Oseas 14:2 - Tayta Diosninchi Isquirbichishan

² Tayta Diosmanna cutiy cayno mañacushpayqui: «Llapan mana alli rurashäcunapita perdunaycamay ari tayta. Gamta alabamuptë cushisha chasquiycamuy ari.

Oseas 14:2 ပူးပေါင်းရင်းမြစ်များ

2 Samuel 12:13

Chaura Davidga jucha rurashanta tantiyacur Natanta niran: «Tayta Diospa contranmi juchata rurashcä.» Natán niran: «Gamtaga manami juchayquipita Tayta Dios castigashunquipächu. Manami wañunquipäpischu.

2 Samuel 24:10

Llapan runata sinsuraycachir Davidga «juchatami rurashcä» niran. Chaymi Tayta Diosta mañacur niran: «Fiyupa juchatami rurashcä sinsucherga. Cananga perdunaycallämay ari Tayta Dios. Nogaga upa runanömi rurashcä.»

Job 7:21

¿Manachu juchäta perdunamanquiman? ¿Manachu mana allita rurashäta perdunamanquiman? Manapis aycällatanami wañucushaj. Ashimaptiquipis manami cashänachu.»

Salmos 119:108

Gamta mañacamushäta aunimay Tayta Dios. Alli arriglar jusgashayquita musyaycachimay ari.

Salmos 50:14

Nogaga janaj pachacho caycaj Diosmi cä. Nogaga mas munä llapan shonguyquipa agradësicamänayquitami; aunimashayquita llapanta cumlimänayquitami.

Salmos 51:16

Gamga manami cushicunquichu imatapis garashushayquipita. Chayta munaptiquega uywacunata rupachishpä gamta gararëmanmi.

Salmos 51:17

Gampäga caycan umildi cajcunami y wiyacushoj cajcunami allinninta garashushayquino. ¡Tayta Dios, gamga manami manacajman churanquichu llapan shongunpa arpinticoj cajtaga!

Isaías 44:22

Conträ rurashayquicunata, jucha rurashayquicunata nogami ushacächishcä pucutayta illgächejnöpis. Yapay nogamanna cutimuy ari. Nogami gamcunataga salbashcä.»

Isaías 6:7

Chayta shimëman tanurcur nimaran: «Cay shanshacunami shimi wirpayquiman töpasha. Cananga mananami juchayojnachu canqui. Juchayquicunapita perdunashanami caycanqui.»

Jeremías 3:12

Chaymi gam aywashpayqui norte caj-läman ricacurcur willacunqui noga cayno nishäta: «¡Mana wiyacoj Israel nogaman cuticamuy! Cutimuptiqui manami rabyashaga chasquishayquichu. Manami rabyashallaga cacushäpäpischu. Nogaga cuyapäcojmi cä.

Oseas 12:7

Tayta Diosmi nin: «Efraín runacunaga Cananeo runacunano suwa pësacunallatami chararcaycanqui. Gamcunataga juccunata engañaymi gustashunqui.

Oseas 5:5

Alli-tucushanga quiquin mana alliman chayanallanpämi. Efraín jutiyoj Israelcunaga quiquincuna mana allita rurashallanwanmi mana alliman chayanga. Paycunawan iwalmi Judäpis mana alliman chayanga.

Oseas 6:6

Nogaga munä gamcuna rasunpa cuyamänayquitami. Manami munächu imatapis nogata garamänayquitaga. Nogaga munä ‹Diosnë› nimänayquitami. Manami munächu sacrifisyupaj uywacunata nogapaj apamunayquita.

Joel 2:17

Tayta Diosta sirbejcunapis llojshimuchun. Paycunaga runsi altar ñaupanman ichichun. Nircur wagashpan Tayta Diosta mañacuchun cayno nir: «Tayta Dios, acrashayqui runacunataga perdunaycuy. Gampa cajta pipis manacajman churanantaga ama munaycuychu. Juc-lä nasyun runacuna munaynincho chararänantaga ama munaycuychu. Ama camacaycachiychu paycuna acrashayqui runacunata ‹¿Maytaj chay Diosniqui?› ninantaga.»

