Oseas 13:6 - Tayta Diosninchi Isquirbichishan

⁶ Nogami micuyta tarichirä. Micuyniqui puchu-puchu captinnaga waquinpita mas alli-tucushpayqui nogata gongaycäramarayqui.

Oseas 13:6 ပူးပေါင်းရင်းမြစ်များ

Nehemías 9:35

Chaypa ruquenga mandashancho ima-aycayoj cananpaj yanapaycaptiquipis, micuy alli wayunan jatun chacrata goycaptiquipis manami adurashurayquichu. Jucha ruraycunatapis manami cachaycuranchu.

Salmos 10:4

Chay runacunaga alli-tucur nin: «Diosga manami canchu. Piräshi nogata jusgamanman imata rurashätapis» nir. Chayllatami imay örapis yarparaycan.

Proverbios 30:9

Rïcu carga gamta gongaycur Tayta Dios capaschari nëmanpis «Pitaj chay Tayta Dios» nir. Muchupacarga capaschari suwacuycömanpis. Chayno rurarga jutiquitapis manacajmanmi churaycöman.

Isaías 17:10

Chaynöga canga ima-aycapitapis salbashoj Tayta Diosta gongaycushayquipitami. Manami yarpashcanquichu Tayta Dioslla imapitapis chapäshoj cashanta. Gamga micuyniquicunatapis muruycanqui juc-lä nasyun runacunapa diosninta rispitashpayquimi.

Jeremías 5:7

Tayta Dios cayno nin: «Israelcuna ¿imanöpataj perdunashayqui? Wamrayquicunami cachaycamasha. Mana dios caycajpa jutinchömi jurashapis. Aypalla micuyniqui cananpäpis nogami bindisyunta gorä. Chaypis manami wiyacamashachu. Chaymi shuntacarcur-shuntacarcur juc dioscunata adurasha.

Ezequiel 23:35

Chaypitami noga Tayta Dios në: Nogata gongaycamashayquipitami, cacharisha pï-maywanpis puricushayquipitami castïguwan fiyupa ñacanquipaj. Chaynöga ñacanquipaj llapan juchayquicunapitami.»

Ezequiel 28:5

Nigusyanti canayquipaj sumaj yachaj cashpayquimi rïcuyänayquicama ima-aycayquitapis mirachishcanqui. Ima-aycayquipis aypalla captinmi pasaypa alli-tucuycanqui.

Oseas 10:1

Israelga caycan übas achcata wayuraycajnömi. Mas achca wayuynin captin mas achcatami capillancunatapis ruraran. Mas cuyayllapaj micuynincuna wayuptin mas cuyayllapätami ïduluncunatapis ruraran.

Oseas 12:8

Gamcunaga ninqui: ‹Fiyupami rïcuyashcä. Nogapaga alli surtimi casha. Achcata chasquishäpitaga manami pipis dimandamangachu. Juchätaga manami pipis tarengachu› nir.

Oseas 2:13

Castigashaj ayca watapis Baal dios-niraj ïdulucunapaj saumachishanpitami. Nogata cachaycamashpanmi wallgacunata, surtïjacunata jaticurcur cuyashancunapa guepanta aywacuran.» Tayta Diosmi chayno nisha.

Oseas 2:7

Chaura cuyashancunapa guepanta aywarpis mananami taripanganachu. Ashirpis manami tarenganachu. Chayrämi nenga: ‹Cutishaj rimir caj runäman. Paywan goyashpäga canan caycashäpita mas allimi carä› nir.

Oseas 4:6

«Acrashä runacunaga manami mayganpis ‹gammi Diosnë canqui› nimashachu. Chaypitami paycunaga ushacaycan. Ni gamcunapis cüracuna manami ‹Diosnë› nimashcanquinachu. Chaypitami mana munänachu cürä canayquitapis. Gamcunaga yachachicuynëta gongaycärishcanquimi. Chaynöllami nogapis gongaycushaj gamcunapita mirar aywajcunata.

Oseas 4:7

Mas achca cüracuna cashpanga masmi juchatapis ruraran. Chayno juchanpitami cananga alliman churanäpa ruquin pengaymanna churashaj.

Oseas 5:14

Nogami ichanga Efraín runacunapäwan Judá runacunapäga cashaj yargaypita liyun micunanpaj charishanno. Paycunataga quiquëmi rachir-usharishaj. Nircur aywacushämi. Llapan charishä cajcunatami apacushaj. Chay apashätaga manami pipis guechumangapächu.

Oseas 7:14

Cämancho gaparpashpanpis, manami llapan shongunpa mañacamanchu. Rïgun, bïnun achca cananpaj mañacur janancunatami yawar-yawar ruracun. Chayno rurarmi nogapa conträ ricacusha.

Oseas 8:14

Israelcunaga gongaycärishami paycunata pï camashantapis. Chaymi paycunaga capillacunallatana arurcaycan. Judá runacunana achca siudäcunata arur jatariycächin. Chay siudänincunamanmi nogaga ninata sindipaycoj-aywä. Chauraga llapan arushantapis ruparmi ushacurcongapaj.»

Oseas 8:4

Paycunaga nogata mana tapucamayllapami raynincunata churacarcärisha. Noga mana auniycaptëmi mandajnincunatapis churacarcärisha. Guellaynincunatawan gorincunata shuntarcur ïduluncunata ruracarcärisha. Chaynöpami paycunaga mana alliman chayanga.

Deuteronomio 32:18

«Israelcuna, cachaycushcanquimi imapitapis chapäshoj Taytanchïta. Gongaycushcanqui cawayta gomajninchi Tayta Diosta.