Oseas 6:11 - Tayta Diosninchi Isquirbichishan

¹¹ Judá, gampäpis maynami nishcä imay junaj castigasha canayquipaj cashantapis. Acrashä runacunapa surtinta ticrachiptë,

Oseas 6:11 ပူးပေါင်းရင်းမြစ်များ

Job 42:10

Amïguncunapaj mañacushanpitaraj Jobtaga Tayta Dios yapay yanaparan unay cashanno allicho goyänanpaj. Chaymi ima-aycatapis charächiran unay charashanpitaga juc chaynöpa mastaraj.

Salmos 126:1

Prësu aywajcunata Sionman Tayta Dios cutiycachimuptin, suyñuycashanchïtami yarparanchi.

Salmos 85:1

Tayta Dios, acrashayqui nasyun runacunawanga allimi goyashcanqui. Jacobpa surtintaga allimanmi ticrachishcanqui.

Jeremías 30:10

«Noga Tayta Diosmi në: «Jacobpita mirar aywaj Israelcuna, ama manchacuychu. Sirbimajcuna ama manchariychu. Caru nasyunman apashushayquipitami gamcunata y llapan wamrayquicunata jorgamushayquipaj. Chaypitaga allinami goyäcunquipaj. Alli goyäcuptiqui pipis manami manchachishunquipänachu.

Jeremías 51:33

Israelcunapa munayniyoj Tayta Diosninmi nin: «Babiloniaga caycan rïguta ërar cawallu lluchcanan ëranömi. Paycunapäga cosëchan chayaycämunnami.»

Joel 3:13

Paycuna fiyu runacuna cashanga pasaypanami pogupaycan. Chaymi paycunataga Tayta Dios castiganga ösita aptacurcur rïguta runa rutushanno. Tayta Diosmi usharenga übasta bïnupaj runa lluchcajno.

Miqueas 4:12

Ichanga chay nasyun runacuna manami musyanchu Tayta Diospa yarpaynin imano cashanta, ni imata rurananpaj yarpaycashantapis. Manami musyanchu rïguta ëraman shuntajno Tayta Dios shuntaycashanta.

Sofonías 2:7

Cawaycar quëdaj caj Judá runacunaga Filisteamanmi tiyacaycärengapaj. Chaymanmi uyshancunata gatengapaj michinanpaj. Chacaypanami Ascalón siudächo caycaj wasicunacho puñonga. Chaynöga cangapaj Tayta Diosnin paycunata yapay alli goyänanpäna yanapaptinmi.

Apocalipsis 14:15

Chaypita mayllantana syëlucho caycaj Templupita anjil llojshircamur pucutay janancho jamaraycaj runa-nirajta sinchipa niran: «¡Cosëcha poguraycannami! ¡Ösiquita aptacurcur juclla cusichanayquipaj ayway!»