Oseas 12:6 - Tayta Diosninchi Isquirbichishan

⁶ Chayno caycaptenga Israelcuna, Diosniquita wiyacuy. Cuyanacuy; alli cajtana ruray. Nircorga mana cachaypa Tayta Diosman yäracuy.

Oseas 12:6 ပူးပေါင်းရင်းမြစ်များ

Génesis 49:18

¡Tayta Dios gam salbamänallayquitanami shuyaraycä!

Salmos 123:2

Patrunninman uyway ricarajnömi, uyway warmi patrönanman ricarajnömi Tayta Dios gamman ricarpaycämö cuyapämänayquipaj.

Salmos 27:14

Tayta Diosman yäracuy. Mana guellanayllapa yäracuy. Tayta Diosllaman yäracuy ari.

Salmos 37:7

Tayta Diospa ñaupanchöga upällalla cacuy. Pay yanapäshunayquita shuyaray. Ama rabyapaychu alli cayman chayajcunata, ni mana allita rurayta yarpajcunatapis.

Éxodo 3:15

Mastapis Diosga Moisesta niran: «Israelcunata ninqui: ‹Tayta Diosmi cachamasha. Payga unay caj awilunchi Abrahampa, Isaacpa, Jacobpa Diosninmi› nir. Imaycamapis chayllami nogapa jutëga. Chay jutiwanmi imaycamapis rejsimanga.

Proverbios 1:23

Willapashäcunata sumaj wiyacuy-llapa. Chauraga nogami llapan yachashäta musyachishayqui. Yarpaynëcho caycajtaga llapantami yachachishayqui.

Proverbios 21:3

Alli cajta rasun cajllata rurar goyay. Chayno ruraptiquega sacrifisyucunata garashayquipitapis masmi Tayta Dios cushicun.

Isaías 1:16

Mayllacuyna-llapa. Mana allicunataga amana ruraynachu. Gongaycäriyna-llapa mana alli ruraycunataga.

Isaías 30:18

Chaypis, Tayta Diosga shuyaraycäshunquimi gamcunata cuyapäshunayquipaj. Payga fiyupami munaycan cuyacoj cayninta gamcunata musyachishuyta. Tayta Diosga rasunpa alli cajta ruraj Diosmi. Alli cawaytami tarenga payman yäracojcunaga.

Isaías 31:6

Israelcuna, gamcunaga Tayta Diosta manami wiyacushcanquichu. Cananga paytana yapay wiyacuy ari.

Isaías 40:31

Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.

Isaías 58:6

Noga munashä ayünuga manami chaynöchu. Nogaga munä ayunay junajcho manacajpita prësu caycajcunata cacharinayquitami; ñacaycächishancunata libri cananpaj cacharinayquitami; firsapitaga pitapis manana aruchinayquitami; yüguta pascajno jamachinayquitami.

Isaías 8:17

Jacobpita mirar aywaj runacunapita Tayta Dios pacacusha captinpis nogaga paymanmi imaypis yäracö. Imano captinpis payllamanmi yäracuycä.

Jeremías 22:15

¿Ray carga sedru wasicunacho goyäna cashantachu yarpanqui? Papäniquega allillami goyasha. Llapantapis allitami rurasha. Chaymi llapanpis paypäga allilla casha.

Ezequiel 18:30

Chaypitami gam Israelcunataga imano rurashayquipitapis cada-ünuyquita jusgashayqui. Noga Tayta Diosmi chayno në. Mana allita ruraycashayquipitaga juclla arpinticuy mana alliman mana chayanayquipaj.

Oseas 10:12

Noga unay nirä: ‹Murupacojnöpis alli cajllata ruray. Chauraga cuyanacurmi goyanquipaj micuyta alli shuntajnöpis. Chucru chacrata yapyajnöpis chucru shonguyquita pascacächiy. Cananmi noga Tayta Diosman yäracamunayqui. Chayrämi shamushpä gamcunaman bindisyunnëta churamushaj.›

Oseas 14:1

Israelcuna, quiquiquipa juchayquipitami mana alliman chayashcanqui. Cananga Tayta Diosniquimanna yapay yäracuy.

