Oseas 4:13 - Tayta Diosninchi Isquirbichishan

¹³ Altunnin puytush lömacunachömi insinsuta rupaycächin. Uywacunatapis pishtarcaycan. Chaynömi ruraycan ‹roble› yöracunapa, ‹álamo› yöracunapa, ‹encina› yöracunapa chaquinchöpis. Chaymi warmi wamrancunaga pï-maywanpis cacun. Llumchuynincunapis runancunata jucwan jananpaycan.

Oseas 4:13 ပူးပေါင်းရင်းမြစ်များ

2 Reyes 17:7

Chaynöga caran Tayta Dios mana munashanta Israelcuna rurashanpitami. Tayta Diosga faraonpa munaynincho caycajtami unay Egiptupita jorgamusha caran. Chaypis Israelcunaga mana sirbej ïdulucunata rispitar adurasha.

2 Reyes 23:7

Chayno juchuchiran ïdulucunata adurar ollgu-pura warmiwanno cacunan wasitapis. Chay cuartucunaga caycaran Tayta Diospa Templuncho. Chay cuartucunachöga warmicuna awaj Asera diosa-niraj ïdulupämi.

Isaías 1:29

Fiyupa cuyashayqui yöracunata ricar pengacunquipämi. Cuyashayqui wertacunata ricaptiqui pengacuyllawanmi cärayquicunapis pucayacäcongaraj. Chay particunachömi gamcunaga ïdulucunata adurarcaycanqui.

Isaías 57:5

Gamcunaga roble gueru chaquincunacho, rämasapa yöracunapa chaquinchöpis dioscunata adurashpayqui melanaypaj ganracunatami rurarcaycanqui. Dioscunata adurashpayquipis wamracunata pishtarcur rupaycächinqui ragra läduncunacho, gagapa shillincunacho.

Isaías 57:7

Altunnin puntacunachömi cämayquitapis camacächishcanqui. Chaycamami wichashcanqui sacrifisyucunata garanayquipaj.

Jeremías 2:20

«Unaypita-pachami gamcunaga nogapa conträ ricacurayqui. Manami wiyacamashcanquichu. Gamcunaga ‹Manami sirbishayquinachu› nimarayqui. Chayno nishpayquimi llapan puytush lömacunacho, rämasapa yöracunapa chaquincunachöpis guellaypaj cacoj warmino juchata rurashcanqui.

Jeremías 3:13

Rimariy ari juchayoj cashayquita. Reconösiy mana wiyacoj cashayquita, rämasapa yöracuna rurinman juc dioscunata aduraj aywashayquita, Noga nishäcunata mana wiyacushayquitapis.» Tayta Diosmi chayno nin.

Jeremías 3:6

Josías ray cashan wichan Tayta Dios nimaran: «¿Ricashcanquichu mana wiyacoj Israel nasyun imano rurashantapis? Llapan puytush lömacunacho, rämasapa yöracunapa chaquincunachöpis mañösa warminömi juchata rurasha.

Jeremías 44:8

¿Imanirtaj llapan rurashayquicunawan fiyupa rabyachimanqui? ¿Imanirtaj Egiptuman tiyaj shamushayqui nasyunchöga juc dioscunapaj insinsucunatapis rupaycächinqui? Chayno rurashpayqui quiquiquicunallami illgayta munarcaycanqui. Chaynöpami gamcunaga canquipaj intëru nasyun runacuna ricacunanpaj. Pasaypa maldisyunädumi canquipaj.

Ezequiel 16:16

Röpayquicunawanmi tolducunata rurashcanqui puytush lömacunacho ïdulucunata aduranayquipaj. Nircorga chay tolducunachönami pï-maywanpis cacushcanqui. Rurashayquinöga manami imaypis cashachu ni mananami cangapänapischu.

Ezequiel 16:25

Cälli isquïnacunachömi capillacunata rurashcanqui pï-maywanpis cacunayquipaj. Pï-may päsajtapis «cacushun» nishcanqui. Chaynöpami pï-maywanpis cacurayqui.

Ezequiel 6:13

Wañoj runacunaga ïdulucunapa ñaupancho, altarnincunapa ñaupancho mashtarpaycanga. Altu patacunacho, puytush lömacunacho, berdiraycaj yöracunapa chaquincunachöpis mashtarpanga. Encina yörapa chaquincunacho, ïduluncunapaj insinsucunata rupachishan altarcuna cashanchöpis jitarpaycanga. Chayta ricar-rämi tantiyaconga noga rasunpa Tayta Dios cashäta.

Oseas 10:8

Mana bälej ïduluncunata adurashan capillancunapis ushacangami. Chaychöga Israelcuna juchatami ruraran. Capillancunachöga cashacunawan shiracunallami wiñamonga. Chayrämi runacunapis puntacunata nenga: «¡Juchumur chapacarcamay!» nir. Jircacunatapis nenga: «¡Nogacunapa janäman tunimur ñiticarcamay!» nir.

Oseas 11:2

Chayno gayaycaptëpis nogapitaga masmi witicoj. Paycunaga mana dios caycaptin ‹diosnë› nishanpämi garayninta churapaj. Ïdulucunatami insinsuwanpis saumachej.

Oseas 2:13

Castigashaj ayca watapis Baal dios-niraj ïdulucunapaj saumachishanpitami. Nogata cachaycamashpanmi wallgacunata, surtïjacunata jaticurcur cuyashancunapa guepanta aywacuran.» Tayta Diosmi chayno nisha.

Amós 7:17

Chaypitami gamtaga Tayta Dios cayno nishunqui: ‹Jinan siudächömi warmiqui mañösaman ticrar jucwan-jucwan cacongapaj. Wamrayquicunana ollgupis warmipis sabliwan wañonga. Chacrayquicunatana surtita jitashpan raquipänaconga. Quiquiquinami wañunquipaj Diosta mana rispitajcuna tiyashan nasyuncho. Israelcunatanami nasyunninpita fiyupa caruman prësu apanga.› »