Nehemías 9:2 - Tayta Diosninchi Isquirbichishan

² Nircur ichircärir reconösiran «nogacunapis unay awilöcunapis juchasapami cä» nir. Israelcunallami juc-lä nasyun runacunapita acracaran.

Nehemías 9:2 ပူးပေါင်းရင်းမြစ်များ

1 Reyes 8:47

Apashan runacunapa marcancho jucha rurashanta tantiyacur llaquiconga.

Esdras 10:11

Chaymi canan gamcunaga unay awiluyquicuna rispitar adurashan Tayta Diospa ñaupancho rasunpa juchayoj cashayquita cunfisacur Tayta Dios munashannöna goyay. Raquicayna Diosta mana rispitaj runacunapitaga. Juc-lä nasyun warmiwan tiyajcunapis raquicay.»

Esdras 6:21

Cutimoj Israelcunaga llapanmi micuran Pascua fistacho rurashan micuyta. Tayta Diosta adurananpaj juc-lä runacunapita guellicojcunawanpis iwal micuran.

Esdras 9:1

Chaypitanaga mandajcuna aywaycamur nimaran: «Israelcunaga cüracunapis, cüracunata yanapaj Leví runacunapis juc casta runacunawan tallucashami goyasha. Mana allita rurajta ricaycarpis iwalmi goyasha Cananeo, Het, Ferez, Jebús, Amón, Moab, Egipto, Amorreo runacunawan.

Esdras 9:15

«Israelcunapa Tayta Diosnin, nogacunapäga fiyupa allimi cashcanqui. Chaymi camacächishcanqui canan caycashäcunano wallcajllapis cawanäpaj. Gampa ñaupayquichöga nogacuna rasunpami juchayoj cä. Chayno caycarga ñaupayquicho goyänäpis manami camacanchu.»

Esdras 9:2

Israelcunaga quiquincunapis wamrancunapis majachacasha chay juc-lä nasyun warmicunawanmi. Dios acrashan caycar tallucasha jäpa runacunawan. Chayno jucha rurayman chayananpäga mandajnincunami caminutapis gosha.»

Nehemías 1:6

Chacaypa junajpapis gamtami ruwacö sirbishoj Israel famillyacunata yanapaycunayquipaj. Gam ricaycämaptiquimi Israelcunaga juchata rurashcä. Famillyäcunapis, nogapis juchataga rurashcämi.

Nehemías 10:28

Waquin runacuna: cüracuna, cüracunata yanapaj Leví runacuna, puncu täpajcuna, Templucho arojcuna, cantajcuna, Diosta adurananpaj lagacamoj juc-lä nasyun runacunapis shuntacaran warminwan-cama, yarpayniyojna caj warmi ollgu wamranwan-cama.

Nehemías 10:29

Famillyancunawan, mandajnincunawan shuntacarcur juraran Moisés isquirbishan laycunata, mandamintucunata cumlinanpaj. Moisestaga Tayta Diosmi willaparan laycunata yachachinanpaj.

Nehemías 13:3

Lay nishanta wiyaycur juc-lä nasyuncunawan majachacasha caycajta, juc-lä runacunata Israelcunapita raquiran.

Nehemías 13:30

Chaynömi juc-lä runacunapitaga raquirä. Nircurna cüracunata, Leví runacunata churarä turnuncho-cama arunanpaj.

Salmos 144:11

Mana rejsishä jäpa runacunapita salbaycamay ari. Chay runacunaga llullallatami parlanpis. Llullacur manacajpita jurashpan derëchu caj maquintapis jogarin.

Salmos 144:7

Janajpita-pacha ayparcamuy ari. Jatun lamarpita maquiquiwan jorgaycamay ari. Mana rejsishä jäpa runacunapita salbaycamay.

Proverbios 28:13

Juchancunata pacajcunaga manami alliman chayangachu. Mana alli ruraycunata cachaycur juchancunapita perdunta mañacojcunami ichanga perdunasha canga.

Isaías 2:6

Tayta Dios, acrashayqui runacunachöga juc-läpita shamoj musyacojcunami juntasha caycan. Filistea runacunachönöpis brüjucunami juntasha caycan. Israelcunaga juc-lä runacunawanmi parlacurcaycan. Chayno captinmi gamga acrashayqui runacunata cachaycushcanqui.

Jeremías 14:20

Tayta Dios, quiquëcunapis musyämi contrayqui ricacushätaga. Unay caj awilöcuna fiyupa mana allita rurashantapis yarpaycämi. Gampa contrayqui juchata rurashätapis yarpaycämi.

Jeremías 3:13

Rimariy ari juchayoj cashayquita. Reconösiy mana wiyacoj cashayquita, rämasapa yöracuna rurinman juc dioscunata aduraj aywashayquita, Noga nishäcunata mana wiyacushayquitapis.» Tayta Diosmi chayno nin.

Daniel 9:20

Jinallami nogaga Tayta Diosta mañacuycarä, juchäcunata, Israel-masëcuna juchata rurashanpitapis cunfisacushpä. Pay acrashan rispitädu lömacho caycaj Jerusalenpäpis mañacuycarä.

Oseas 5:7

Noga willapashäta manami wiyacushachu. Wamrancunapis caycan juc runapa churillannami. Chaypitami paycunaga juc quillallacho chacrancunawan iwal llapan ushacanga.