Oseas 13:8 - Tayta Diosninchi Isquirbichishan

⁸ Ösu wawanta ograycur fiyupa rabyasha ashejnömi gamcunamanga shamushaj. Chaychömi pëchupita charir rachirgärishayqui. Liyun micucurcojnömi jinancho usharishayqui. Micucoj jirca animalnömi rachir-usharishayquipaj.

Oseas 13:8 ပူးပေါင်းရင်းမြစ်များ

2 Samuel 17:8

Gamga musyanquimi papäniqui, yan'guincuna pillyay yachaj cashanta. Cananga wawan guechusha ösu-japuypis fiyupa rabyashami caycanga. Jinachöpis papäniquega pillyay yachacashami. Chaymi waquinwan iwalga mana puñongachu.

Salmos 50:22

«Nogata mana yarpämajcuna, sumaj tantiyacuy. Illajpitami gamcunataga ichic-ichicllaman rurarishayqui. Chauraga manami pipis salbashunquipächu.

Salmos 80:13

Munti cuchicunapis pedäsumi ruraycan. Jirca animalcunapis ushacurcun.

Proverbios 17:12

Mana tantiyacoj upa runa imata rurananpäpis yarparaycajwan tincunanchïpa ruquenga mas allimi canman wawanta suwapaycuptin fiyupa rabyasha caycaj ösuwan tincushapis.

Isaías 5:29

Shamoj runacuna gaparashanpis wiyacaycan liyuncuna gaparashanno, gaparar micunanpaj cäsata charejno, pipis guechuyta mana puydiptin micunanpaj apacojnömi.

Isaías 56:9

Jirca animalcuna, munti animalcuna shamuy uyshacunano caycaj Israelcunata micucurcunayquipaj.

Jeremías 12:9

Acrashä runacunaga cuyayllapaj lümayoj äbinömi carcaycan. Chay äbillaman magananpaj wacpita caypitapis aycha micoj äbicuna juntapaycushannömi caycan. Contrancunaga shamuchun jirca animalcunano shuntacarcur. Shamuchun acrashäcunata usharinanpaj.

Jeremías 25:38

Tayta Dios fiyupa rabyacurcur castigaptinmi paycuna tiyashan partiga ricacusha liyun tiyashan machay garayasha quëdashanno. Chaynöga quëdasha fiyupa manchariypaj guërra captinmi.

Oseas 2:12

Cuchurachishämi übas yörancunata, ïgus yörancunatapis. Chaycunapämi payga nej: ‹Cuyashäcuna pägamashpanmi caycunataga goycamasha› nir. Chay chacrancunataga ushajpaj shatamanmi ticrarachishaj. Chay chacran wayuptenga jirca animalcunanami micucurcongapaj.

Oseas 5:14

Nogami ichanga Efraín runacunapäwan Judá runacunapäga cashaj yargaypita liyun micunanpaj charishanno. Paycunataga quiquëmi rachir-usharishaj. Nircur aywacushämi. Llapan charishä cajcunatami apacushaj. Chay apashätaga manami pipis guechumangapächu.