Nehemías 9:30 - Tayta Diosninchi Isquirbichishan

³⁰ «Chaypis achca watami awantashcanqui. Tucuynöpa tantiyachirayqui Espirituyquiwanraj profëtayquicunawanraj. Chaypis manami paycunaga wiyacuranchu. Chayno captinnami gamga cachaycurayqui juc-lä nasyun runacunapa munaynincho cananpaj.

Nehemías 9:30 ပူးပေါင်းရင်းမြစ်များ

2 Reyes 18:11

Asiriapa raynenga Israel runacunata prësu aparan Asiriaman. Nircur tiyananpaj churaran Habor particho caycaj Halah marcaman, Gozán mayupa lädunman, Media runacunapa siudänincunaman.

2 Reyes 21:10

Chaymi Tayta Diosga sirbejnin profëtacunawan willacachir niran:

2 Crónicas 24:19

Chaypis Tayta Diosga profëtancunawan willachiran ñaupatano payllaman yäracunanpaj. Profëtacuna piñacuptinpis runacunaga mana wiyacurannachu.

Esdras 9:10

«Tayta Dios, cananga ¿imatataj rimarcömanpis fiyupa juchata rurashäcunapitaga? Manami cumlishcäcunachu

Nehemías 9:20

«Alli Espirituyquiwanmi paycunata tantiyachirayqui. Micunanpäpis mana pishiypami casha maná. Yacutapis manami pishëchirayquichu.

Nehemías 9:26

«Ichanga mana wiyacojmi caran. Contrayqui ricacuran. Layniqui niycashantapis mana cumlir manacajman churaran. Mana allita ruraptin profëtayquicuna piñacushpan willaparan gamman yapay yäracamunanpaj. Chaura paycuna fiyupa rabyachishushpayquimi profëtayquicunata wañuchiran.

Nehemías 9:29

Layniquicunata cumlinanpaj yaparir-yaparir tantiyachirayqui. Chaura paycunami ichanga yachaj-tucoj. Alli cawayta tarichicoj layniquicunata mana cumliranchu. Paycunaga mana wiyacoj cashpanmi gam nishayquita mana cäsucuranchu.

Salmos 86:15

Tayta Dios, chaypis gamga canqui alli shongumi, cuyapäcojmi, pasinsacojmi, cuyacojmi, rasun cajta rurajmi.

Salmos 95:10

Chay wichan cawaycajcunapäga chuscu chunca watami rabyashalla cacurä. Chaymi nirä: ‹Cay runacunaga pantacashami puricurcaycan. ¡Manami mandamintöcunata wiyacunchu!›

Isaías 28:10

‹Cayta, wacta ruray› niycämanchi. ‹Wacta, cayta wiyacuy› niycämanchi. ‹Cay-läman, wac-läman witiy› niycämanchi. ‹Wac-läman, cay-läman witiy› niycämanchi» nir.

Isaías 42:24

¿Pitaj camacächisha Jacobpita miraj Israelcuna tiyashanta juccuna charicarcärinanpaj, quiquincunatapis prësu apananpaj? ¿Manachu chaytaga Tayta Dios camacächisha? Paycunaga juchatami ruraran. Tayta Dios nishancunataga manami rurayta munaranchu. Yachachishantapis manami wiyacuranchu.

Isaías 48:9

«Rispitasha canä-raycumi rabyashpäpis awantacurä. Nogapaj allita parlanan-cashami pasinsacur gamcunataga mana illgächirächu.

Isaías 63:10

Chaypis paycunaga Tayta Diospa contranmi ricacuran. Chaymi Santo Tayta Diosta rabyachiran. Chaynöpami Tayta Diosga paycunapaj rabyacurcuran. Nircur contran ricacur castigaran.

Jeremías 25:4

«Yapay-yapay profëtancunata Tayta Dios cachaycämuptinpis gamcunaga manami cäsushcanquichu, ni tantiyacushcanquipischu.

