Oseas 3:4 - Tayta Diosninchi Isquirbichishan

⁴ Chaynömi Israelcunapapis achca watacama mana cangapächu raynin, ni mandajnincunapis. Manami Tayta Diospaj sacrifisyutapis rupachengachu. Manami juc diosta adurar wancatapis ichichengachu. Cürapa efodninpis manami cangachu. Wasi ïduluncunapis manami cangachu.

Oseas 3:4 ပူးပေါင်းရင်းမြစ်များ

Génesis 31:19

Chay öra Labanga millwa rutoj juc-läman aywacusha caran. Chaycamami Raquelga papäninpa wasi ïduluncunata suwapaycuran.

Génesis 31:34

Payga ïdulucunata charircur pacariycuran camëllucunapa carunancuna rurinman. Nircur jananman jamacuycuran. Labanga chay toldu rurita auchiypa auchir intëruta ashiran. Ichanga mana tariranchu.

Génesis 49:10

Judätaga manami pipis guechongapächu munayniyoj cayninta. Manami pipis guechongapächu mandaj car charashan bastunnintapis rasunpa mandaj chayamunancama. Chay mandajtami llapan runacunapis rispitangapaj.

2 Samuel 6:14

Davidnami lïnu efod jatisha Tayta Diospa babulninpa ñaupanta aywaycaran cushicushpan gachwaraycar.

2 Reyes 23:24

Josiasga illgächiran llapan brüjucunata, musyacojcunata, runacunapa wasi ïduluncunata, waquin ïdulucunatapis. Judächo, Jerusalencho imatapis manacajcunata rispitar adurar charashantaga illgächiran. Chaycunata ruraran Tayta Diospa Templuncho Hilcías tarishan librucho imano rurananpäpis niycashannömi.

2 Crónicas 15:2

Asata tariparcur niran: «Ray Asa, Judäcuna, Benjamincuna llapayqui wiyamay. Tayta Diosman yäracuptiquega Tayta Diospis gamcunawanmi caycan. Pay munashanno goyaptiquega yanapäshunquimi. Payta gongaycäriptiquimi ichanga cachaycushunquipaj.

Éxodo 28:4

Rurachinqui: pectoralta, efodta, cuyayllapaj burdasha sotänanta, cuyayllapaj burdasha päsaypa largu röpata, shucullpinta, labur wachcutapis. Chay röpacunataga rurachinqui wauguiqui Aaronpaj, wamrancunapäpis acrashä cüracuna car sirbimänanpaj.

Éxodo 28:6

«Efodta rurachinqui goriwan, caupusha jïlupita rurasha fïnu lïnu jïluwan, muräduman, auröraman, pucaman tiñisha jïlucunawan. Chaycunataga yachaj runacuna awanga.

Lamentaciones 2:9

Siudäpaga mananami cannachu puncuncuna, ni rancancunapis. Paquir-ushashami intëru pampacho mashtaraycan. Raytapis gobernadorcunatapis juc-lä nasyuncunamanmi apacusha. Tayta Diospa layninpis manami cannachu. Profëtacunatapis Tayta Diosga mananami musyachinnachu.

Ezequiel 19:14

Rämancunapitana nina ratataycaj llojshiycan. Chay ninanami rupaycan chillguipancunatawan, wayuynintaga. Raypa bäranpäno sinchi rämancunaga manami cannachu. «Cayga caycan wañupacuycho cantanami. Chaymi llapan cumliptenga cay cantanata cantangapaj.»

Ezequiel 20:32

« ‹Gamcuna yarpashayquega manami camacangachu. Gamcunaga nishcanqui: «Cay pachacho nasyuncuna imanöpis cashanno cashun. Paycunano guerupita, rumipita rurasha ïdulucunata adurashun» nir.

Ezequiel 21:21

Babiloniapa raynenga ichicuycusha ishcan-läman näni raquiycajchömi. Chaychömi surtita gatir lëchacunata chuncaycan; ïduluncunata tapucuycan; uywacunapa ñatinnincunata ricaycan.

Ezequiel 21:31

Rabyashä nina ratariycajno caycajtaga gamchömi päsachishaj. Chaymi gamcunataga cachaycushayquipaj fiyu runacunapa, illgächicojcunapa maquinman.

Daniel 11:31

« ‹Paypa suldäruncunami Diospa rispitädu Templuntapis, ñaupanpa tumaraycaj pergatapis ganrachenga. Waran-waran Tayta Diospaj ofrendacunata churananpaj cajtapis mana dëjanganachu. Chaypa ruquenga fiyupa melanaypajtanami churanga.

Daniel 12:11

Waran-waran Diospaj sacrifisyuta rupaycächishancunata cachaycachishanpita asta Diosta rispitana Templuta fiyupa ganrachinancamaga canga waranga ishcay pachac isgun chuncan (1,290) junajninmi.

Daniel 9:27

Chay juc-lä rayga juc semänami conträtuta rurar alli parlaconga. Pullan semänachönami ichanga nengapaj uywacunata ni ima ofrendatapis Diospaj manana apananpaj. Diospaj rupachicuna altartapis pasaypa manacajman churangapaj. Chaynöga caycangapaj chay runaman Tayta Diospa castïgun chayanancamami.»

Oseas 13:10

Cananga ¿maytaj chay llapan siudäniquicho salbashoj rayniqui? ¿Maychötaj caycan mandajniquicuna: ‹rayta, mandajcunata churapämay› nishayquicuna?

