Nehemías 9:28 - Tayta Diosninchi Isquirbichishan

²⁸ Alli goyashpannaga yapayna juchata ruraj. Chaynöpami yapaypis cachaycurayqui chiquejcunapa munayninman. Chay runacunana llaquicachir ñacachiran. Chayno cashpanraj yapay mañacushoj cashunqui. Chaura gamga cuyapäcoj cashpayqui syëlupita-pacha wiyashpayqui achca cuti yanapashpayqui salbarayqui.

Nehemías 9:28 ပူးပေါင်းရင်းမြစ်များ

Salmos 106:42

Chiquinacushancunaga fiyupa ñacachiran. Munaynincho chararashpanna pasaypa pengacachiran.

Salmos 136:24

Paymi salbamanchi chiquimajninchïcunapita. Pay cuyacoj cashanga imaycamapis chaynöllami.

Isaías 63:15

Tayta Dios, fiyupa rispitädu particho tiyaycashayqui syëlupita-pacha ricäramuy ari. ¿Maytaj fiyupa cuyacoj cayniquiwan munayniyoj cayniquega? ¿Imanirtaj nogacunataga mana yarpämanquinachu? ¿Nogacunataga mananachu cuyapämanqui?

Jueces 2:19

Mandaj jueznin wañuptenga yapayna mana allicunata ruraran. Taytancuna rurashanpitapis mas piyur mana allitana ruraran. Mana bälej dioscunata adurarcaycaran. Manana cachaycäriranchu mana alli custumrincunata. Mana wanacurannachu.

Jueces 3:30

Chaynömi Israelcunaga binsiran Moab runacunata. Chay junajpita-pacha pusaj chunca (80) watacama Israelcunapaj jauca goyayllana caran.

Jueces 4:1

Aod wañushanpitanaga Israelcuna yapayna Tayta Diosta mana cäsurannachu.

Jueces 5:31

«Tayta Dios, chiquishoj cäga llapanpis chaynölla ushacächun. Gamta cuyashoj cajcuna ichanga inti cuyayllapaj achicyashanno cachun.» Chaypitaga chuscu chunca (40) watayaj chay Israel nasyuncho jauca goyaylla caran.