Nahúm 2:10 - Tayta Diosninchi Isquirbichishan

¹⁰ Nínive siudäga illgächishana, chunyaj jircaman ticrashana, pasaypa chaquishami caycan. Runacunapaga manchariyllawanmi shonguncunapis tic-ticyaycan. Gongurnincunapis sicsicyaycan. Llapanpapis mananami callpan cannachu. Cärancunapis yur'gasha utcunömi caycan.

Nahúm 2:10 ပူးပေါင်းရင်းမြစ်များ

Génesis 1:2

Cay pachaga manami canan caycashannöchu caran. Manami imapis caranchu. Chacay yanauyaycaj yacu juntashalla caran. Chay yacu janallanchömi Tayta Diospa Espiritonga tumaycaran.

Salmos 22:14

Yacu jicharishanönami caycäpis. Tullöcunapis pasaypa gotucäcushanami. Shongöpis ushaycanna.

Isaías 14:23

Chay partitaga ticrarachishaj mitu-mitu gochamannami, chushyajcuna tiyanallanmannami. Illgächicuna pichanawanmi illgächiypa pichashaj.» Munayniyoj Tayta Diosmi chayno nisha.

Isaías 21:3

Babiloniata Tayta Dios imanöpis castigananpaj cashanta musyarmi cuerpöcunapis manchariywan shiririn. Gueshyacunanpaj warmi nanaycho caycajnörämi nanächicuycäpis. Wiyashäga fiyupami llaquicaycächiman. Ricashäcunapis fiyupami manchariycächiman.

Isaías 24:1

Masqui ricay-llapa. Tayta Diosga llapantami cay pachata usharenga. Cay pachata fiyupami cuyurachenga. Runacunatanami wacpa-caypa mashtacächenga.

Jeremías 30:6

Mä tapucachay, ¿juc ollgu runa gueshyacunmanchuraj? Chauraga ¿imanirtaj ollgu runacunata ricä chegllan charisha tumaycachaycajta, gueshyacunanpaj nanay chariptin warmi milluycachaycajtano? ¿Imanirtaj paycunaga llapanpis pasaypa yur'gacäcusha?

Jeremías 49:23

Damasco siudä imano cananpäpis Tayta Dios rimashanga caynömi: «Ushacänanpaj mana alli willapami chayasha Hamat siudächo, Arfad siudächo tiyajcunamanga. Chaymi paycunaga mancharisha carcaycan. Fiyupa manchacurmi löcutashano caycan. Manami ima ruraytapis camäpacunnachu.

Jeremías 51:62

Liguircur ninqui: ‹Tayta Dios gammi nishcanqui cay partita illgächinayquipaj. Chaura manana tiyanganachu runa ni animalpis. Cay pachaga imaycamapis chunyajnami canga› nir.

Jeremías 8:21

Marca-masëcuna ñacashannömi nogapis ñacaycä. Llaquicuywan manchariymi nogataga mana cacharimanchu.

Ezequiel 21:7

‹¿Imapitataj wagaycanqui?› nishuptiquega gam ninqui cay nasyunman mana alli chayamunanpaj cajta mayaycur wagaycashayquita. Ninqui, chay junäga llapan callpaynajno ricacunanpaj cashanta, pipapis manana balurnin cananpaj cashanta, manchariyllawan chaquincunapis sicsicyananpaj cashanta. Chayno cananpaj caj öraga chayaycämunnami. Manapis aycällatanami canga. Noga Tayta Diosmi chayno në.»

Ezequiel 31:15

« ‹Noga Tayta Diosmi në: Wañushacuna chayananman chay sedru yöra chayaptenga camacächishcä llaquicuyllawan may ruricho caycaj yacupis chaquicäcunanpaj. Mayu aywajcunata, yacu urajcunatapis chaparcushcämi. Tunej sedru-raycumi camacächishcä Líbano munti llaquicunanpaj, llapan jirca yöracuna llaquicuywan wañutacäcunanpaj.

Daniel 5:6

rayga fiyupa manchariyllawan pasaypa yur'gacäcuran. Manchariyllawan sicsicyaycaran.

Joel 2:6

Chayta ricar runacunaga fiyupa mancharin. Cärancunapis pasaypami yur'gacäcun.

Nahúm 2:2

Gamcunaga acrashä runacunatami magarayqui. Ima-aycantapis guechushpayqui cachaycurayqui übas yöra garapachacashatanömi. Tayta Diosmi ichanga Jacobpita miraj Israelcunata yapay allimannami churaj-aywan.

Nahúm 3:7

Llapanpis ricashojcunaga gueshpirmi aywaconga cayno nishpan: ‹¡Nínive siudäga illgächishami caycan! ¿Piraj cuyapayconga? ¿Maychöraj pillatapis tarishwan shogananpaj?›

Sofonías 3:6

Tayta Dios caynömi nin: «Nasyuncunatami illgächishcä. Ricchacuna törricunatapis juchurgärachishcämi. Siudäcunapa cällincunatapis pasaypa chunyajtami cachaycushcä. Chaypaga manami runapis päsannachu. Cacharisha siudänincunachöga manami ni jucnayllapis tiyannachu.

Josué 2:11

Tayta Diosniquega janaj pachachöpis cay pachachöpis fiyupa munayniyojmi. Chaymi fiyupa mancharishcäcuna. Manami pipis gamcunawan pillyananpaj baluranchu.

Josué 7:5

Israelcunataga siudä puncunpita-pacha uraypa gatiran rumita jorgunan cajcama. Chayno gaticacharmi wañuchiran quimsa chunca sojtan (36) Israelcunata. Chaura runacunaga mancharir llaquicushpan manana munarannachu pillyaj aywayta.