Oseas 14:7 - Tayta Diosninchi Isquirbichishan

⁷ Israel runacunaga yapaymi nogapa maquëcho goyanga. Chayrämi canga rïgu shicshiraycajno. Übas sumaj chillguiraycashannörämi canga. Paycunapäga may-chaychöpis parlanga Líbano bïnupänörämi.

Oseas 14:7 ပူးပေါင်းရင်းမြစ်များ

Salmos 138:7

Ima mana allimanpis chayaptë Tayta Dios gammi yanapämanqui. Munayniyoj cashayquita musyachishpayquimi chiquimajcunapitaga salbamanqui.

Salmos 85:6

Acrashayqui runacuna carcaycaptenga ¿manachu cawaycajta cachaycamanquiman? Nogacuna cushicunäpaj ¿manachu cawachimanquiman?

Salmos 91:1

Janajcho caycaj Tayta Diospa maquincho goyaycaj runataga Munayniyoj Tayta Dios chapanga.

Cantares 2:3

Munti chaupincho mansäna yöra wayuraycajnömi cuyaynëga waquin runacunapa chaupincho caycan. Llantuyninman jamaycorga fiyupami cushicö. Wayuyninpis fiyupa mishquejmi.

Cantares 4:11

Cuyaynë, shimi wirpayquega mishquinörämi. Muchacuyniquipis lëchiwan mishqui caycajnörämi. Röpayquipis Libanucho caycaj muntipa asyayninnörämi cuyayllapaj asyan.

Cantares 6:11

Nuwal yöracunalla caycashan muntipa aywashcä. Aywashcä yacu aywaj ragra cantun pampa berdiraycajta ricapaj. Übas chichiycajta, granada waytaraycajta ricayta munashpämi urashcä.

Isaías 61:11

Imanömi chacracho muru pashtamun, wertachöpis imanömi lanta chillguir wiñan, chaynömi Tayta Diosga camacächenga rasun caj alli ruraytana yapay gallaycunanpaj, alabansacunatapis cantananpaj. Chaytaga llapan nasyun runacunami ricanga, wiyanga.

Ezequiel 17:23

Israelcho caycaj puntamanga mas altunninmanmi lantashaj. Chaycho alli wiñaptin rämanpis jatunyar mashtacanga, sumaj wayonga. Alli sedru gueruna canga. Chay yörapa chaquinchöga tucuy-casta animalcunami tiyanga. Rämancunachöpis gueshtata ruranga tucuy-casta äbicunami.

Oseas 14:5

Israelcunapäga cashaj tamyariptin shullay quëdashanömi. Paycunanami caycanga liryucuna waytajno. Paycunaga canga Líbano jircacho yöracuna sumaj sapichasha caycajnömi.

Oseas 2:21

Chay wichanga nogami syëlupita allpaman tamyachimushaj.

Oseas 2:22

Chaura allpanami alli wayuchenga rïguta, bïnuta, asëtita. Chaycunawanmi Jezreelga alli cawanga.

Oseas 6:2

Ishcay junaj cajchöga cawananchïpaj jämaytami cutichimäshun. Quimsa junaj cajchönami jatarachimäshun ñaupanchöna goyänanchïpaj.

Zacarías 8:12

Alli goyaynami paycunachöga cangapaj. Übascunapis wayonga. Allpachöpis micuycuna allimi wayonga. Tamyapis tamyamongami. Acrashä runacuna cawaycar quëdajcunapäga nogami camacächishäpaj chayno paycunapaj alli cananpaj.

Juan 11:25

Niptin Jesús niran: «Nogami cä cawachej, yapay cawarachimojpis. Nogaman yäracojcunaga wañurpis cawarimongami.

Juan 12:24

Sumaj tantiyacuy. Musyashanchïnöpis rïgu muruta mana pampaptinchëga manami wiñamunchu. Pampaptinchïmi ichanga wiñamur achcata wayun.