Nahúm 3:3 - Tayta Diosninchi Isquirbichishan

³ Ricacanganami muntäducuna shamushanpis. Espäda achicyaypa achicyashanta, lansancuna chip-chipyashantapis ricay. Waranganpa waranganpami malubrashacunapis canga. Gotuyninpa-gotuyninpami wañushacunapis canga. Intëruchömi wañushacunaga mashtaräconga. Chayno captinmi mayman lluchcananpäpis mana jäcongachu.

Nahúm 3:3 ပူးပေါင်းရင်းမြစ်များ

Génesis 3:24

Runata chayno gargurir Tayta Diosga wertaman churaran querubín nishan anjilcunata. Paycunaga achicyaypa achicyar rataycaj sablinwan caycaran. Chay wertata täpaycaran inti yagamunan caj-lächo, imaycamapis cawachicoj yöraman mana pipis yaycunanpaj.

2 Reyes 19:35

Chay nishan chacayllami Tayta Diospa anjilnin chayaycur wañuycachiran Asiria suldärucuna pachacaraycajta pachac pusaj chunca pichgan waranga (185,000) runacunata. Warannin tuta waquin suldärucuna riccharcamorga tariran wañusha mashtarpaycajtana.

Isaías 34:3

Wañojcunatapis manami pipis shuntangachu. Chaycunaga fiyupa melanaypämi asyarenga. Intëru jircapapis yacunörämi yawarpis aywanga.

Isaías 37:36

Chay nishan chacayllami Tayta Diospa anjilnin chayaycur wañuchiran Asiria suldärucuna pachacaraycajta pachac pusaj chunca pichgan waranga (185,000) runacunata. Warannin tuta waquin suldärucuna riccharcamorga tariran wañusha mashtarpaycajtana.

Isaías 66:16

Tayta Diosga llapan runacunatami ninawan castiganga. Espädanta aptacurcurmi llapanta jusgangapaj. Chaynöpami Tayta Dios castigaptin aypalla runa wañongapaj.

Ezequiel 39:4

Gamga suldäruyquicunawan, juc nasyuncunapita yan'gaycäshoj runacunawan iwalmi Israel jircacunacho wañunquipaj. Chaychömi gamcunataga cachaycushayquipaj aycha micoj äbicuna, micucoj jirca animalcuna micushunayquipaj.

Levítico 26:37

Pipis mana gaticachaycäshuptiquimi guërrapita gueshpiycajno tacanacur-raj gueshpinquipaj. Gamcunaga manami maygayquipis contrayquicunata ichipanquipächu.

Nahúm 2:4

Chay carrëtacunaga goshtatayllami aywaycärin. Cörriycunpis illguy achicyajnörämi. Chay carrëtacunawanmi jawa caj cällicunapa cörrircaycan pergaman. Jawa caj läsapana chayaycämun.

Habacuc 3:11

Fiyupa manchariypaj achicyaypa achicyaycaj lëchayquita ricashpan, achicyaypa achicyaycaj sabliquita ricashpan intiwan quillapis yagashanpita manami yagamunnachu.