Oseas 10:8 - Tayta Diosninchi Isquirbichishan

⁸ Mana bälej ïduluncunata adurashan capillancunapis ushacangami. Chaychöga Israelcuna juchatami ruraran. Capillancunachöga cashacunawan shiracunallami wiñamonga. Chayrämi runacunapis puntacunata nenga: «¡Juchumur chapacarcamay!» nir. Jircacunatapis nenga: «¡Nogacunapa janäman tunimur ñiticarcamay!» nir.

Oseas 10:8 ပူးပေါင်းရင်းမြစ်များ

Génesis 3:8

Chay tardi inti päsariptin, llantullata wertacho Tayta Dios puriycaran. Chayta mayar runaga warminwan pacacaycäriran yöracunapa wajtanman.

1 Reyes 13:2

Tayta Dios willachiptin chay altarpa contran sinchipa niran: «Altarllau altar, Tayta Diosmi Davidpita mirar aywajcho Josías jutiyoj wamrata yurichenga. Paymi ïdulucunata aduranan puytush lömacunacho caycaj capillacho insinsuta saumachej cüracunata janayquicho wañuchenga. Nircur tulluncunatapis janayquicho rupachenga.»

1 Reyes 13:34

Chayno rurashanmi achäqui caran Jeroboampa wamrancuna mas piyur juchata rurananpäpis. Chaypitami chay famillyacunaga ushajpaj ushacaran.

1 Reyes 14:16

Tayta Diosga Israelcunata cachayconga Jeroboam juchata rurar Israelcunatapis yachachir juchaman chayachishanpitami.»

2 Reyes 23:15

Juchuchiran Betelcho caycaj altarta, ïdulucunata rispitajcuna rurashan capillatapis. Chaycunataga rurachisha caran Nabatpa wamran Jeroboammi Israelcunata juchata rurachishpan. Josiasga allpaman ticrananyaj agullarcurmi rupaycachiran. Rupaycachiran Asera diosa-niraj ïdulutapis.

2 Crónicas 31:1

Chay fista ushacaptin Israelcuna llapan aywaran Judá particho caycaj siudäcunaman. Nircur rimëru rispitashan wancacunata paquir-usharan. Asera diosa-niraj ïdulucunatapis llapanta agullaran. Capillancunatapis juchurgärachiran. Illgächiran intëru Judächo, Benjamincho, Efraincho, Manasescho. Llapanta chayno ushaycärir Israelcunaga siudänincunaman, wasinman-cama cada-ünun cuticuran.

Isaías 2:19

Tayta Dios chayno shamuptin runacunaga mancharishpanmi yagacaycärengapaj gagacho caycaj uchcucunaman, pacha rurinpa caycaj uchcucunamanpis. Chaynöga pacaconga manchacuypaj munayniyoj Tayta Diospitami.

Isaías 2:21

Chay junaj runacunaga mancharishpanmi yagacaycärengapaj gagacho caycaj uchcucunaman, pachapa shimin uchcucunamanpis. Chaynöga pacaconga Tayta Diosta manchacushpanmi.

Isaías 32:13

Acrashä runacunapa chacrancunachöga wiñamonga cashawan jachacunallami shatayänanpaj. Cushicur goyashan wasincunachöpis wiñamonga cashawan jachacunallanami.

Isaías 34:13

Palasyucunachöpis cashallanami wiñamonga. Pacacunanchönami ishancacunawan shirallana wiñanga. Chay partiga ticrangapaj jirca allgucunapa tiyananman, Avestruz äbicuna puñunallanmanna.

Oseas 10:2

Israelga ishcay shongumi. Cananmi ichanga llapan juchanpita castigasha canga. Tayta Diosmi capillancunata juchurgärachenga. Rispitädu ïduluncunatapis sajtargärenga.

Oseas 10:5

Samaria runacunaga chulluchiypa rurashan törutami Bet-avén siudächo aduran. Ichanga chay törupaj fiyupami llaquicongapaj runacunapis, cüracunapis. Chaynöga llaquiconga chay törunta apacuptinmi.

Oseas 10:9

Tayta Diosmi nin: «Israelcuna, gamcunaga Gabaa particho juchata rurayta gallaycushayquipita-pacha manami jucha rurayta cachaycunquichu. Chaypitami gamcunaga Gabaacho guërrawan wañunquipaj.

Oseas 2:6

«Chayno cashanpitami purinan caminucunatapis chaparcushaj cashacunawan. Intërupami guencharcushaj caminuta ashirpis manana tarinanpaj.

