Oseas 7:13 - Tayta Diosninchi Isquirbichishan

¹³ «Ay, nogata gongaycamajcunaga imanöräshi canga. Paycunaga illganga nogapa conträ ricacushanpitami. Paycunaga nogapa conträmi llullacurcaycan. Man'chäga noga salbämanmi.

Oseas 7:13 ပူးပေါင်းရင်းမြစ်များ

Nehemías 1:10

«Nogacunaga carcaycä gamta sirbishoj acrashayqui runacunami. Nogacunataga jorgamarayqui fiyupa munayniquiwanmi.

Job 22:17

Paycunaga Tayta Diosta niran: ‹¡Ama rimapämaychu! ¿Imataraj nogacunapäga gam ruranquiman?› nir.

Salmos 106:10

Chaynömi salbaran contrancunapita, chiquejcunapa munayninpita.

Isaías 30:1

Tayta Diosmi nin: «¡Ay imanöraj canga mana wiyacoj wamräcuna! Mana tapucamayllapami jucwan-jucwan parlacusha. Chaynöpami jananman-jananman juchata rurarcaycan.

Isaías 30:2

Egiptumanmi rasyaylla aywarcaycan. Nogataga manami tapucamanchu. Faraonmanmi ‹yanapämay› nir aywarcaycan. Paycunaga Egiptumanmi pacacurcaycan.

Isaías 31:1

¡Ay imanöraj canqui yanapänanpaj Egiptucunaman ruwacoj aywajcuna; Egipto runacunapa cawalluncunaman yäracojcuna; aypalla carrëtancuna cashanman yäracojcuna; cawalluta muntacurcur pillyajcunaman yäracojcuna! Paycunaga yarpayllapis manami yarpärinchu Israelcunapa Santo Tayta Diosninman. Paymanga manami yäracunpischu.

Isaías 41:14

Jacobpita mirar aywaj Israelcuna, curunölla cashpayquipis ama manchacuychu. Nogami yanapäshayqui. Nogami gamcunapa Santo Tayta Diosniqui caycä. Nogami imapitapis jorgoj caycä.

Isaías 43:1

Cananmi ichanga Jacobpita mirar aywaj Israelcuna, camashoj Tayta Diosniqui cayno nishunqui: «Ama manchacuychu. Nogami gamtaga salbashcä. Jutiquipami gayashcä. Nogapanami canqui.

Isaías 59:13

Tayta Dios nishantaga manami cumlishcanchïchu ni wiyacushcanchïpischu. Paytaga chiquicarcärishcanchïmi. Noganchëga wañuchicuyllapämi, juc runata mana alli rurayllapämi parlashcanchi. Jucta-jucta engañanallanchïpämi parlacushcanchïpis.

Isaías 63:8

Tayta Diosga niran: «Paycunaga acrashä runacunami. Paycunaga manami gongaycamangachu.» Chaymi Tayta Diosga salbaran.

Jeremías 14:10

Israel runacunapaj Tayta Diosga caynömi nin: «Cay nasyun runacunaga yachacashami juc-läman juc-läman chayar puricachaj. Chayno captinmi mana cuyapächu. Cananga jucha rurashancunata llapanpitami jusgashaj.»

Jeremías 42:20

Gamcunaga Tayta Diosta mañacapänäpaj ruwacamashpayquimi nimarayqui: ‹Nogacunapaj Tayta Diosninchïta mañacuycuy. Nircorga imata nishantapis willamay nishanno ruranäcunapaj ari› nir. Canan nogaga gamcunata willashcä imano willanäpäpis Tayta Dios nimashantami. Ichanga gamcuna manami wiyacuyta munanquichu. Chay nishayquita mana cumlir gamcunaga fiyupa juchatami aparicuycanqui.

Jeremías 51:9

Chaura waquin nasyun runacunaga Babiloniata jampiyta camasha. Ichanga manami allchacashanachu. Chaymi nin: ‹¡Cachaycäriyna! Llapanchi aywacushun nasyunninchïman-camana. Paycunapa juchanga syëlucamami chayasha. Chaymi paycunaga fiyupa castigasha canga› nir.

Jeremías 7:15

Ichanga famillyayqui Efraín trïbu runacunata ñaupata gargushänömi gamcunatapis ñaupäpita gargushayqui.›

Lamentaciones 5:16

Corönäpis shicwacushami. Imapäraj yuriräcunapis. Nogacunaga juchatami rurashcä.

Ezequiel 16:23

« ‹Noga Tayta Diosmi në: ¡Ay imanöraj canqui Jerusalén! Chayno fiyupa mana allicunata rurasha caycashpayquipis

Ezequiel 18:2

«¿Imanirtaj Israelchöga imaypis cay rimayta rimarcaycan: « ‹Papänincuna pochgoj übasta micuptin wamrancunapana quirun shimpan› nir?