Oseas 4:1

Israel runacuna, wiyay-llapa Tayta Dios rimashanta. Paymi cay nasyuncho tiyajcunapa contran rimaj-aywan. Paymi cayno nin: «Rasun cajta rimaj runacuna caychöga manami canchu. Mananami cuyapänacunnapischu. Nogataga manami pipis ‹Tayta Diosnë› nimannachu.

Joel 2:12

Cananga Tayta Dios caynömi nin: «Llapan shonguyquipa nogamanna yäracamuy-llapa. ¡Ayunashpayqui, wagashpayqui, llaquicushpayqui nogamanna cutimuy-llapa!»

Joel 2:13

Tayta Diostana wiyacuy. Röpayquicunata rachinayquipa ruquenga llapan shonguyquipa arpinticuy. Tayta Diosga amatar allimi; fiyupa cuyapäcojmi; pasinsacojmi; fiyupa cuyacojmi. Arpinticuptenga castigananpaj caycashanchöpis manami castigannachu.

Amós 4:13

Rasunpa chaynömi ruranga. Tayta Diosga caycan puntacunatapis camajmi, wayratapis yurichimojmi. Paymi runacunata musyachin imata pay yarpaycashantapis. Paymi achicyajtapis ticrachin chacayman. Paymi purin cay pachachöga intërupa. Paypaga jutinpis munayniyoj Tayta Diosmi.

Amós 5:24

Ichanga noga munä allita ruranayquitami. Alli arriglanayquitami munä. Imaypis mana chaquej limyu yacunöraj alli cajta ruray ari.

Miqueas 6:8

Runa, Tayta Diosga maynami nisha-cashunqui, alli cajllata, pay munashan cajllata ruranayquipaj. Payga munan: Alli cajllata ruranayquitami, pï-maytapis cuyanayquitami, imata Tayta Dios nishushayquitapis wiyacur cumlinayquitami.

Miqueas 7:7

Nogami ichanga Tayta Diosllata shuyäcuycäshaj. Salbamaj Tayta Diosnilläman yäracushaj. Payga wiyamangami.

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Sofonías 3:8

Chaymi gamcunaga ichicllata shuyaycäriy jusganä junajcama. Noga Tayta Diosmi në: Achca nasyun runacunata, raycunata shuntanäpämi yarpachacushcä. Shuntarcurnami rabyasha caycashäta paycunacho gasarpachishaj. Rabyashäga caycan rataycaj ninanörämi. Nina ratariycajno rabyasha caycashäwan castigaptë munducho cäga ushajpaj illgächishami canga.

Zacarías 1:3

Cananga acrashä runacunata cayno willapay: ‹Tayta Dios nin: Nogamanna cuticamuy-llapa. Chauraga nogapis gamcunata yapay yanapäshayquinami. Noga Tayta Diosmi chayno në.

Zacarías 7:9

«Nogaga caynömi në: Gamcunaga allillata ruray. Pï-maypäpis alli cay. Jucniqui-jucniquipis cuyapänacuy.

Zacarías 8:16

Gamcunaga cayno goyay: Imaypis jucniqui-jucniqui rasun cajllata parlay, alli cajta ruray. Autoridäcunapa despächunchöpis amistay jucniqui-jucniquipis alli goyänayquipaj.

Hechos 2:38

Pedruna niran: «Perdunasha canayquipaj jucha rurashayquicunapita arpinticur bautisacuy Jesucristupa jutincho. Chaynöpami gamcunapis Espíritu Santuta chasquinquipaj.

Hechos 26:20

Chaymi willacushcä Damascucho, Jerusalencho y Judeacho caj waquin marcacunachöpis. Mana Israel runacunatapis willapashcä arpinticur Dios munashannöna cawananpaj.

Santiago 1:27

Tayta Diosninchïman rasunpa yäracorga wacchacunata, biyüdacunatapis llaquicuycho caycashan-öra yanapächun. Jucha ruraj runacunanöga ama cachunchu.

Santiago 2:13

Runa-masinchïta mana cuyapaptinchëga Tayta Diosninchïpis mana cuyapaypami castigamäshunpaj. Runa-masinchïta cuyaparmi ichanga Tayta Dios jusganan junaj allicho llojshishun.