Oseas 4:13

Altunnin puytush lömacunachömi insinsuta rupaycächin. Uywacunatapis pishtarcaycan. Chaynömi ruraycan ‹roble› yöracunapa, ‹álamo› yöracunapa, ‹encina› yöracunapa chaquinchöpis. Chaymi warmi wamrancunaga pï-maywanpis cacun. Llumchuynincunapis runancunata jucwan jananpaycan.

Oseas 4:15

«Israelcuna, ïdulucunata aduraptiquipis Judäcunaga ama juchata rurachunnachu ari. Gamcuna ama aywaychu Gilgalman ni Bet-avenmanpis. Ama ‹Tayta Diospa jutincho jurä› niypischu.

Oseas 5:8

«Guërra gallaycunanpaj willacuna wagrata Gabaa siudächo tucay-llapa. Trompëtata tucay Ramá siudächo. Camaricunanpaj willacachiy Bet-avén siudächo. Benjamín runacunatapis manchachiy.

Oseas 8:5

¡Samaria, gam adurashayqui törutaga fiyupami melanäcö! Chaytaga fiyupami rabyapaycä. Israelcuna ¿imaycamaraj jucha rurayta mana cachanquichu?

Oseas 9:6

Illgächinanpita gueshpir aywacusha captiquipis Egipto runacunami shuntashunquipaj. Menfis partichönami pampashunquipaj. Guellaypita caj bälej cösayquicunapa jananpapis ishancacunami wiñamonga. Tiyashayqui particunapis shatayangami.

Amós 1:5

Damasco siudäman yaycuna puncu rancaraycajtapis callpaycurmi amirishaj. Avén guechwa pampacho mandaycajtapis illgächishämi. Chaynömi rurashaj Bet-edén siudächo mandaycajtapis. Siria runacunatanami nasyunninpita prësu apanga Kir partiman.» Tayta Diosmi chayno nisha.

Amós 3:14

Juchanpita Israelcunata jusganä junäga Betelcho caycaj altarcunata ushajpämi illgächej-aywä. Altarpa isquïnancho caj wagrancunapis paquicarmi pampaman shicwanga.

Amós 7:9

Ïduluncunata adurananpaj rurashan capillancunatapis illgächishämi. Sablëta aptacurcurmi aywashaj Jeroboampa famillyancunata illgarachinäpaj.»

Amós 8:14

Mana allimanmi chayangapaj Samariacho caj ïdulupa jutincho jurajcuna, Danpa Diosninpa jutincho jurajcuna, Beersebapa diosnincunapa jutincho jurajcuna. Paycunaga imaypis manami alliman chayangapänachu.»

Miqueas 1:13

Laquis siudächo tiyajcuna, gamcunapis Israelcunano mana wiyacojmi cashcanqui. Gamcunami caminuta gorayqui Sión runacuna juchata rurananpäga. Chaypita cananga carrëtayquicunaman cawalluyquicunata watacuyna.

Miqueas 1:5

Chayno canga Jacobpita miraj Israelcuna mana wiyacoj cashanpitami, juchata rurashanpitami. ¿Maychötaj caycan Jacobpita miraj Israelcuna jucha rurashanga? ¡Jucha rurashanga Samariachömi caycan! ¿Maychötaj caycan Judäpita mirajcuna jucha rurashanga? ¡Jucha rurashanga Jerusalenchömi caycan!»

Nahúm 3:11

Gampis chaynömi machasha runano tapraycachaycanquipaj. Imata ruraytapis mana camäpacushpayquimi contrayquicunapita pacacunquipaj. Pacacunayquipaj ashir purinquipaj.

Lucas 23:30

Chay wichanmi fiyupa ñacashpan puntacunatapis nenga ‹Juchumur chapacarcamay› nir. Jircacunatapis nenga: ‹Nogacunapa janäman tunimur ñiticarcamay› nir.

Deuteronomio 9:21

Nircur rurashayqui töru-mallwataga ninaman jitapaycurä. Agullarirna puntapita yacu urämojman garpurirä.

Apocalipsis 6:16

Puntacunata, gagacunatapis niran: «¡Nogacunata ñiticarcallämay! ¡Sillunnincho jamaraycajpis Cashni uyshanpis fiyupa rabyashami caycan. Paycunapita pacaycallämay ari!

Apocalipsis 9:6

Chay wichanga fiyupa ñacar wañuyta munarpis runacuna manami wañuyta tarengachu. Wañuy manami canganachu.