Oseas 14:6 - Tayta Diosninchi Isquirbichishan

⁶ Olivo yörapa rämancuna carucama mashtarashannömi paycunaga aypallaman miranga. Líbano munticho sedru alli asyashannörämi cangapis.

Oseas 14:6 ပူးပေါင်းရင်းမြစ်များ

Génesis 27:27

Papäninta muchananpaj Jacob ñaupanman witircuptin Isaacga röpanpa asyayninta mayaran. Chaymi bindisyunta goshpan cayno niran: «Cayga wamräpa asyayninmi. Tayta Dios bindisyunta churashan jircacunapa asyayninnömi caycan.

Salmos 128:3

Warmiquipis wasiquichöga cangapaj fiyupa wayuraycaj übasnörämi. Wamrayquicunanami läduyquicho carcaycangapaj olivo yöra chillguiraycajnöraj.

Salmos 52:8

Nogami ichanga Tayta Diospa Wasincho caycä cawaj Olivo jachano. Pay cuyacoj captin imaypis payllamanmi yäracushaj.

Salmos 92:12

Alli runacunaga carcaycan cuyayllapaj palma yöra tucturaycajnörämi. Miranpis Libanucho sedru wiñamojnörämi.

Isaías 27:6

Shamoj watacunachöga Jacobpita miraj Israelcuna tacyangami. Paycunaga guerunömi chillguenga y waytanga. Wayuynenga intëru nasyunpämi aypanga.

Isaías 35:2

Chauraga waytapis aypallami canga. Cushicur cantaypis cangami. Tayta Diosmi camacächej-aywan chaqui jircacuna Libanuno cuyayllapaj cananpaj. Chaynöpis camacächenga Carmelo jircano, Sarón guechwano alli allpa cananpaj. Chayrämi llapan ricangapaj Tayta Dios cuyayllapaj munayniyoj caycajta.

Isaías 66:14

Chayno caycajta ricashpayquega fiyupami cushicunquipaj. Tamya wichan jacha chillguejnörämi cuerpuyquicunapis ricaconga. Tayta Diosmi munayninta musyachenga payta sirbejcunataga. Paypa contran cajcunatanami rabyaycashanta musyachenga.

Jeremías 11:16

Ñaupa wichan gamcunataga nej cä ‹aypalla wayuyniyoj cupösu olivo› nir. Cananmi ichanga carcaycanqui räyu chayaptin ratarir rämancunatapis ushacurcushano.

Oseas 6:3

Tayta Diosman cutishun ari. Cutiptinchëga Tayta Diosmi noganchïman shamongapaj. Inti waran-waran yagamushannöpis Payga rasunpami shamonga. Jachacuna chillguinan wichan, waytanan wichan imaypis tamya tamyashanno rasunpami shamonga.

Mateo 13:31

Mastapis tincuchiypa willapar Jesús niran: «Tayta Diospa maquincho goyänanpaj willacuyga nustäsa muruwanmi tincun. Juc runashi nustäsapa murunta chacranman murusha.

Juan 15:1

Chaypitaga Jesús niran: «Noga caycä alli übas lantami. Taytänami caycan übasta lantaj.

Filipenses 4:18

Epafrodituwan apachicamushayquita llapantami chasquillashcä. Cananga imapis manami pishëmannachu. Apachimushayquega quiquin Tayta Diospa shongunpäno ofrenda-japuymi casha.