Oseas 8:8 - Tayta Diosninchi Isquirbichishan

⁸ Israelga ushacaypanami aywaycan. Juc-lä nasyun runacunaga manacajtanöllanami rican,

Oseas 8:8 ပူးပေါင်းရင်းမြစ်များ

2 Reyes 18:11

Asiriapa raynenga Israel runacunata prësu aparan Asiriaman. Nircur tiyananpaj churaran Habor particho caycaj Halah marcaman, Gozán mayupa lädunman, Media runacunapa siudänincunaman.

Isaías 30:14

Tunerga puyñu shallojnömi ricacunquipaj. Ushajpaj shallusha cashpan tullpapita shanshata jorgucunapäpis mana allino, ni yacuta chagacunapäpis mana allinöna ricacunquipaj.»

Jeremías 22:28

Jeconiasga ¿mana sirbej cañalla paquichu? ¿Pipis mana munashan manca paquichu? ¿Imanirtaj paytaga llapan wamrancunatawan jitarisha mana rejsishan pachaman?

Jeremías 25:34

¡Uyshëruno caj mandajcuna gaparpay; nanaywan atay! ¡Yachachishpayqui pusharajcuna llaquicuywan pampacho gochpay! Chaynöga ruray wañuchishunayquipaj öra chayamushana captinmi. Gamcunataga werannin uyshata pishtajnömi wañuchishunquipaj.

Jeremías 48:38

«Moab runacunapa wasin janancunacho intëru cällicunacho wiyacaycan llaquicur wagarcaycashallanmi. Chayno wagananpäga nogami illgarachishcä imapäpis mana sirbej puyñutano. Noga Tayta Diosmi chayno në.

Jeremías 50:17

«Israelcunaga caycaran jircacho ogracasha uysha caycajnömi. Chayno caycaptinmi rimëruga Asiriapa raynin micucoj liyunno shamuran. Chaypitaga Babiloniapa raynin Nabucodonosorna usharinanpaj shamuran.

Jeremías 51:34

Jerusalenga nin: «Babiloniapa raynin Nabucodonosorga rachir-usharcur micucarcamasha. Micuyniynaj lätutanömi cachaycamasha. Ultacarcamasha lamarcho tiyaj manchariypaj jatuncaray waräcuynömi. Nogacho cajta payga sacsasha munashan cajllatami, waquintana jitarisha.

Lamentaciones 2:16

Llapan chiquishojcunami washayquita parlan. Wichyacachashpan, jamurpäshushpayqui cayno nin: «Ushajpämi illgächishcanchi. Chayno canantami munaranchïpis. Cananga ¿manachu ricanchi?» nir.

Lamentaciones 2:2

Tayta Diosga manami ni jucnayllatapis cachaycushachu ichiraycajta Jacob famillyapa wasincunataga. Rabyasha caycashan öra illgarachiran Judäpa sumaj curalasha caycaj siudänincunatapis. Mandajcunatapis manacajman churasha. Waquin mandäshejcunatapis manacajman churasha.

Lamentaciones 2:5

Tayta Diosga chiquimajninchïnömi ruramashcanchi: Israeltaga ushajpämi illgarachisha. Palasyucunatapis ushajpämi juchurachisha. Sumaj curalasha siudänincunatapis juchuchisha. Judäpa cuyayllapaj siudäninmanga jananman-jananman llaquicuyllatami chayaycächin.

Lamentaciones 4:2

Sión runacuna unayga caran alli rispitashami. Fiyupa cuestaj goripitapis mas alli ricashami caran. Cananga pï-maypis rican mana yachaj runa allpa mancata rurashantanöllana.

Lamentaciones 5:2

Erensyäcunapis juc-lä nasyun runacunapa munaynillanchönami caycan. Wasëcunapis jäpa runacunapa munayninchönami.

Ezequiel 36:3

Chaypitami noga Tayta Diosga në: Gamcunataga wacpita-caypita shamur magashushpayquimi pasaypa ushashurayqui. Llapan juc-lä marca runacunami duyñu-tucurcushurayqui. Runacunanami asipäshushpayqui, manacajman churashurayqui.

Levítico 26:33

Gamcunataga sablita aptacurcurmi gaticachäshayqui. Wacpa caypami mashtarishayqui. Nasyunniquega pasaypa chunyajmi ricacongapaj. Siudäniquicunapis ragällami quëdanga.

Romanos 9:22

Tayta Diosninchïpis chaynömi ruran. Tayta Diosga waquin runacunata distinaran castigashanta ricacunanpaj. Y waquin runacunatana distinaran munayniyoj cashanta ricachinanpaj. Ichanga Tayta Diosninchi pasinsacurmi awantasha mana allita rurar castïguman aywananpaj caycaj runacunata.

Deuteronomio 28:25

Contrayquicunapis shamur pasaypami ushacächishunquipaj. Paycunawan pillyanayquipaj fïlayllanpa aywarpis mashtaypa mashtarna gueshpinquipaj. Chayta mayaycur llapan nasyun runacunami cushipäshunquipaj.

Deuteronomio 28:64

Tayta Diosga llapan nasyunmanmi mashtaypa mashtar gargushunquipaj. Chay nasyuncunachöga juccuna adurashan guerupita rumipita rurasha ïdulucunatami aduranquipaj. Chaycunataga gampis ni unay awiluyquicunapis manami rejsishachu.