Jeremías 44:22

Ichanga mana alli rurashayquicunata Tayta Diosga manami awantashanachu. Gamcunaga Tayta Diosta fiyupami rabyachishcanqui. Chaypitami cananga nasyunniquicho siudäcunaga juchusha ragällan caycan. Pipis mana tiyaptin manchariypaj y pï-maypis ricacunanpämi caycan.

Jeremías 44:4

Nogaga sirbimaj profëtäcunata yaparir-yaparirmi cachamushcä melanashäcunata mana rurananpaj willachishpä.

Jeremías 44:5

Chaypis paycunaga manami wiyacuranchu. Mana allicunata gongaycunanpa ruquenga jinallami juc dioscunapaj insinsuta rupachiran.

Jeremías 7:25

Unay awiluyquicunata Egiptupita jorgamushäpita canancamami nogaga profëtäcunata juctapis-juctapis gamcunaman cachamushcä.

Lamentaciones 2:17

Tayta Diosga yarpashancunata llapantami camacächisha. Imano canayquipäpis nishantaga cumlishami. Mana cuyapaypami illgächishurayqui ñaupatana yarpashanno. Chiquishojcuna asipäshunayquipämi camacächisha. Contrayquicuna fiyupa munayniyoj cananpämi camacächisha.

Daniel 9:6

Sirbishoj profëtayquicunataga manami wiyacushcäcunachu. Paycunaga gampa jutiquichömi raynëcunata, unay caj awilöcunata, llapan Israelcunatapis willaparan.

Zacarías 7:12

Shonguncunatapis chucrucarcachiran asul rumi chucru cashanmannöraj. Chaynöga ruraran noga espiritöwan yachachishäcunata, laynëcunata willapashäta mana wiyacunanpämi. Chaycunataga willacachirä unay caj profëtäcunawanmi. «Chayno cashanpitami nogaga rabyacurcurä.

Zacarías 7:13

Chaymi në: Imanömi paycuna mana wiyacamashachu noga willapaycaptë, chaynöllami nogapis mana yanapäshächu ruwacur mañacamaptinpis.

Números 11:26

Ganchis chuncata acrasha captinpis Eldadwan Medadga Tincuna Tolduman mana aywaranchu. Paycunaga tolduncunallachömi quëdacuran. Ichanga Tayta Diospa Espiritun paycunamanpis chayaran. Chaura Israelcuna tiyaycashancho profëtacunanöna parlaran.

Hechos 13:18

Chunyaj chaqui jircapa chuscu chunca (40) wata purir mana allita ruraptinpis Tayta Diosga pasinsacuranmi.

Hechos 28:25

Juc yarpayllaman mana chayayta camäpacur aywacuyta gallaycuran. Chaymi Pabloga niran: «Rasuntachari profëta Isaiasta Espíritu Santu musyachiran unay castanchïcunata cayno ninanpaj:

Hechos 7:51

«Gamcunaga mana wiyacoj rinriynajmi canqui. Llutan ruraycunallapaj yarpanqui. Unay castayquicunanöllami Espíritu Santupa contran carcaycanqui.

Romanos 2:4

¿U Tayta Dios cuyapäcoj, pasinsacoj, alli captinchu yarpanqui mana castigashunayquipaj cashanta? Payga cuyapäshushpayquimi munan jucha rurashayquipita arpinticur pay munashannöna cawanayquita.

2 Pedro 1:21

Profëtacunaga manami quiquinpa yarpayllanpitachu isquirbiran. Chaypa ruquenga Espíritu Santu rimachiptinmi Tayta Diospaj willacuran.

2 Pedro 3:9

Chayno caycaptenga ama yarpäshunchu: «Jesucristoga ¿imanirtaj mana cutimunchu?» nir. Tayta Jesucristoga shuyaraycan llapan runa arpinticunantami. Payga manami munanchu pipis juchallancho wañunanta.