Miqueas 6:6 - Tayta Diosninchi Isquirbichishan

⁶ Capas pillapis ninman: «¿Imalläwanraj aywashaj Tayta Diospa ñaupanman? ¿Imallawanraj janaj pachacho caycajta adurashaj? ¿Paypa ñaupanmanga aywashaj rupachipänäpaj cajta apacurcurchuraj, u watayoj besërata apacurcurchuraj?

Miqueas 6:6 ပူးပေါင်းရင်းမြစ်များ

2 Samuel 21:3

Davidga Gabaón runacunata tapuran: «Castayquicunata wañuchishanpita ¿imanöpataj pägäman Tayta Dios acrashan runacunata bindisyunta gonayquipaj? ¿Imatataj gamcunapaj ruräman?» nir.

Salmos 116:12

Tayta Diosta ¿imanöparaj pägäman chay-jinanpa yanapämashanpita?

Salmos 22:29

Pipis bïdantaga manami rantishachu. Chaymi munayniyojcunaga rispitar umpur Tayta Diosllata cay pachacho aduranga.

Salmos 95:2

Tayta Diosta agradësicoj aywashun. Payta alabansacunawan alabashun.

Salmos 95:6

Shamuy-llapa, gongurpaycärir Tayta Diosta adurashun. Paypa ñaupanman gongurpacushun ari. Paymi ruramaranchïpis.

Éxodo 12:5

Uywaga canga watayojllaraj orgu sänu. Chay acrashanga canga uysha, mana uysha cashpanga cabra.

Éxodo 23:15

«Lebadüraynaj Tantata Micuna fistata ruranqui. Chay fistachöga nishänölla ganchis junaj lebadüraynaj tantallata micunqui. Chaytaga ruranqui Egiptupita llojshicamushayqui Abib quillachömi. Pipis nogata aduramaj shamoj cäga jinaylla ama shamongachu.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Proverbios 21:3

Alli cajta rasun cajllata rurar goyay. Chayno ruraptiquega sacrifisyucunata garashayquipitapis masmi Tayta Dios cushicun.

Isaías 40:16

Tayta Diospaj pishtarcur rupachinapäga intëru Libanucho caycaj uywacunapis manami aypanmanchu. Ni Líbano munticho aypalla caycaj guerucunapis waycunapäga manami aypanmanchu.

Jeremías 6:20

Juc-lä nasyuncho caj alli asyaj jachacunatapis, Sabäpita insinsutapis ¿imapätaj apapämanqui? Nogaga melanäcömi uywacunata pishtar rupachishayquitapis. Ofrendacunata apamushayquitapis manami munächu.

Ezequiel 46:9

Fistacunacho runacuna nogata aduramaj yaycushpanga cayno ruranga: Norte caj puncupa yaycoj cäga sur caj puncupana llojshenga. Sur caj puncupa yaycoj cajna norte caj puncupa llojshenga. Yaycushan puncullapaga ama cutengachu. Chaypa ruquin jucaj-läpana llojshenga.

Daniel 3:26

Chayno nishpan Nabucodonosorga jurnupa puncunman-niraj witiycur gayacuran: «¡Janaj pachacho caycaj Diospa sirbejnincuna Sadrac, Mesac Abed-nego canan öra llojshicamuy!» Chayno gayacuptin Sadrac, Mesac Abed-negoga wayllasha jurnu rataycajpita llojshimuran.

Daniel 4:9

«Musyaj-yachajcunapa mandajnin Beltsasar noga musyämi rispitädu dioscunapa espiritun yanapaycäshushayquita. Chaynöpami musyanqui pï mana musyashantapis. Suyñushäta willapäshayqui. Nircur gamna willamanqui imapaj cashantapis.

Daniel 5:18

«Tayta ray, musyashayquinöpis papäniqui Nabucodonosorpa maquinchömi chaychica marcacuna caran. Payga fiyupa munayniyojmi caran. Llapan runami manchacuran. Chayno cananpäga janaj pachacho caycaj Tayta Diosmi camacächiran.

