Miqueas 7:6 - Tayta Diosninchi Isquirbichishan

⁶ Ollgu wamrancunaga papäninta pasaypa manacajmanmi churaycan. Warmi wamrancunapis mamanta chiquicarcärishami. Llumchuycunapis suyrancunata chiquircaycanmi. Chaymi, cada runapa contranga caycan quiquin famillyalla.

Miqueas 7:6 ပူးပေါင်းရင်းမြစ်များ

Génesis 49:4

Ichanga gamga märistayquiwan puñucuycushpayquimi pengayman churamarayqui. Chaypitami manana mayurnönachu canquipaj. Gamga chayasha mayunömi cashcanqui.

2 Samuel 16:11

Nircur, Abisaita llapan mandaj suldäruncunata niran: «Quiquëpa wamräpis wañuchimayta munaycaptenga masrächari Benjamín trïbupita cäga. ¡Ama imatapis rimapaychu! ¡Jina gayapäcamächun! Tayta Dioschari chayno ninanpaj nisha.

Salmos 41:9

Fiyupa cuyanacushä, yäracushä runa, iwal micushäpis cananga conträmi ricacusha.

Proverbios 30:11

Waquenga canmi taytanta ñacachej, mamantapis mana rispitaj.

Proverbios 30:17

Maman-taytanta mana alli ricajtaga ñawincunatapis ancacuna jorgucurinman, cundurcunapis micucurcunman.

Isaías 3:5

Chaura runacunaga rimanacullarnami goyangapaj. Chaymi jucnin-jucnin amïgu carpis jucwan-jucwan chiquinaconga, pillyanga. Mösucunapis auquincunata mana rispitar chiquicarcärenga. Pobricunapis rïcucunata chiquicarcärenga.

Isaías 9:19

Munayniyoj Tayta Dios fiyupa rabyasha captinmi nasyuntaga nina rupaycan. Ninaga rupar ushacurcun runacunata. Runacunapis runa-masinta mana cuyapannachu.

Jeremías 12:6

Quiquiquipa wauguiquicunawan famillyayquicunami chiquicurcushurayqui. Ollguyparämi washayquitapis rimarcaycan. Alli shiminpa parlapäshuptiquipis paycunamanga ama yäracuychu.

Jeremías 20:10

Runacunaga manacajman churamarmi shap-shapyayllapa rimar «¡Intërupami fiyupa manchariypaj caycan!» nin. Chaynöpis ninacun: «Llapanchi shuntacäshun calumyanapaj» nir. Amïgöcunapis munarcaycan imanöllapapis mana alliman chayanätami. Paycuna nin: «Imanöllaparaj riguichir rimaycachishwan. Chauraga binsishunmi, ayñita cutichishunmi» nir.

Jeremías 9:4

Amïgumanpis ama yäracuynachu. Ni wauguiquimanpis ama yäracuynachu. Amïgunwanpis llullapänacur lebantanacunmi. Chay wauguilla caycarpis engañanacunmi.

Ezequiel 22:7

Chaycho tiyajcunaga manami rispitanchu papäninta ni mamantapis. Juc-lä runacunata fiyupami ñacachin. Biyüdacunatawan wacchacunataga imantapis guechun.

Abdías 1:7

Llapan yanapäshojcunami engañashunquipaj. Nasyunniquipitami jitarishunquipaj. Asta yanasayquicunapis chiquicurcushunquipämi. Mas yäracushayqui caj amistäniquicunami llullapäshunquipaj mana alliman chayanayquipaj. Edom runacuna, ¿maytaj musyaj yachaj cashayqui?

Mateo 10:21

«Noga-janan chiquirmi wauguintapis autoridäcunaman apachenga wañuchinanpaj. Waquinnami wamranta apachenga wañuchinanpaj. Waquinnami taytantapis apachengapaj wañuchinanpaj.

Mateo 26:23

Chaymi Jesús niran: «Lätucho nogawan iwal tantata ushmachej cajmi chiquimajcunapa maquinman entregamangapaj.

Lucas 12:53

Wamranmi papäninwan contra canga; warmi wamranmi mamanwan contra canga; llumchuyninmi suyranpa contra canga.»

Lucas 21:16

Gamcunapa contrayquimi ricaconga mamayqui taytayqui, wauguiqui, castayquicuna, rejsinacushayquicunapis. Chayno contrayqui carmi waquinniquitaga wañuchishunquipaj.

Juan 13:18

«Caynöga niycä manami llapayquipächu. Noga musyaycämi pï-pïlla acrashä caycashantapis. Jucniquipäga Tayta Diospa palabran cumlinanpämi nin: ‹Iwal micur goyashämi conträ ricacusha› nir.