Jonás 2:9

Nogami ichanga charashäcunata gampaj churashpä alli shimëpa alabashayqui. Aunishätaga llapantami cumlishaj. ¡Tayta Diosllami salbacöga!»

Zacarías 3:4

Chaura chay anjilga yanapajnincunata niran Josué jatiraycashan ganra röpacunata lojtipänanpaj. Nircorga Josuëta niran: «Ricashayquinöpis llapan juchayquitanami jorgushcä limyuna canayquipaj. Cananga mandashaj limyu röpatana jatipäshunayquipämi» nir.

Mateo 7:11

May-jina fiyu caycarpis wamrayquicunataga alli cajllatami goycärinqui. Chaynöllami Tayta Diosta mañacuptiquega alli cajcunata tarichishunquipaj.

Lucas 11:13

May-jina fiyu caycarpis gamcunaga wamrayquicunata alli cajllatami goycunqui. Gamcuna fiyu caycarpis chayno carcaycaptiquega llapanpaj munayniyoj Papäninchi mañacojcunataga Espíritu Santutami gonga.»

Lucas 18:13

Impuesto cobraj runami ichanga pengacushpan carullacho ichiraycaran. Syëlumanpis mana ricäriyllapis ricärishachu. Chaypa ruquenga fiyupa llaquicur pëchunta tacacushpan mañacuran: ‹Cuyapaycallämay Tayta Dios. Nogaga fiyupa juchasapami cä› nir.

Juan 1:29

Warannin junaj quiquin Bautisaj Juan cajman Jesús yaycuycaran. Chaymi Juanga niran: «¡Masqui ricay-llapa! ¡Tagaymi caycan Tayta Diospa Cashni uyshanno! Paytami Tayta Dios cachamusha llapan runacunapa juchanta apananpaj.

Romanos 11:27

Paycuna jucha rurashanta perdunarmi paycunawan conträtuta rurashaj.»

2 Timoteo 1:9

Payga juchanchïcunata perdunar salbamashcanchi munashannöna goyänanchïpämi. Salbamashcanchi manami allicunata rurashanchïpitachu, chaypa ruquenga juchayoj caycashapis cuyapämashpanchïmi. Cay pachata manaraj camallarnami Jesucristo cayninpa cuyapämashcanchi.

Tito 2:14

Jesucristoga llapan jucha ruraycunapita jorgamänanchïpämi noganchi-raycu wañuran. Chaynöpis perdunamashpanchïmi shuntamashcanchi cuyashan wamrancunana car pay munashanta rurar goyänanchïpaj.

Hebreos 10:4

Chayno car törucunapawan chïbucunapa yawarnenga manami yarpayninpita jucha rurashancunata pitapis gongachinchu.

Hebreos 13:15

Chaymi Jesucristuman yäracur Tayta Diosta imay örapis llapan shongunchïwan alabashun. Payta alabashanchëga alli caj ofrendami caycan.

1 Pedro 2:5

Gamcunapis cawaj rumi-japuymi carcaycanqui. Rumita-japuymi payga shuntaycämanchi templunta jatarachinanpaj. Chaynöpis acrasha-cashunqui templuncho sirbej cüracunano canayquipämi. Jesucristu-raycumi Tayta Diosga acrasha-cashunqui pay munashan ofrendacunata garanayquipaj.

1 Pedro 2:9

Gamcunami ichanga canqui Tayta Dios acracushan, sirbej cürancuna, payllapaj raquicushan nasyun runacuna, quiquin Tayta Diospa marcan runacuna. Paymi jucha ruraypitaga chacaypita-japuy achicyajmanno jorgamashcanchi. Chaymi Tayta Diosninchi almiraypajcunata rurashanta willacunayquipaj carcaycanqui.

1 Juan 1:7

Tayta Diosninchi munashanno cawarmi ichanga achicyajcho puriycanchi. Chayno caycanchi Tayta Diosga achqui captinmi. Chaymi jucninchi-jucninchïpis cuyanacur alli ricanacunchi. Chaynöpis Tayta Diospa wamran Jesús yawarninta jichashanwanmi llapan juchanchïpita perdunamanchi.

1 Juan 3:5

Gamcuna musyanquinami llapan juchanchïta perdunamänapaj Jesucristo cay pachaman shamushanta. Payga juchaynajmi.