Oseas 1:11 - Tayta Diosninchi Isquirbichishan

¹¹ Chauraga Judá runacunawan Israel runacuna jucllachacar iwalnami goyanga. Jucnayllatanami mandajnin cananpäpis churanga. Chauraga may-chaypitapis Jerusalenmanmi cutenga. ¡Chay junaj Jezreelchöga fiyupa cushicuymi cangapaj!

Oseas 1:11 ပူးပေါင်းရင်းမြစ်များ

Salmos 110:3

Pillyashayqui junaj mandashayqui runacunaga gam cajmanmi shuntacämonga. Chay runacuna gampäga canga pacha waraptin shullay caycajnömi.

Jeremías 30:21

Quiquincunapitami juc mandaj jatarenga. Llapanta mandananpaj quiquincunapitami yurenga. Pay ñaupächo cananpämi camacächishaj. Chayno mana camacächiptëga ¿piraj ñaupäman chayamunman?

Jeremías 30:3

Juc junäga acrashä Israelcunapa, Judá runacunapa surtinta rucachishämi. Noga Tayta Diosmi chayno cananpaj në. Unay caj awiluncunata goycushä nasyunmanmi cutichimushäpaj.»

Jeremías 30:7

Chaynöga canga fiyupa manchariypaj junaj chayamunanpaj captinmi. Chay junajnöga manami imaypis canyasharächu. Chay wichan Jacobpita mirajcunapäga fiyupa llaquicuymi cangapaj. Ichanga paycunata noga salbashämi.

Jeremías 31:33

Israelcunawanga caynömi conträtuta rurashaj: Laynëcunatami paycunapa shongunman isquirbishaj. Yarpayninmanpis churashaj. Paycunami acrashä runacuna canga, noganami Diosnin cashaj. Noga Tayta Diosmi chayno në.

Jeremías 32:37

Chaypis fiyupa rabyar intëru nasyunman gargushä Israelcunata llapantami shuntashaj. Cutichimushaj pipis imatapis mana rimapaptin allillana goyäcunanpämi.

Jeremías 50:19

Chayno ruraptë Israelcunaga quiquinpa nasyunninmanmi cuticongapaj. Uyshapaj guewa caycajnöpis paycunapaga aypallami chacrancuna caycanga: Carmelo puntapis, Basanpis, Efraín aypalla puntayoj jircapis, Galaadpis.

Ezequiel 39:25

«Chaypitami, noga Tayta Diosga në: Cananmi ichanga Babiloniaman apashanpita Jacobpita miraj Israelcunata cutichishäna. Chayno paycunata cuyapashpämi camacächishaj pï-maypis rispitamänanpaj.

Oseas 2:1

Chaura gamcunaga ollgu cajcunata ninquipaj: «Diospa wamrancunami caycanqui» nir, warmi cajcunatana «Dios cuyapashancunami caycanqui» nir. Tayta Dios nin:

Oseas 3:5

Chayno cashanpitarämi Israelcunaga Tayta Diosman cutenga. Davidpita miraj rayninmanpis cutenga. Ushanan watacunachöga fiyupa rispitar aywanga Tayta Diospa ñaupanman. Chaura Tayta Diospis bindisyunnintami churanga.

Romanos 11:15

Tayta Diosninchi Israelcunata cachaycur intëru mundu runacunata chasquiycaptenga ¿imanöraj canga Israelcunata pay yapay chasquiptin? ¡Chayno captenga runacuna wañushanpita cawarimushanömi canga!