Oseas 7:14 - Tayta Diosninchi Isquirbichishan

¹⁴ Cämancho gaparpashpanpis, manami llapan shongunpa mañacamanchu. Rïgun, bïnun achca cananpaj mañacur janancunatami yawar-yawar ruracun. Chayno rurarmi nogapa conträ ricacusha.

Oseas 7:14 ပူးပေါင်းရင်းမြစ်များ

Éxodo 32:6

Warannin tutalla jatarcärir rupachina sacrifisyupaj uywancunata pishtaran. Y alli goyaypita sacrifisyutapis churaran chay rurashan diospa ñaupanman. Nircur jamacaycärir llapan micuran upuran. Cushicushpan jucnin-jucninpis munashanta ruran.

Isaías 29:13

Tayta Dios nin: «Cay runacunaga shimillanwanmi sirbiman. Janan shongullami alabaman. Shongunchöga juctami yarparcaycan. Nogata aduraycämashanga caycan runacuna yarpaynillanpita nishancunallami. Paycunaga runa yachachishannöllami aduraycäman.

Isaías 52:5

Cananga ¿imatanataj ricä? Imatapis mana rimapaycaptillanmi acrashä runacunataga Babiloniaman apacusha. Munaynincho chararajcunaga alli-tucushpanmi asipan. Nogatapis fiyupanami rabyaycächiman.

Isaías 65:14

Sirbimajcunaga llapan shongunpa cushicurmi cantangapaj. Gamcunami ichanga fiyupa llaquicur ñacar waganquipaj.

Jeremías 12:2

Gammi paycunata cawachishcanqui. Paycuna rïcuyasha, alli tiyasha, mirasha. Paycunaga shimillanwanmi gamta alabashunqui. Shongunchömi ichanga ni imanillarpis mana yarpäshunquichu.

Jeremías 3:10

Chayno cashanpitapis mana wiyacoj ñañan Judäga manami llapan shongunpachu nogaman cutimusha. Chaypa ruquenga janan shongullami.» Tayta Diosmi chayno nin.

Lamentaciones 2:18

Cuyayllapaj Sión, Tayta Dios yanapäshunayquipaj mañacuy. Chacaypa junajpapis weguiquega yacunöraj aywaypa aywachun. Mana chawaypa wagay.

Oseas 13:16

Tayta Diosninpa contran ricacushanpitami Samaria runacunaga castigasha canga. Sabliwan tucsiypami wañonga. Wamrancunatapis pampaman pajshirgärenga. Gueshyaj caycaj warmicunapa pachantapis gashargärengami.

Oseas 13:6

Nogami micuyta tarichirä. Micuyniqui puchu-puchu captinnaga waquinpita mas alli-tucushpayqui nogata gongaycäramarayqui.

Oseas 13:9

«Israelcuna, gamcunataga illgächejmi-aywä. Chayno ruraptë pipis manami nogata michämangachu.

Oseas 3:1

Tayta Dios yapay nimaran: «Cachaycushushpayqui juc runawanna tiyaycaj warmiquiwan amistarcur cuyay. Noga Tayta Diospis chaynömi cuyä Israelcunata. Paycuna juc dioscunata aduraptinpis, chay dioscunapaj churashan mishquicunata micuptinpis cuyämi.»

Oseas 8:2

Chayno caycarpis gaparpashpan nogata mañacaycäman yanapänäpaj, ‹¡Gamga canqui Tayta Diosnëmi!› nir.

Amós 2:8

Israelcunaga rindata chararashan röpacunata mashtaycärirmi wegurpan ïdulucunapa ñaupancho rispitar micunanpaj. Multata pägachishan guellaywanmi bïnuta rantin. Nircurmi chayta upyan ‹diosnë› nishancunapa templuncunacho.

Amós 8:3

Chay castiganä junäga achcajmi wañonga. Wañojcunataga pacayllapami juc-läman jitariycärenga. Chaymi palasyucho cushicur cantananpa ruquenga llaquicuypitana wagayman churacangapaj.» Chayno cananpämi Tayta Dios nisha.

Miqueas 2:11

‹Tayta Diosga yanapäshunquipaj bïnu cananpaj, machächicojcuna cananpaj› nir willacojcunami gamcunapa profëtayqui cananpäga alli caycan.

Zacarías 7:5

«Chay nasyuncho caj llapan runacunata, cüracunata niy noga cayno nishäta: ‹Gamcuna ganchis chunca (70) watantin pichga caj quillacho, ganchis caj quillacho juc junaj llaquicushpayqui ayunashpayqui ¿rasunpa nogata rispitamashpayquichu ayunashcanqui?

Romanos 16:18

Paycunaga manami Jesucristo alabasha cananta munarchu yachachin, chaypa ruquenga quiquincuna alabasha cayta munallarmi. Paycunaga alli shimillanpa parlaparmi may-chaychöpis sumaj mana tantiyaj ermänucunata engañaycan.

Filipenses 3:19

Chay runacunaga Jesucristo munashanno cawananpa ruquin shongun yarpashannöllami cawacun. Llutancunata rurashanpita pengacunanpa ruquenga cushicushpan alli-tucur willacunrämi canpis. Chayno cawar paycunaga aywarcaycan infiernumanmi.

Santiago 4:3

Mañacurpis mañacurcaycanqui shonguyqui yarpashanno manacajcunallacho ushanayquipämi. Chaymi imatapis mana tarinquichu.

Santiago 5:1

¡Rïcucuna, wiyacuy! Fisyucho ñacanayquipaj cäga chayaycämunnami. Chaypita llaquicur gaparaypa wagay-llapa.

Jueces 9:27

Nircorga llapan aywaran chacraman. Übasta shuntaycärir bïnuta ruraran. Nircur fistata ruraran «diosnë» nishancunapa templuncho. Cushicur micur upuran. Abimelecpa washanta rimaran.