Nehemías 9:5 - Tayta Diosninchi Isquirbichishan

⁵ Cüracunata yanapaj Leví runacuna Josué, Cadmiel, Binuy, Hasabnías, Serebías, Hodías, Sebanías, Petaías cayno niran: «Tayta Diosninchïta imaycamapis llapayqui alabay. ¡Payga fiyupa rispitädu cashpan munayniyoj cashpan alabasha cachun!

Nehemías 9:5 ပူးပေါင်းရင်းမြစ်များ

1 Reyes 8:14

Nircur rayga llapan runacuna caycashanman ticrarcur bindisyunta gor cayno

1 Reyes 8:15

niran: «Alabasha cachun noganchi Israelcunapa Tayta Diosninchëga. Papänë Davidta aunishanta cananga llapantami cumlisha. Paytaga niran:

1 Reyes 8:22

Chayno nircur Salomonga witiran Tayta Diospa altarnin ñaupanman llapan Israelcuna ricapaycaptin maquinta janajpa jogarcur

1 Reyes 8:27

«Ichanga ¿rasunpachuraj Tayta Dios cay pachacho gam tiyanquiman? Janaj syëlupis may-may jatun caycar manami aypanchu gampäga. Chaura rurachipashä Temploga aypaycunmanrächu.

1 Crónicas 16:36

¡Israelcuna rispitashan Tayta Diosga imay-yajpis alabasha cachun!» Llapan runacunapis «Chayno cachun» niran. Nircorga Tayta Diosta llapan alabaran.

1 Crónicas 29:11

Tayta Dios, gamllami canqui fiyupa munayniyoj. Gammi fiyupa alli canqui. Gampa munayniquichömi caycan llapanpis. Janaj syëlucho caj, cay pachacho cajpis gamllapami. Gamllami llapantapis mandanqui. Gammi canqui llapanpita mas munayniyoj.

1 Crónicas 29:13

Chaypitami nogacunaga Tayta Diosnë captiqui cushicushpä agradësicur alabä.

1 Crónicas 29:20

Chaypitaga llapan runacunata David niran: «Llapayqui Tayta Diosta alabay.» Chauraga unay caj awiluncunapis quiquincunapis sirbiycashan Tayta Diosta llapan alabaran. Chayno alabar llapan gongurpacuran Tayta Diosta rispitashpan, rayta rispitashpan.

2 Crónicas 20:13

Tayta Diospa ñaupancho llapanmi Judá runacunaga ichirpaycaran warmipis, wamrapis mas tacshapita-pacha.

2 Crónicas 20:19

Coatpitawan Corëpita miraj cantaj Leví runacunana sinchipa Tayta Diosta alabayta gallaycäriran.

Esdras 3:11

Tayta Diosta waquin alabaptin waquenga chasquiran «Tayta Diosta agradësicuy. Payga amatar allimi. Israelcunataga imaycamapis cuyanmi» nir. Llapan runacunapis cushicuypita gaparparan. Tayta Diosta sinchipa alabaran Templuta yapay aruyta gallaycärishanpita.

Nehemías 9:4

Nircur cüracunata yanapaj Leví runacuna Josué, Binuy, Cadmiel, Sebanías, Buni, Serebías, Bani, Quenani wicharan chacranca caycajman. Paycuna gayarayparaj Tayta Diosta mañacuran.

Nehemías 9:6

«Gamllami Tayta Diosga canqui. Gammi camashcanqui syëluta, syëlucho llapan caycajcunata. Gammi camashcanqui cay pachata, cay pachacho cajcunata, lamarta, lamar rurincho cajcunatapis. Gammi llapan ima-aycatapis cawaycächinqui. Chaypitami janaj pachacho caycajcunapis adurashunqui.

Job 1:21

Chaymi niran: «Cay pachachöga yurishcä jina röpaynajllami. Chaynöllami cay pachapitapis aywacushaj. Tayta Diosmi llapantapis tarichimaran. Paymi llapantapis guechumasha. ¡Tayta Diosga fiyupa alabasha cachun!»

Salmos 106:2

¿Piraj Tayta Dios milagruta rurashancunata willacuyta camäpacunman? ¿Piraj alabanman Tayta Diosta alabanapaj cashanmannöga?

Salmos 134:1

Tayta Diosta sirbejcunaga alabay. Llapayqui Tayta Diospa Wasincho chacaypa caycajcunaga Tayta Diosta alabay.

Salmos 145:2

Waran waranmi alabashayqui. Imaycamapis alabaycäshayquimi.

Salmos 145:5

Munayniyoj achicyaypa achicyaj cashayquita willaconga. Nogapis willacushaj fiyupa almiraypajcunata rurashayquicunata.

Salmos 146:2

Cawashäyäga imaypis Tayta Diosta alabaycäshämi. Cay pachacho cawashäcamaga alabansacunawan Tayta Diosta alabaycäshämi.

Salmos 16:2

Nogaga gamta nishcä: «Gammi canqui nogapa Tayta Diosnë. Gampita mas jucga manami nogapaj ima allipis canchu.»

Salmos 66:2

Tayta Diostaga alabay-llapa. Paytaga munayniyoj cashanpita alabay-llapa.

Salmos 99:3

Manchacuypaj, jatun munayniyoj Tayta Diosta alabay-llapa. ¡Tayta Diosga pasaypa santumi!

Éxodo 15:11

«Tayta Dios, maygan dioscunapis gammanga manami tincunchu. Gamno santuga manami juc canchu. Gamno munayniyöga manami juc canchu. Gamga fiyupa almiraypajcunatami rurashcanqui.

Éxodo 15:6

«Tayta Dios, maquiqui fiyupa munayniyojmi. Chaywanmi llapan chiquimajcunata illgarachishcanqui.

Daniel 2:20

cayno nishpan: «Tayta Diosga imaycamapis alabasha cachun. Payllami musyaj-yachäga munayniyöga.

Mateo 11:25

Chay öra Tayta Diosta alabar Jesús niran: «Syëluchöpis cay pachachöpis munayniyoj caycaj papä, gamta alabä yarpaycashayquita yachaj-tucojcunata mana musyachishayquipitami. Chaypa ruquenga wamrano cajcunallatami tantiyachishcanqui.

2 Corintios 4:6

Cay munduta camashpanpis quiquin Diosmi niran: «Chacaj caycashanpita achicyächun». Paymi achicyajno caycaj alli willacuyninta nogacunapa shongöman churasha. Chaynöpami nogacunaga Jesucristuta ricar achqui achicyajnöpis musyaycächë Diosninchi alli cashanta.

Deuteronomio 28:58

«Gamcuna cay isquirbiraycaj yachachicuycunata mana wiyacuptiqui, munayniyoj Tayta Diosta mana wiyacuptiquega

1 Pedro 1:3

¡Tayta Diosninchïta alabashun! Taytanchi Jesucristupa papänin Tayta Diosmi cuyapämashpanchi mushoj cawayta gomashcanchi yapay yurishanöna cananchïpaj. Cananga Jesucristo wañushanpita cawarimusha captinmi yäracunchi noganchïpis wañushanchïpita cawarimunanchïpaj cashanta.

Jueces 13:18

Niptin anjil niran: «¿Imapätaj jutëta musyayta munanqui? Jutëga almiraypämi.»