Oseas 3:5 - Tayta Diosninchi Isquirbichishan

⁵ Chayno cashanpitarämi Israelcunaga Tayta Diosman cutenga. Davidpita miraj rayninmanpis cutenga. Ushanan watacunachöga fiyupa rispitar aywanga Tayta Diospa ñaupanman. Chaura Tayta Diospis bindisyunnintami churanga.

Oseas 3:5 ပူးပေါင်းရင်းမြစ်များ

1 Reyes 12:16

Llapan Israel runacuna ruwacushanta ray mana auniptin paycunapis niran: «Davidtaga ¿imaycamataj rispitaycäshun? Payga manami famillyanchïchu. ¡Davidpa wamranga famillyancunata mandacuchun! ¡Israel cajcunaga marcanchïman-cama cuticushun!» Chayno nirmi jinan öra llapan Israelcuna wasinman-cama aywacuran.

Isaías 17:7

Chay junaj Israelcunaga yarpärengapaj ima-aycatapis ruraj Tayta Diosta. Israelpa Santo Tayta Diosninmannami yäraconga.

Isaías 2:2

Ushanan junajcunachöga Tayta Diospa Templun caycashan punta waquin puntacunapitaga mas rispitashami cangapaj. Intëru nasyun runacunami chayman shamongapaj.

Isaías 2:3

Aypalla runacunami shamunanpaj cayno parlaconga: «Aywashun-llapa, Jacobpa Tayta Diosninpa Templun caycashan jircaman wichänapaj. Chaychönami willamäshun imano goyänanchïpaj cashantapis. Chaynöpana pay munashanno llapantapis rurashun» nishpan. Jerusalenpitami Tayta Diosga yachachimäshun. Chay Sionpitanami parlapämonga.

Isaías 60:5

Gam paycunata ricaptiqui cärayquipis cushicuypita achicyaypa achicyangaraj. Cushicuypita shonguyquipis ashac-ashacllaraj ricacongapaj. Lamarcho cajcunatapis fiyupa cuestajcunatami apapämushunquipaj. Nasyunnincunacho ima-aycanpis mas alli cajtami goycushunquipaj.

Isaías 9:13

Chayno castigaycaptinpis runacunaga manami wanacuranchu. Ni munayniyoj Tayta Diosmanpis manami yäracuranchu.

Jeremías 23:5

«Juc junäga Davidpita lijïtimu mirar aywajnami ray cangapaj. Payga alli yachaj cayninwanmi mandangapaj. Cay nasyunchöga alli cajllatanami rurangapäpis.

Jeremías 30:24

Tayta Dios rabyashanga manami päsangachu yarpashanta manaraj rurayta ushashancamaga. Llapan chaycunata gamcunaga juc junajrämi tantiyanquipaj.

Jeremías 30:9

Chaura paycunaga rispitar sirbimanga noga Tayta Diosllantanami. Churapashä raynintapis sirbenga. Chay rayga Davidnömi mandangapaj.

Jeremías 33:17

Noga Tayta Diosmi në: Davidpita mirar-aywäga manami imaypis pishengapächu Israelcunata mandananpaj.

Jeremías 33:9

Jerusalenta yanapashäta musyashpanmi llapan nasyun runacuna rispitamanga, alabamanga. Noganami cay siudäpaj fiyupa cushicushaj. Jauca goyänanpaj Jerusalenta alli yanapashäta mayaycorga intëru munducho tiyajcunami almiranga, mancharenga.»

Ezequiel 16:63

Llapanpita perdunaptë gamga yarpärinquipämi fiyupa mana allicunata rurashayquita. Chayrämi fiyupa pengacunquipaj. Chaypitanaga manami alli-tucunquipänachu. Noga Tayta Diosmi chayno në.› »

Ezequiel 38:16

Nircorga acrashä Israelcunata maganquipaj. Gam Gog, chay partipaga juntacuycunquipaj yana pucutaynörämi. Öra chayamuptinnaga camacächishaj acrashä partiman shamunayquipaj. Gamwan imanöpis rurachishäta ricar-raj waquin nasyun runacuna musyangapaj noga munayniyoj cashäta.