Ezequiel 18:25

«Gamcunaga ninqui ‹Diosga mana allitami ruraycan› nir. Ichanga Israelcuna sumaj wiyamay. ¿Noga mana allita ruraycashätachu yarpanqui? Chaypa ruquenga ¿manachuraj gamcuna mana allitaga ruraycanqui?

Ezequiel 34:6

Intëru jircapa y altunnin puntacunapami mashtacäcusha. Cay pachachöga pantacashpan intërupami aywacusha. Manami mayganpis paycunapäga yarpachacunchu. Ni ashej aywananpäpis manami yarpanchu.

Oseas 11:12

Tayta Dios nin: «Efraín runacunaga tucuynöpami llullapämasha. Israel runacunaga tucuynöpami manacajcunata nimasha. Judá runacunaga noga Tayta Diosninta gongaycamashami. Cananga ïdulucunatana mana cachaypa adurarcaycan.

Oseas 11:2

Chayno gayaycaptëpis nogapitaga masmi witicoj. Paycunaga mana dios caycaptin ‹diosnë› nishanpämi garayninta churapaj. Ïdulucunatami insinsuwanpis saumachej.

Oseas 5:7

Noga willapashäta manami wiyacushachu. Wamrancunapis caycan juc runapa churillannami. Chaypitami paycunaga juc quillallacho chacrancunawan iwal llapan ushacanga.

Oseas 7:1

acrashä runacunata jampiptë, Efrainpawan Samariapa juchancunaga alayrimi ricacan. Paycunaga llullacuyllapämi yachacasha carcaycan. Llapanpis suwallami. Wasicunamanpis suwacoj yagacaycärin. Runacunata imantapis cällicunacho guechun.

Oseas 7:3

«Acrashä runacuna mana allita ruraptinmi rayga cushisha mandan. Acrashä runacuna llullacuptinmi mandajcunapis cushisha mandan.

Oseas 9:12

Yurejllan wamrancunata uywaptinpis nogaga ushajpämi guechurishaj. ¡Wawallau caycho caycaj runacuna! Noga witicuriptë mä imanöshi canga.

Oseas 9:17

Cay marca runacunaga Tayta Diosnëta manami wiyacushachu. Chaypitami llapanta jitarenga. Intëru nasyuncunachömi puricachallar tiyanga.

Jonás 1:10

Chayno willashpan Jonasga büquicho arojcunata willaran Tayta Diospita gueshpiycashanta. Chayno willaptin lamar yacu pullchajyar masta mastana büquita tallpuchiyta munaptin büquicho arojcunaga fiyupa manchariran. Chauraga Jonasta tapuran: «¿Imanirtaj chayno gueshpicuycanqui? ¿Imatataj gamta ruräcunaman lamar gocha pullchajyaynin chawänanpaj?» nir.

Jonás 1:3

Ichanga Tayta Dios mandashanta rurayta mana munar Jonasga gueshpir aywacuran lamar cantuncho caycaj Jope siudäman. Chaychöna juc büquita tariran Tarsis siudäman llojshinanpaj caycajta. Chaura chayman aywacunanpaj pasäjinta pägaran. Nircur Tarsismanna büquiwan aywacuran.

Miqueas 6:12

Cay siudächo caj rïcucunaga llapanpis ñacachicojcunallami. Llapanpis llullacunallami caycan.

Miqueas 6:4

Gamcunataga uyway caycajta salbashpä Nogami Egiptupita jorgamurä. Nogami cachamurä Moisesta, Aaronta, Mariata llojshicamuptiqui paycuna pushamushunayquipaj.

Mateo 23:37

«¡Ay imanöraj canqui Jerusalén! Tayta Diosga profëtancunata cachamuran. Paycunatami wañuchishcanqui. Waquintaga sajmar-ushashcanqui. Jerusalén, achca cutimi wamrayquicunata shuntayta munarä wallpa chipshancunata älan rurinman shuntashannöpis. Ichanga manami munashcanquichu.

Deuteronomio 15:15

Gamcunapis Egiptucho uyway caycajta Tayta Dios jorgamushushayquita ama gonganquichu. Chaymi gamcunatapis willapä uywayniquicunata libri cacharinayquipaj.

1 Juan 1:10

«Manami juchayojchu cä» nerga Tayta Diostami llullata-japuy ricaycanchi. Tayta Dios «Llapan runapis juchayojllami» nishancunata manacajmanmi churaycanchi. Chayno carga willacuyninta manami rasunpa chasquicushcanchïrächu.

Apocalipsis 8:13

Chaypitanami ricarä juc anca altupa tumaycashancho cayno nimojta: «Ay, ay, ay cay pachacho cajcuna imanöraj canga guepa caj quimsan anjilcuna chararaycashan trompëtata tucamuptin.»