Nahúm 3:15 - Tayta Diosninchi Isquirbichishan

¹⁵ Ichanga chaychömi nina ushashunquipaj. Sabliwanmi wañunquipaj; ushajpämi illgächishunquipaj. ¡Chüpacano aypallaman miray ari! ¡Chüpacacunano aypallaman miray ari!

Nahúm 3:15 ပူးပေါင်းရင်းမြစ်များ

Isaías 66:15

Tayta Diosga nina ratataycajchömi chayamongapaj. Carrëtancunapis caycan shucucuy wayra gachwaycajnömi. Payga fiyupa rabyasha cashpanmi nina ratataycajwanraj runacunata castigangapaj.

Isaías 66:16

Tayta Diosga llapan runacunatami ninawan castiganga. Espädanta aptacurcurmi llapanta jusgangapaj. Chaynöpami Tayta Dios castigaptin aypalla runa wañongapaj.

Jeremías 51:14

¡Nogami chiquishojcunataga gaycamushaj aypalla chüpacacunata-jina. Chauraga paycunanami gamcunata binsiycushushpayqui cushicuypita gaparpanga! Noga munayniyoj Tayta Diosmi chayno në.»

Joel 1:4

Tucuy casta chüpacacunami juntaycusha llapanta micur ushacurcunanpaj. Jatusaj chüpacacuna catushantaga acapa chucluscunami ushacurcusha. Acapa chucluscunapita gueshpejllantapis malunyacunami micucurcusha. Chaypita puchojllantapis shiuricunami ushacurcusha.

Joel 2:25

«Päsaj watacunachöga cachamushä chüpacacuna micuyta ushashanpitami fiyupa ñacarayqui. Gamcunapataga ima-aycayquitapis chüpacacunami ushacurcuran. Chaycunaga llapanta illgächej suldärucunanömi usharan. Chayno ushashanpitami canan gamcunataga cutichishayqui.

Amós 7:1

Tayta Dios ribilamashpan caynömi ricachimaran: Ray cosëchata rurashanpitaraj, micuy garwaraycashan wichan, ricarä Tayta Dios aypalla chüpacacunata miraycächejta.

Nahúm 2:13

Munayniyoj Tayta Diosga caynömi nin: «Nogaga gampa contrayquimi caycä. Guërrapaj caj carrëtayquicunata ruparachishämi. Ushajpämi uchpaman ticrarachishaj. Mallwa liyun-mallwacunatami wañurachishaj. Nasyunniquicho caj suwacunataga llapantami illgächishaj. Chayno ruraycuptë ni willacojcunapis manami canganachu willacunanpaj.»

Nahúm 3:13

Suldäruyquicunaga caycan warminöllami. Rancayquicunata nina rupar ushashanpitami siudäniquicunapa puncuncunapis quicharaycan. Chaymi contrayquicuna yaycamunanpaj libri caycan.

Sofonías 2:13

Nircur Tayta Diosga Asiria runacunatanami castigar illgächengapaj. Capitalnin Nínive siudächo tiyajcunatapis uywantinta ushajpämi wañuchenga. Chaymi chunyaj chaqui jircaman ticrashano ricaconga.