Ezequiel 38:8

Cananpita achca watataga nishayquipaj guërracho ushacashan nasyunman pillyaj yaycunayquipaj. Chaypäga chay nasyun runacuna pillyashanpita gasacashanami caycangapaj. Paycunaga intërupami machicar aywacusha casha, imaycamapis illgächisha cananpaj. Chay örapämi ichanga mayna cutimur shuntacashana carcaycanga Israel jircacunacho. Chay öra paycunaga llapan nasyunpita cutimushana carcaycanga. Alli mana yarpachacuypana tiyarcaycangapis.

Daniel 10:14

Gamman nogaga shamushcä nasyunniqui imano cananpaj cashantapis willanäpämi. Suyñushayquega caycan shamoj watacunacho imanöpis cananpämi.›

Daniel 2:28

Janaj pachacho caycaj Diosmi ichanga ima cananpaj cashantapis musyachimanchi. Paymi musyachisha-cashunqui shamoj watacunacho ima cananpaj cashantapis. Tayta, cananga willashayqui suyñur ricashayqui imano cashantapis. Chayno willashayqui imapaj cashantapis:

Oseas 1:11

Chauraga Judá runacunawan Israel runacuna jucllachacar iwalnami goyanga. Jucnayllatanami mandajnin cananpäpis churanga. Chauraga may-chaypitapis Jerusalenmanmi cutenga. ¡Chay junaj Jezreelchöga fiyupa cushicuymi cangapaj!

Oseas 11:10

«Gamcunaga nogatami wiyacamanquipaj. Noganami liyun gaparajno parlamushaj. Liyun gaparajno parlaptëmi nogapa cajcunaga inti yaganan caj-läpita sicsicyaycar shamongapaj.

Oseas 5:15

«Nircur cuticushaj tiyanämanmi. Chaycho cacushaj paycuna juchayoj cashanta reconösinancama, ashimaj shamunancama. Fiyupa llaquicuycho caycashan örami ashimanga.»

Oseas 5:6

Sacrifisyuta nogapaj rupachinanpaj uyshancunata, wäcancunata apacurcurmi Nogata ashimashpan purengapaj. Chayno ashimashpanpis manami tarimangapächu. Chaynöga canga noga cachaycushana captëmi.

Oseas 6:1

Llapanchi shuntacäshun. Nircur Tayta Diosninchïmanna cutishun. Paymi rachir-usharamaranchi. Chaymannömi allchacächimäshunpis. Yawar-yawar ruramashcanchi. Chaymannömi jampimäshunpis.

Amós 9:11

«Chay nishä junaj chayamuptenga Davidpita mirajcuna yapay Israelcho mandananpämi camacächishaj. Davidpa wasin tunisha caycajta yapay jatarachishaj. Uchcuncunata chapashaj. Pergancuna juchusha caycajta pergashaj. Chauraga unay cashannömi yapay canga.

Miqueas 4:1

Shamoj watacunacho Tayta Diospa Templun caycashan puntaga waquin puntacunapita mas rispitashami cangapaj. Chaymanmi shamongapaj achca nasyun runacuna.

Números 24:14

Nogaga marcämannami cuticö. Ichanga manaraj cuticurmi willashayqui chay Israel runacuna nasyunniquicho imano rurananpaj cashantapis.»

Romanos 11:25

Ermänucuna, gamcunaga achcatami mana musyanquirächu. Chaymi canan willashayqui Tayta Dioslla musyashancunata. Waquin Israelcuna Jesucristuman pasaypa mana yäracuyta munanchu mana Israel runacunapita Tayta Dios acrashan cajcuna Jesucristuman yäracunancamallami.

Romanos 2:4

¿U Tayta Dios cuyapäcoj, pasinsacoj, alli captinchu yarpanqui mana castigashunayquipaj cashanta? Payga cuyapäshushpayquimi munan jucha rurashayquipita arpinticur pay munashannöna cawanayquita.

Deuteronomio 4:30

Chay nasyuncunacho fiyupa ñacar llaquicushpayqui Tayta Diosta yarpärir layninta wiyacuptiquega