi cutichishaj übas chacrancunata. Disigrasya päsashan Acor guechwatanami ticrachishaj bindisyunyoj cananpaj.»

Oseas 4:14

Quiquiquicunapis mañösa warmicunawanmi cacuycanqui. Chay warmicunawan ïdulucunata aduraj aywaycanqui. Chayno caycaptiquega noga mananami castigashänachu piwanpis cacushanpita wamrayquicunata, ni llumchuyniquicunatapis runancunata jucwan jananpashanpita. Chaynöpami runacunaga Diosnin cashäta mana musyashpan mana alliman chayan.

Oseas 4:18

Paycunaga upyananpaj mana captinnami warmicunaman aywacun. Mandajnincunapis pengaypaj goyayllatami munan.

Amós 4:5

Agradësicushpayqui lebadürayoj tantacunata rupachiy ä. Nircur, chay goycushayquitaga pï-maytapis willapay ä. Chayno ruraymi gamcunataga gustashunqui.» Tayta Diosmi chayno nisha.

Miqueas 7:1

¡Cuyapaypämi caycä! Cosëchata ushaycur chacracho quëdajcunata ashejnöllanami caycä. Manami tarënachu micuyta munashä übasta ni ïgustapis.

Números 15:39

Chay paychacunata ricashpayquimi gamcunaga yarpanquipaj llapan mandamintöcunata cumlinayquipaj cashanta. Chauraga quiquiquicunapa shonguyqui munashanta mananami ruranquipächu.

Números 18:13

Gamtami goycö rimir-punta cosëchancunapita nogapaj apamushancunatapis. Gampa famillyayquicuna limyu cashpanga chay ofrendacunata micongami.

Romanos 6:21

Chayno mana allicunata rurar ¿imatataj jorgushcanqui? Tantiyacuriptiquega chay rurashayquicuna llapanpis pengaypämi caycan. Chayno cawashayquipitami wañuyman chayanayquipaj caycarayqui.

Deuteronomio 32:10

Wayralla tumaycaj chunyaj jircachömi paycunata tariran. Cuyapashpan shuntacurmi sumaj yachachiran. Ñawi-ñïñunta-japuymi cuydaran.

Deuteronomio 32:17

Uywacunatapis pishtaran dyablucunapaj, chayraj rejsishan dioscunapaj. Chaycunataga unay awiluncunapis manami aduraranchu.

Deuteronomio 4:3

Quiquiquicunami ricashcanqui Baal-peorcho Tayta Dios imano rurashantapis. Israelcunatapis chay particho tiyajcunapa ïdulunta aduräshejtaga Tayta Dios illgächishanami.

Jueces 6:32

Chaura chay junajpita-pachami Gedeontaga jutichaparan «Jerobaal» nir. Nircur niran «Gedeonmi altarninta juchuchisha. Quiquin Baal castigachun.»