Nehemías 9:10 - Tayta Diosninchi Isquirbichishan

¹⁰ Fiyupa almiraypajcunata rurarmi castigarayqui faraonta, mandäshejnincunata, llapan pampa runacunatapis. Acrashayqui Israelcunata mana cuyapaypa ñacachishanpitami castigarayqui. Chaypitami gampäga maychöpis allita parlan canancamapis.

Nehemías 9:10 ပူးပေါင်းရင်းမြစ်များ

Nehemías 9:16

Chay unay caj awilöcunaga casha mana tantiyaj, mana wiyacoj runacunami. Chaymi mandamintuyquitapis mana cumlishachu.

Nehemías 9:29

Layniquicunata cumlinanpaj yaparir-yaparir tantiyachirayqui. Chaura paycunami ichanga yachaj-tucoj. Alli cawayta tarichicoj layniquicunata mana cumliranchu. Paycunaga mana wiyacoj cashpanmi gam nishayquita mana cäsucuranchu.

Salmos 83:18

Llapan musyachun gam japallayqui Tayta Dios cashayquita. Tantiyacuchun gamlla janaj pachacho cay pachachöpis Tayta Dios cashayquita.

Éxodo 18:11

Egipto runacuna manacajman churashushpayqui pasaypa ñacaycächishushayquipitami jorgushurayqui. Chaymi cananga musyä Tayta Dios waquin dioscunapita mas munayniyoj cashanta.»

Éxodo 3:20

Nogami Egiptucunataga imano munayniyoj cashätapis musyachishaj, almiraypajcunata rurashaj. Chayrämi chay rayga ‹Aywacuy› nishunquipaj.

Éxodo 5:2

Chayno niptin faraón niran: «¿Pitaj chay Tayta Dios, Israelcunata cachanäpäga? Nogaga manami chay Tayta Diosta rejsëchu. Israelcunatapis manami cachashächu.»

Éxodo 7:1

Chayno niptin Tayta Dios niran: «Sumaj wiyamay. Nogami gamtaga churashcä faraonpa ñaupancho ruquë canayquipaj. Wauguiqui Aaronnami gampa ruquiqui parlanga.

Éxodo 9:16

Ichanga faraón cawaycanraj noga munayniyoj cashäta musyachinäpämi, intëruchöpis noga munayniyoj cashäta musyananpämi.

Isaías 42:20

Paycunaga tucuytami ricasha. Ichanga manami cuentata gocushachu. Wiyaytaga wiyanmi. Ichanga imata niycashätapis manami tantiyanchu.»

Isaías 63:12

¿Maychötaj caycan fiyupa munayninwan Moisesta yan'gaj? ¿Maychötaj caycan imaycamapis rejsisha cananpaj lamar yacuta ishcayman raquirej Dios?

Isaías 63:14

Uywacuna guechwa pampaman chayaycur alli guewacho cushicushannömi Tayta Diospa Espiritunpis jamayta tarichiran. Chayno alli jamananpämi acrashayqui runacunataga pushamurayqui. Chayno rurashayquipitami munayniyoj cashayquita may-chaychöpis parlasha.»

Jeremías 32:20

Gamga Egiptupita Israelcunata jorgamurpis aypalla milagrucunatami rurarayqui. Cananpis chaynöllami ruraycanqui Israelcunacho, waquin caj runacunachöpis. Chaymi gampäga may-chaychöpis parlan.

Ezequiel 20:9

Ichanga juc-lä nasyun runacuna manacajman mana churamänanpämi, ñaupancho caycaj nasyun runacuna nogata mana jamurpämänanpämi mana castigarächu. Chay nasyuncunapa ricay-ñawinchömi aunirä Israelcunata Egiptupita jorgunäpäpis.

Daniel 4:37

Chaypitami noga Nabucodonosorga canan rispitar alabä janaj pachacho caycaj Rayninchïta. Pay rurashanga llapanpis allillami caycan. Alli-tucojcunatapis manacajmanmi churan.»

Daniel 5:23

Chaymi Tayta Diosta Templuncho garanan cöpacunata apaycachimur bïnuta upyashcanqui mandäshishojcunawan, warmiquicunawan, chïnayquicunawan. Chaynöpis goripita, guellaypita, runsipita, fyërrupita, guerupita rurasha caycaj mana ricaj, mana wiyaj, mana yarpachacoj dioscunatami alabashcanqui. Janaj pachacho caycaj Tayta Diostami ichanga mana alabashcanquichu paypa maquincho bïdayqui caycaptinpis, llapan rurashayquicunata pay ricaycaptinpis.

Daniel 9:15

Tayta Diosnë, Egiptupita acrashayqui runacunata jorgamushpayquimi gamga musyachirayqui fiyupa munayniyoj cashayquita. Chaynöpami chay junajpita-pacha canancama musyäcuna fiyupa munayniyoj cashayquita. Chaypis nogacunaga juchata rurar fiyupa mana allitami rurashcäcuna.

Hechos 7:36

Chaymi Moisesga Egiptuman aywaycur unay castanchi Israelcunata jorgamuran. Jinan Egiptuchöpis, Puca Lamarchöpis milagrucunata ruraran. Chunyaj chaqui jircachöpis chuscu chunca (40) watantin milagrucunata ruraran.

Romanos 9:17

Tayta Diosninchïpa palabranchöpis Egiptupa mandajnin faraonpaj cayno niycan: «Gamtaga mandaj canayquipaj churashcä noga munayniyoj cashäta gamcho musyachinäpämi. Chaynöpana intërucho musyanga noga pï cashätapis.»

Deuteronomio 4:34

Ricashayquinöpis Egiptucho fiyupa ñacaycajtami Tayta Diosga milagrucunata rurashpan, guërrata rurashpan, manchariypaj castigashpan yanapäshurayqui Egiptupita yargamunayquipaj. Gamcunata Tayta Dios yanapäshushayquinöga manami maygan diospis ima nasyun runacunatapis yanapashachu.

Deuteronomio 7:19

Yarpay fiyupa almiraypajcunata rurashanta, milagrucunata ricashayquita, munayniyoj cayninwan Egiptupita jorgamushushayquita. Chaynömi ruranga gamcuna manchacuycashayqui runacunatapis.

1 Pedro 5:5

Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. «Alli-tucojcunataga Tayta Diosninchi manami yanapanchu. Umildicunatami ichanga cuyapar yanapan.»