Nehemías 13:31 - Tayta Diosninchi Isquirbichishan

³¹ Nirä imay junaj yantata churamunanpäpis, imay rimir-punta shuntar raquishan micuyta apamunanpäpis. ¡Tayta Dios, ama gongaycamaychu ari; yanapaycamanqui ari!

Nehemías 13:31 ပူးပေါင်းရင်းမြစ်များ

Nehemías 10:34

Cüracuna, cüracunata yanapaj Leví runacuna, llapan runacuna, cada famillya aycapis cashäpita surtita jitaräcuna Diospa Templunman yantata apamunäcunapaj. Diospa laynincho niycashanno altarcho rupachinanpaj watacho imaypis töcamashanpita rucaypa yantata apanäcuna caran.

Nehemías 10:35

Chaynöpis parlacurä rimir-punta shuntar raquishan micuyta, frütacuna wayushanta cada wata Tayta Diospa Templunman apanäcunapaj.

Nehemías 10:38

Cüracunata yanapaj Leví runa diesmuta shuntaj aywaptenga Aaronpita miraj juc cüra yan'ganga. Shuntashantana diesmuta raquenga. Chaytaga cüracunata yanapaj Leví runa chayachenga Diospa Templuncho ima-aycapis churaränanman.

Nehemías 13:14

Tayta Diosnë, noga allita rurashäcunataga ama gongaycuychu. Yarpaycuy Templuyquipaj, quiquiquita adurashunayquipaj rurashätaga.

Nehemías 13:22

Nircur cüracunata yanapaj Leví runacunatana nirä limyuyänanpaj, puncu täpaj aywananpaj, chaynöpa säbadu jamay junajtaga rispitananpaj. Tayta Dios, chayno rispitachishäpita nogapäga ama gongaycuychu. Cuyapäcoj cashayquino nogatapis cuyapaycamay ari.

Nehemías 5:19

¡Tayta Diosnë cay runacunapaj alli cashäpita nogapis allicho canäpaj yarpaycuy ari!

Salmos 106:4

Nogata yarpäramanqui Tayta Dios, acrashayqui runacunata yanapashayqui öra. Yarpaycamanqui ari salbanayquipaj shamushpayquipis.

Salmos 25:7

Jucha rurashäcunata ichanga ama yarpaycuychu. Mösu car mana allita rurashäta gongaycuyna. Tayta Dios, fiyupa cuyapäcoj alli car yarpaycamay ari.

Lucas 23:42

Nircur Jesustana niran: «Tayta, gam mandayta gallaycur nogata yarpäramanqui ari.»