Oseas 2:18 - Tayta Diosninchi Isquirbichishan

¹⁸ Chay wichanga Israelcuna jauca goyänanpämi parlashaj jirca animalcunawan, pärej äbicunawan, culebracunawan. Cay nasyunpitaga lëchatapis, sablitapis illgächishämi. Guërrapis manami canganachu. Chayrämi acrashä runacunaga jauca goyäcongapaj.

Oseas 2:18 ပူးပေါင်းရင်းမြစ်များ

Job 5:22

Muchuy, ni llaquicuy captinpis manami imapis gocushunquipächu. Micucoj jirca animalcunatapis manami manchacunquipächu.

Job 5:23

Rumicunapis chacrayquicunacho manami quichquirangachu. Jirca animalcunapis cuyashunquipämi.

Salmos 148:10

Tayta Diosta alabay-llapa manshu animalcuna, chucaru animalcuna, äbicuna, culebracuna.

Salmos 23:2

Tajta pampacunachömi jamachiman. Chuya yacu aywajmanmi pushaman.

Salmos 46:9

Payga guërratapis intëruchömi chawächisha. Paymi lëcha jitacunatapis paquirgärisha. Tucsicunantapis ichic-ichiclla paquirgärisha. Guërrapaj caycaj carrëtacunatapis rupargärachisha.

Isaías 2:11

Alli-tucojcunaga uysurpangami. Ollgojcunapis manacajman churashami ricacongapaj. Chay junäga Tayta Diosllami fiyupa munayniyoj cashpan rispitasha canga.

Isaías 2:17

Alli-tucojcunawan ollgojcunaga pasaypa manacajman churashami cangapaj. Chay junäga Tayta Diosllami fiyupa munayniyoj cashpan rispitasha canga.

Isaías 2:4

Tayta Diosmi arriglanga llapan nasyun runacunata. Nircorga paynami chiquinacuycaj nasyun runacunata nenga imano goyänanpäpis. Chaura chay runacunaga sablincunatapis ticrachenga rëjancunamanmi. Tucsicuna lansancunatapis ticrachenga ösincunaman. Juc nasyunpa contran mananami maygan nasyun runacunapis yapayga aywanganachu pillyacunancunawan. Chayno captin mananami guërrapäpis yachachinaconganachu.

Isaías 26:1

Chay junäga cay alabansatami Judá nasyun runacuna cantangapaj: «Noganchïpa siudäninchëga sumaj curalashami. Tayta Diosga salbamänanchïpaj rurasha ishcay ayway pergatami.

Isaías 32:18

Acrashä runacunaga allillami tiyangapaj. Mana manchacuypa sigüru wasicunachömi tiyangapaj.

Isaías 54:5

Camashoj Tayta Diosmi majanpaj shuntashunquipaj. Paypa jutenga munayniyoj Tayta Diosmi. Imapitapis chapäshöga caycan Israelcunapa Santo Tayta Diosninmi. Payga mundu intërupa Diosninmi.

Isaías 65:25

Uyshawan atojpis juc pachallachömi goyanga. Liyunpis wäcanömi guewata miconga. Culebranami allpata miconga. Rispitädu jircächöga alli goyayllanami canga.» Tayta Diosmi chayno nisha.

Jeremías 23:6

Pay ray cashan wichan Judá runacunaga allillami goyangapaj. Israel runacunapis allimi goyanga. Chay mandajpa jutintaga churapangapaj ‹Alliman churamajninchi Tayta Dios› nir.»

Jeremías 30:10

«Noga Tayta Diosmi në: «Jacobpita mirar aywaj Israelcuna, ama manchacuychu. Sirbimajcuna ama manchariychu. Caru nasyunman apashushayquipitami gamcunata y llapan wamrayquicunata jorgamushayquipaj. Chaypitaga allinami goyäcunquipaj. Alli goyäcuptiqui pipis manami manchachishunquipänachu.

Jeremías 33:16

Chay wichan Judá runacunaga allinami goyangapaj. Jerusalén runacunapis allillami goyanga. Chaymi jutintaga churapangapaj ‹Tayta Diosmi alliman churamajninchi› nir.

Ezequiel 34:25

« ‹Uyu uyshano caycaj acrashä runacunawanmi alli parlacushaj allillana goyänanpaj. Israel nasyunpitaga micucoj animalcunata illgächishämi. Chaura paycunaga jäcoj intëru jircacunacho mana manchacuypana tiyacongapaj. Munticunachöpis puñucongapaj.

Ezequiel 39:1

«Runa, gamga nogapa jutëcho Gogpa contran rimay: ‹Tayta Diosga caynömi nin: Mesecpawan Tubalpa mas mandajnin Gog, nogami gampa contrayqui ricacö.

Zacarías 14:4

Chay junäga Tayta Dios ichiycongapaj Olivos lömamanmi. Chayga caycan Jerusalenpa chimpan, inti yagamunan caj läducho. Chaypita juc ragra guechwapa aywaraycanga inti yagamuna caj lädupita inti yaganan caj-läcama. Chaymi Olivos lömataga ishcayman raquirenga. Pullan cäga witicurengapaj norte caj läduman; pullan cajnami witenga sur caj läduman.

Zacarías 14:9

Chay wichanga Tayta Diosllanami mandangapaj intëru munducho. Pay japallanmi Tayta Diosninchi.

Zacarías 2:11

Chayno captenga achca nasyun runacunami sirbimangapaj. Chaura nogaga paycuna cajchömi caycäshaj. Paycunaga acrashä runacunanami canga,» nir. Chayno captinrämi gamcunaga musyanquipaj munayniyoj Tayta Dios nogata cachamashanta.

Zacarías 3:10

Chay junaj chayamuptenga jucniqui-jucniquimi marca-masiquicunawan goturpanquipaj übas yörayqui chaquincho, ïgus yörayqui chaquinchöpis. Munayniyoj Tayta Diosmi chayno në.› »

Zacarías 9:10

Nogami illgächishäpaj Efraín trïbupa pillyapaj caj carrëtancunata, Jerusalencho caj cawallucunata, pillyananpaj caycaj lëcha jitacunancunata. Shamoj rayga willacongapaj intëru nasyuncho alli goyay cananpämi. Mandangapis jatun lamarpita Cachi lamarcamami. Mandangapaj Éufrates mayupita mundupa jucaj cuchuncama.