Oseas 10:2 - Tayta Diosninchi Isquirbichishan

² Israelga ishcay shongumi. Cananmi ichanga llapan juchanpita castigasha canga. Tayta Diosmi capillancunata juchurgärachenga. Rispitädu ïduluncunatapis sajtargärenga.

Oseas 10:2 ပူးပေါင်းရင်းမြစ်များ

1 Reyes 18:21

Chaura Eliasga runacuna shuntacasha caycajman witiycur niran: «Gamcuna ¿imaycamataj wichaypa uraypa yarparcaycanqui? Tayta Dios rasunpa Dios captenga payllata adurar rispitay-llapa. Baal dios captenga chay cajta rispitay.» Shuntacasha caycaj runacunaga ni juc shimipis mana rimacuranchu.

Éxodo 23:24

Chay runacuna ‹diosnë› nishantaga ama aduranquichu. Chaypa ruquenga ïduluncunata illgächinqui. Rispitashan wanca rumincunatapis agullargärinqui.

Proverbios 11:18

Fiyucuna mana allita rurar gänashanga manacajnöllami ushacäcun. Alli runacunami ichanga imatapis mana ushacajta chasquenga.

Isaías 44:18

Chay runacunaga manami musyanchu, ni tantiyanpischu. Ñawin chapashanömi carcaycan. Manami tantiyanchu.

Jeremías 43:13

Egiptucho caycaj Bet-semescho caycaj pilancucunatapis illgächenga. Egiptucho cajtaga llapan dioscunapa templuncunatapis ushajpaj rupachenga› nir.»

Ezequiel 14:5

Chayno ruraptë Israelcunaga capaschari arpinticunmanpis ïdulucunata adurashanpita, nogata gongaycamashanpitapis› nir.

Oseas 12:11

Galaadcho tiyajcunaga fiyu runacunami. Paycunaga manacajllami. Gilgalchömi törucunata pishtarcur rupachin. Chaypitami altarnincunapis chacracho rumi gotushacuna goturaycajno quëdanga.»

Oseas 13:16

Tayta Diosninpa contran ricacushanpitami Samaria runacunaga castigasha canga. Sabliwan tucsiypami wañonga. Wamrancunatapis pampaman pajshirgärenga. Gueshyaj caycaj warmicunapa pachantapis gashargärengami.

Oseas 3:4

Chaynömi Israelcunapapis achca watacama mana cangapächu raynin, ni mandajnincunapis. Manami Tayta Diospaj sacrifisyutapis rupachengachu. Manami juc diosta adurar wancatapis ichichengachu. Cürapa efodninpis manami cangachu. Wasi ïduluncunapis manami cangachu.

Oseas 7:8

«Efraín runacunaga jäpa runacunawanmi tallucasha. Efraín runacunaga caycan gashpayllapa chayasha tantanömi.

Levítico 26:30

Lömacunacho ïdulucunata aduranayquipaj jatarachishayqui capillayquicunatapis juchuchishaj. Insinsu saumachicunayquitapis paquir-usharishaj. Wañuptiqui ïdulucuna jananmanmi wicapashayqui. Chayno rurar fiyupami contrayqui ricacushaj.

Miqueas 5:13

Ïduluyquicunatapis, rispitashayqui wancacunatapis ushajpämi illgächishaj. Chayno ruraptëga imaypis manami aduranquipänachu quiquiquicuna ‹diosnë› nir rurashayquita.

Sofonías 1:5

Wasin jananman wichaycur syëlucho caycaj goyllarcunata adurajtapis illgarachishämi. Gongurpacushpan nogapa jutëcho jurarcur ‹dios Milcompa jutincho› nir jurajcunatapis illgächishämi.

Zacarías 13:2

«Chay junaj cay nasyunchöga intëruchömi ïdulucunata illgächishaj. Chayrämi mastaga manana imaypis parlanganachu chay ïdulucunapaj. Chay nasyunpitaga illgarachishämi llulla profëtacunata. Noga Tayta Diosmi chayno në.

Mateo 6:24

«Chaymi, pipis mana ishcay patrunta sirbinmanchu. Jucajta wiyarga jucninta manami cäsunnachu. Jucajta cuyar jucnintaga manami cuyanganachu. Chaynömi ima-aycanpäpis yarpararga Tayta Diosta sirbiyta mana camäpacunchu.

Lucas 16:13

Manami pipis ishcay patrunta sirbinmanchu. Ishcay patrunniyoj carga jucaj nishanta wiyacur jucajtaga manami cäsupanganachu. Chaynömi rïcu cayllapaj yarpachacojpis Tayta Diosta mana sirbinchu. Tayta Diosta sirbej cäga manami rïcuyaypaj yarpachacunmanchu.»

Santiago 1:8

Ishcay yarpay runaga imata yarparpis imata munarpis juc junäga jucta y warannenga juctana yarpaycan.

Santiago 4:4

¡Diosta mana wiyacoj runacuna! Mana allicunata ruraycarga ¿imanirtaj yarpanqui Tayta Dios munashanno goyaycashayquita? Mana allicunata rurarga Tayta Diosninchïtami chiquircaycanqui.

1 Juan 2:15

Wamräno caycajcuna, cay pachacho juchata rurajcuna-japuyga ama cawaychu. Juchata rurashancunatapis ama yachacuychu. Jucha rurajcunaga Tayta Diosta manami rasunpachu cuyan.

1 Samuel 5:4

Yapay warannin tutapis Asdod runacuna Dagontaga tariran Tayta Diospa babulnin ñaupancho lätacasha jitaraycajta. Umanwan maquincunana paquisha jitarpaycaran puncu yaycurinacho. Cuerpullanna sänu caycaran.