Oseas 11:7 - Tayta Diosninchi Isquirbichishan

⁷ Noga nishätaga acrashä runacuna manami wiyacunnachu. Juc dioscunamannami gayacuycan. Chay dioscuna nogapita mas munayniyoj cashanta yarpaptinpis manami yanapangapächu.

Oseas 11:7 ပူးပေါင်းရင်းမြစ်များ

Salmos 81:11

«Ichanga acrashä runacuna caycar manami wiyacamashcanquichu. Israelcuna manami wiyacamashcanquichu.

Proverbios 14:14

Mana tantiyacojcunaga imanöpis rurashanpita pägunta chasquenga. Alli runapis alli cajcunata rurashanpita pägunta chasquengami.

Isaías 26:10

Fiyu runacunata may-jina cuyapaptiquipis paycunaga manami yachacongapächu alli cajta rurayta. Paycunaga alli runacunapa ñaupancho tiyaycarpis mana allillatami ruran. Paycunaga manami manchacushunquichu fiyupa munayniyoj Tayta Dios captiquipis.

Jeremías 14:7

Tayta Dios, juchäcuna atipasha cashätaga musyänami. Ayca cutishi nishayquicunata mana cumlishcächu. Fiyupa juchasapami caycäcuna. Ichanga rispitasha canayqui-raycullapis yanapaycamay ari.

Jeremías 2:19

Quiquiquicunapa juchayquipitami castïgu chayashunqui. Mana wiyacamashayquipitami mana allimanpis chayanqui. Imata rurashayquitapis sumaj yarpachacushpayqui mä tincuchiy. Chaymi tantiyacunquipaj Tayta Diosniquita cachaycuyga fiyu mana alli cashanta. Nogataga manami rispitamashcanquinachu. Noga Tayta Diosmi chayno në.

Jeremías 3:11

Tayta Dios cayno nimaran: «Mana wiyacoj Israel juchata rurashanpita mas piyurmi Judá juchata rurashanga.

Jeremías 7:25

Unay awiluyquicunata Egiptupita jorgamushäpita canancamami nogaga profëtäcunata juctapis-juctapis gamcunaman cachamushcä.

Jeremías 7:26

Chaypis gamcunaga manami wiyacushcanquichu. Chaypa ruquin unay caj awiluyquicunapitaga mas piyur mana wiyacojraj ricacushcanqui.

Jeremías 8:5

Chayno caycaptenga Jerusalén runacuna ¿imanirtaj llutanpa purircaycanqui? ¿Imanirtaj nogapa conträ ricacushcanqui? Gamcunaga mana wiyacojmi ricacushcanqui. Nogaman cutimuytapis mana munanquinachu.

Oseas 11:2

Chayno gayaycaptëpis nogapitaga masmi witicoj. Paycunaga mana dios caycaptin ‹diosnë› nishanpämi garayninta churapaj. Ïdulucunatami insinsuwanpis saumachej.

Oseas 14:4

Tayta Diosmi nin: «Päsacäcushanami rabyashäpis. Mana wiyacoj cashanpita Israelcunataga allchacächishänami. Mana cuyaypäno caycaptinpis cuyashänami.

Oseas 4:16

Israelcuna chucaru wäcano mana wiyacojmi carcaycanqui. ¿Chayno caycaptiquichu gamcunataga ricashayqui uysha-mallwacunata-jina?

Oseas 7:16

Ïdulucunata adurayman churacasha. Paycunaga carcaycan wicsu lëchano, lëcha jitaj apuntashanman mana chayajnömi. Ollgur parlashanpitami mandajnincunaga cuchuypa wañuchicanga. Egiptuchöpis paycunataga manacajman churashpanmi asipanga.