Nahúm 3:1 - Tayta Diosninchi Isquirbichishan

¹ ¡Ay imanöraj canqui wañuchicur yawar mashtaraycajta cachaycoj Nínive runacuna! Gamcunaga llullacuyllatami, wañuchinacuyllatami arurcaycanqui. Mana jamaypami imaypis suwacurcaycanqui.

Nahúm 3:1 ပူးပေါင်းရင်းမြစ်များ

Salmos 62:10

Mana allita rurashayquicunamanga ama yäracuychu. ¡Runapa ima-aycantapis guechushpayqui ama alabacuychu! Rïcuyashpayqui guellayniquimanga ama yäracuychu.

Isaías 17:14

Chay runacuna tardipaga fiyupa mancharishami carcaycanga. Pacha wararcuptenga chiquimajninchïcuna llapanmi mana canganachu. Chaynömi illganga imanchïtapis suwapämajninchïcuna, marcanchïtapis mana allita rurajcunaga.

Isaías 24:9

Birsushpan manami bïnuta upyanganachu. Upyajcunapäga machächicojcunapis ashgajmanmi ticracurenga.

Isaías 42:24

¿Pitaj camacächisha Jacobpita miraj Israelcuna tiyashanta juccuna charicarcärinanpaj, quiquincunatapis prësu apananpaj? ¿Manachu chaytaga Tayta Dios camacächisha? Paycunaga juchatami ruraran. Tayta Dios nishancunataga manami rurayta munaranchu. Yachachishantapis manami wiyacuranchu.

Oseas 4:2

Chaypa ruquenga runacuna manacajpita jurarcaycan. Llullacuypa rimaycan. Wañuchinacurcaycan. Suwacurcaycan. Majayoj caycar jucpa majanwan cacurcaycan. Jananman-jananman wañuchinacuyllami caycan.

Nahúm 2:12

¿Imataj päsasha wawancunapaj, china liyuncunapaj cäsata pedäsu-pedäsu rachipaj liyuntaga? ¿Imataj päsasha tiyanancunaman aychata shuntaj liyuntaga?

Nahúm 2:13

Munayniyoj Tayta Diosga caynömi nin: «Nogaga gampa contrayquimi caycä. Guërrapaj caj carrëtayquicunata ruparachishämi. Ushajpämi uchpaman ticrarachishaj. Mallwa liyun-mallwacunatami wañurachishaj. Nasyunniquicho caj suwacunataga llapantami illgächishaj. Chayno ruraycuptë ni willacojcunapis manami canganachu willacunanpaj.»

Habacuc 2:12

«¡Ay imanöraj canqui wañuchicojcuna! Gamcunaga runacunata wañuchishpayquimi, mana allita rurashpayquimi siudäniquicunata arushcanqui.