Oseas 13:11

Gamcuna fiyupa rabyachimaptiquimi rayta churaparä. Nircur fiyupa rabyashpämi rayniquicunatapis illgarachishcä.

Oseas 2:11

Cushicur goyashancunapis ushacangami. Manami canganachu fistancuna, llullu quillacho rurashan fistacuna, säbadu jamay junajcuna, waquin fistacunapis.

Levítico 8:7

Bäñariycorga Aaronta ajüruta jatiparcur wachcaparan. Jananmanna sotänata jatiparan, chaypa jananmanna mandil-niraj efodta. Nircur efodpa watullanwan chegllanpa sumaj wataparan.

Zacarías 10:2

Wasi ïdulucuna ribilacushanmi ichanga mana rasunpachu. Musyacojcuna «cayno wacno» nishanpis manami rasunpa cajchu. Chay runacuna suyñucunata willacushanga manami rasunpachu. Shacyächir willapashancunapis manami rasun cajchu. Chaymi gamcunaga uysha mashtacajnöpis pantacasha carcaycanqui. Uyshëruynaj uyshacuna-jinami fiyupa ñacarcaycanqui.

Zacarías 13:2

«Chay junaj cay nasyunchöga intëruchömi ïdulucunata illgächishaj. Chayrämi mastaga manana imaypis parlanganachu chay ïdulucunapaj. Chay nasyunpitaga illgarachishämi llulla profëtacunata. Noga Tayta Diosmi chayno në.

Lucas 21:24

Waquintami sabliwan wañuchenga. Waquintanami caru nasyuncunaman prësu apanga. Mana Israel runacunanami Jerusalentaga munaynincho cachengapaj Tayta Dios nishan cumlinancama.

Juan 19:15

Chaura runacunaga sinchipa niran: «¡Wañuchun! ¡Wañuchun! ¡Crusificachiy!» Chaymi Pilato niran: «¿Rayniquita crusificämanchuraj?» Chaura mandaj cüracuna niran: «¡Nogacunapa raynëga Cesarllami! ¡Paypita mas jucga raynë manami canchu!»

Hebreos 10:26

Jesucristuman yäracuycashanpita apripösu juchata ruraptenga jampi manami cannachu. Ima ofrendata churaptinpis Tayta Dios manami perdunanganachu.

Jueces 17:5

Micaiapaga maynami caycaran capillan. Diosta mañacur jaticunanpämi efodta ruraran. Quiquin famillyacunalla «diosnë» nishancunapis achca caran. Nircur juc wamrantanami cüra cananpaj churaran.

Jueces 18:14

Lais parti chacrata ricapacojcunaga pichganmi waquin caj runacunata niran: «Gamcunaga manami musyanquirächu. Tagay wasicho caycan cürapa pichëran efod, chay famillyallapa diosnincuna. Ïdulunpis guellaywan chapyasha caycan. ¿Imatataj rurashun?»

Jueces 8:27

Chay goripita Gedeonga rurachiran juc pichërata. Nircur siudänin Oframan churaran. Israelcunaga pichërata adurar Tayta Diosta mana wiyacurannachu. Chay pichërami Gedeonpäpis famillyancunapäpis trampano caran.

1 Samuel 14:3

Israelcunachöga cüra jatiränan efodta Ahías cürami jatisha aywaj. Payna caran Ahitobpa wamran; Ahitobna Icabodpa wauguin. Paycuna caran Fineespa wamran. Finees caran Elïpa wamran. Siluchömi Elïga Tayta Diospa cüran caran. Runacunaga mana musyaranchu Jonatán aywacushanta.

1 Samuel 15:23

Brüju rurajcunanömi fiyupa juchata ruran Tayta Diosta mana wiyacojcunaga. Ïdulucunata rispitajnömi Tayta Diosta mana wiyacojcunaga juchata ruran. Gamtapis mana wiyacushayquipitami ray caycashayquipita Tayta Diosga jitarishunqui.»

1 Samuel 2:18

Samuelmi ichanga lïnupita rurasha efodnin jatisha Tayta Diosta sirbiycaran.

1 Samuel 21:9

Chaura cüra niran: «Au, caycho charaycämi Ela pampacho wañuchishayqui Filistea runa Goliatpa sablinta. Chayga efodpa guepancho jacucunawan pituraycan. Munarga apacuy ari. Mastaga ima armatapis manami charächu.» Chaura David niran: «Chay sabliga fiyupa allimi. Jorgapaycamay ari.»

1 Samuel 22:18

Mana wañuchiptin rayga Edom runa Doegta niran: «Gam wañuchiy.» Chaura Doegga cüracunata juclla wañuchiran. Chay öra wañuchiran pusaj chunca pichgan (85) cüracunata efodnin jatishata.

1 Samuel 23:6

Ahimelecpa wamran Abiatarga gueshpir aywacusha caran Keilamanmi Davidman guellicunanpaj. Efodta chayachiran.

1 Samuel 23:9

Saúl yarpaycashancunata musyar Davidga Abiatar cürata niran «efodta apamuy Tayta Diosta tapucunapaj».

1 Samuel 30:7

Chaymi Ahimelecpa wamran cüra Abiatarta niran: «Efodta apapämay.» Davidman efodta Abiatar apapaycuptin