Oseas 11:6 - Tayta Diosninchi Isquirbichishan

⁶ Siudächo tiyajcunataga sabliwanmi wañuchenga. Llapan runacunatami illgächir ushanga. Yarpashancunatapis manami camacächenganachu.

Oseas 11:6 ပူးပေါင်းရင်းမြစ်များ

Salmos 106:39

Paycuna mana allita rurarmi juchayojyaran. Chaynöpami ganra melanaypaj ricacuran.

Salmos 106:43

Tayta Diosga achca cutimi salbaran. Tayta Dios imachöpis yanapänanpaj caycashantapis quiquincunami pirdichiran. Chaynöpami sïguir juchata rurashpan mana alliman chayaran.

Isaías 18:5

Manaräpis übas cosëcha captin waytan shicwarcuptin micuynin mullcuycaptinna Tayta Dios rämancunata cuchilluwan rämanga. Cuchurcur juc-läman witichenga.

Isaías 27:10

Intërunpa curalasha caycaj siudäga chunyajmi ricaconga, runa wasinta cachaycuptin quëdashanno, chunyaj chaqui jircacho runa mana tiyashanno. Chay siudä cashanga canga uywacunata michicunallannami, sacsacarcärir uywancuna puñurpänallannami.

Isaías 30:1

Tayta Diosmi nin: «¡Ay imanöraj canga mana wiyacoj wamräcuna! Mana tapucamayllapami jucwan-jucwan parlacusha. Chaynöpami jananman-jananman juchata rurarcaycan.

Isaías 9:14

Chaypitami Tayta Diosga juc junajllacho Israelpa umantawan chupanta rogurenga. Chucru palmatawan shauya utututapis muturenga.

Jeremías 5:17

Chay runacunaga llapan micuyniquicunatami ushacurcongapaj. Wamrayquicunata warmita ollgutapis wañurgärachengami. Uyshayquicunata, wäcayquicunata, übasniquicunata, ïgusniquicunatapis micucarcärengami. Pacacunayquipaj yäracushayqui siudäcunatapis pillyacunanwanmi illgächengapaj.»

Jeremías 50:35

«¡Babilonia runacunaga guërracho cachun! ¡Mandajnincunapis, fiyupa yachaj runacunapis llapan guërracho cachun!

Lamentaciones 2:9

Siudäpaga mananami cannachu puncuncuna, ni rancancunapis. Paquir-ushashami intëru pampacho mashtaraycan. Raytapis gobernadorcunatapis juc-lä nasyuncunamanmi apacusha. Tayta Diospa layninpis manami cannachu. Profëtacunatapis Tayta Diosga mananami musyachinnachu.

Ezequiel 20:47

Cayno niy: ‹Tayta Diosga caynömi nin: Gammanmi ninata sindiycushaj. Chay ninami ratarir chaquitapis ogutapis rupar ushacurconga. Chay ninaga ratangapaj mana upiypami. Chaura chay particho tiyaycaj runacunataga llapantami wapchanga norte caj-lächo tiyaycajpita sur caj-lächo tiyaycajcama.

Oseas 10:14

Chaypitami cananga nasyunniquicho guërrallana canga. Siudäniquicunapis llapanmi ushacanga. Bet-arbel particho pillya cashan öra ray Salmán illgächishanno, warmicunata wamracunata wañuchishanno llapanta wañuchenga.

Oseas 10:6

Chay törutaga Asiriamanmi apanga munayniyoj rayta goycunanpaj. Chaynöpami Efraín runacunaga pengaycho ricaconga. Israelcunaga pengaconga ïduluncunata adurashanpitami.

Oseas 13:16

Tayta Diosninpa contran ricacushanpitami Samaria runacunaga castigasha canga. Sabliwan tucsiypami wañonga. Wamrancunatapis pampaman pajshirgärenga. Gueshyaj caycaj warmicunapa pachantapis gashargärengami.

Oseas 4:16

Israelcuna chucaru wäcano mana wiyacojmi carcaycanqui. ¿Chayno caycaptiquichu gamcunataga ricashayqui uysha-mallwacunata-jina?

Oseas 4:17

Efraín runacunaga ïdulucunata aduraymanmi chayasha. ¡Mä chayno goyäcuchun ari!

Levítico 26:25

Mana cumliptiquega conträtuta rurar parlashanchïcho nishänömi castïguta gamcunaman chayachimushaj. Siudäniquicunaman pacacunayquipaj gueshpiptiquipis fiyu gueshyatami cachamushaj. Chauraga contrayquicunapa munayninchöna canquipaj.

Levítico 26:31

Siudäniquicunatapis ragällantami cachaycushaj. Capillayquicunatapis juchurachishaj. Nogapaj alli jömuy chayamunanpaj uywacunata rupachiptiquipis manami cushicushänachu.

Levítico 26:33

Gamcunataga sablita aptacurcurmi gaticachäshayqui. Wacpa caypami mashtarishayqui. Nasyunniquega pasaypa chunyajmi ricacongapaj. Siudäniquicunapis ragällami quëdanga.

Amós 6:8

Tayta Diosga quiquinpa jutinchömi jurasha. Munayniyoj Tayta Diosga caynömi nin: «Jacobpita mirar-aywajcuna alli-tucushanga fiyupami rabyachiman. Palasyuncunatapis melanäcömi. Chaypitami paycunataga siudänintinta cachapaycushaj chiquejcunapa munayninman.»

Miqueas 5:11

Siudäniquicunatapis illgächishaj. Pacacunayquicunatapis ushajpämi juchurgärachishaj.

Malaquías 4:1

Munayniyoj Tayta Diosmi nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu.

Deuteronomio 28:52

«Tayta Dios goycushushayqui siudäcunatapis altu pergasha caycajta chay suldärucuna ushajpämi juchuchenga. Chay pergasha marcacuna chapäshunayquipaj cashanta yarpaptiquipis llapantami juchuchenga.

Deuteronomio 32:25

Wamrancunatapis cällicunachömi tucsirgärenga. Wasincunachöpis fiyupa manchariymi canga. Wañongapämi mösupis jipashpis, auquinpis, itipis.