Daniel 5:21

Runa-masincunawan goyaycajta garguriran. Alli yarpaynin caycashancho uywapa yarpaynin-nirajman ticracuriran. Chucaru bürrucunawanna goyaran. Wäcacunanömi guewata micuran. Intërunta shullay ushmaran. Janaj pachacho caycaj Tayta Dios llapan runacunapaj munayniyoj cashanta, pay pitapis munashan cajta mandaj cananpaj churashanta reconösinancamami chaynölla goyaran.

Oseas 5:6

Sacrifisyuta nogapaj rupachinanpaj uyshancunata, wäcancunata apacurcurmi Nogata ashimashpan purengapaj. Chayno ashimashpanpis manami tarimangapächu. Chaynöga canga noga cachaycushana captëmi.

Amós 5:22

Manami munächu rupachina sacrifisyucunata nogapaj pishtashayquitapis, ni chaqui micuy ofrendacunata goycamashayquitapis. Nogaga manami chasquishäpächu werannin töru-mallwacunata alli goyaypita sacrifisyupaj pishtaptiquipis.

Números 7:51

Rupachina sacrifisyupäpis aparan juc besërata, juc carnita, juc watayoj cashnita.

Mateo 19:16

Juc mösumi Jesusman chayaycur tapuran: «Maestru, ¿ima allicunatataj ruräman imaycamapis cawayta tarinäpaj?» nir.

Marcos 12:33

Llapan shongunchïwan, yarpayninchïwan, callpanchïwan Tayta Diosta cuyashun. Runa-masinchïtapis cuyashun quiquinchi alli cawayta munashanchïno. Chaycunaga uywacunata rupachishanchïpitapis, cuyachicuyninchïta Diospaj goycushanchïpitapis mas allimi caycan.»

Marcos 5:7

Llapan callpanpa gaparaypa niran: «Munayniyoj Diospa Wamran Jesús ¿imatataj nogacunawan munanqui? Diospa jutinchömi gamta ruwacö: ama ñacachimaychu ari.»

Lucas 10:25

Chay örami Moisés isquirbishanta yachaj runa Jesusta pantachiyta munar tapuran: «Maestru, ¿imatataj ruräman mana ushacaj cawayta tarinäpaj?»

Juan 6:26

Jesusnami niran: «Gamcunaga ashiycämanqui manami milagrucunata rurashäta tantiyacushayquipitachu, chaypa ruquenga tantata sacsaj micushallayquipitami.

Hechos 16:17

Chay jipashga Pablutawan nogacunata gatirämaran: «Cay runacunaga Tayta Dios munashanno cawajmi. Paycunami gamcunata willapaycäshunqui imano salbacunayquipaj cashantapis» nir.

Hechos 16:30

Nircur juclla jawaman pusharcur niran: «Taytacuna, ¿imataraj ruräman salbacunäpaj?»

Hechos 2:37

Niptin runacuna fiyupa llaquicuran. Pedrutawan waquin apostulcunata tapuran: «Israel-masëcuna, cananga ¿imataraj ruräman?» nir.

Efesios 3:14

Llapan chaycunapitami gongurpacuycur gamcunapaj Tayta Diosta mañacö.

Hebreos 10:11

Llapanmi Israel cüracunaga waran-waran Tayta Diospaj custumrinta ruraycan uywacunata pishtar rupachishpan. Chay rurashancunawanga manami pï runatapis juchanpita perdunanchu.

1 Samuel 15:22

Chaura Samuel niran: «Wiyacushaga sacrifisyucunata rupachishanchïpitapis masmi Tayta Diosga cushicun. Uyshacunata pishtarcur wiranta rupachishanchïpita mas allimi Tayta Dios nishancunata wiyacuptinchi.