Oseas 4:14 - Tayta Diosninchi Isquirbichishan

¹⁴ Quiquiquicunapis mañösa warmicunawanmi cacuycanqui. Chay warmicunawan ïdulucunata aduraj aywaycanqui. Chayno caycaptiquega noga mananami castigashänachu piwanpis cacushanpita wamrayquicunata, ni llumchuyniquicunatapis runancunata jucwan jananpashanpita. Chaynöpami runacunaga Diosnin cashäta mana musyashpan mana alliman chayan.

Oseas 4:14 ပူးပေါင်းရင်းမြစ်များ

1 Reyes 15:12

Payga nasyunninpita garguran ïdulucunata adurar ollgu-pura warmiwanno cacojcunata. Unay caj awiluncuna rurashan ïdulucunatapis illgächiran.

2 Reyes 23:7

Chayno juchuchiran ïdulucunata adurar ollgu-pura warmiwanno cacunan wasitapis. Chay cuartucunaga caycaran Tayta Diospa Templuncho. Chay cuartucunachöga warmicuna awaj Asera diosa-niraj ïdulupämi.

Proverbios 28:5

Fiyucunaga maygan alli cashantapis manami tantiyanchu. Tayta Diosman yäracojcunami ichanga llapanta tantiyan.

Isaías 1:5

¿Imapänataj mastaga castigasha caytapis munanqui? ¿Jinallarächu mana wiyacoj caycanqui? Cuerpuyquipis manami jäcunnachu maynincho astinäpäpis. Umayquipis intëru rachishallanami. Imata ruranayquipäpis gänasniqui manami cannachu.

Isaías 27:11

Chaychöga yörapa rämancunapis chaquir shicwanga. Chay shicwajta shuntarcurnami warmicuna yanuconga. Chaynöga canga chay runacuna yarpayniynaj captinmi. Chaypitami paycunata Camaj Diosga mana cuyapangachu ni llaquipangapischu.

Isaías 56:11

Paycunaga mana sacsaytapis atipaj yargaj guella allgucunanömi. Paycunaga imatapis mana tantiyaj uyshërucunami. Cada-ünunmi imanöpis yarpashanno goyäcun. Imatapis quiquincuna munashallantami ashircaycan.

Daniel 12:10

Dios willacachishan castïguwanga achcaj runacunami ñacangapaj. Chaypitami ichanga limyu juchaynajna llojshicamongapaj. Fiyu runacunami ichanga jinalla mana allillata rurarcaycangapaj ima cashantapis mana tantiyashpan. Musyaj-yachaj runacunami ichanga imano caycashantapis llapanta tantiyangapaj.

Oseas 14:9

Yachaj cajcunaga, yarpaysapa cajcunaga cay willacuyta tantiyachun. Tayta Diospa caminunga derëchumi. Alli runacunaga chaypami purin. Juchasapacunami ichanga chay caminucho tacacan.

Oseas 4:1

Israel runacuna, wiyay-llapa Tayta Dios rimashanta. Paymi cay nasyuncho tiyajcunapa contran rimaj-aywan. Paymi cayno nin: «Rasun cajta rimaj runacuna caychöga manami canchu. Mananami cuyapänacunnapischu. Nogataga manami pipis ‹Tayta Diosnë› nimannachu.

Oseas 4:17

Efraín runacunaga ïdulucunata aduraymanmi chayasha. ¡Mä chayno goyäcuchun ari!

Oseas 5:4

Mana allita rurashpanmi nishäta rurayta mana munannachu. Jucman-jucman aduraj aywayta yachacasha cashpanmi mana ‹Tayta Diosnë› nimannachu.

Amós 2:7

Pengaypaj ñacachin. Umildicunataga arriglarpis jananpanmi. Taytanpis, wamranpis chay jipashllawan cacun. Chayno rurashpanmi juchaynaj caycaptë pengayman churaman.

Amós 7:17

Chaypitami gamtaga Tayta Dios cayno nishunqui: ‹Jinan siudächömi warmiqui mañösaman ticrar jucwan-jucwan cacongapaj. Wamrayquicunana ollgupis warmipis sabliwan wañonga. Chacrayquicunatana surtita jitashpan raquipänaconga. Quiquiquinami wañunquipaj Diosta mana rispitajcuna tiyashan nasyuncho. Israelcunatanami nasyunninpita fiyupa caruman prësu apanga.› »

Números 25:3

Chayno rurarmi Baal-peorta aduraran. Chaymi Tayta Diosga Israelcunapaj fiyupa rabyacurcuran.

Juan 8:43

Willapaycashätaga ¿imanirtaj gamcuna mana tantiyanquichu? Chaynöga carcaycanqui noga willapashäta mana wiyacuyta munarmi.

Romanos 3:11

Pipis manami tantiyacunchu. Pipis manami Tayta Diosninchi munashanno cawayta ashinchu.

1 Corintios 6:16

¿Manachu musyanqui juc runa guellaypaj cacoj warmiwan cacorga juc runanöllana cashanta? Tayta Diosninchïpa palabranchöpis caynömi niycan: «Ishcanpis jucnayllanönami caycan».

Efesios 4:18

Yarpayninpis fiyupa pantacashanami. Shongunpis fiyupa chucruyashami. Chayno cashpanmi Tayta Diosninchi munashanno cawananpäpis mana yarpachacunnachu.

Deuteronomio 23:17

«Waquin nasyun runacuna diosnincunata adurar jucwan-jucwan cacuptinpis Israel runacunaga ni warmipis ni ollgupis chaycunata ama rurachunchu.

Hebreos 12:8

Tayta Diosninchïpis llapan wamrantami piñacun pay munashanno cawananpaj. Mana piñacushuptiquega manami paypa wamrannachu caycanqui.