Miqueas 6:2 - Tayta Diosninchi Isquirbichishan

² Mundu mana cuyucunanpaj tucnaraycaj simintuncunapis puntacunapis sumaj wiyay-llapa. Acrashä runacunatami jusgaj-aywä. Israel runacunatami imata rurashallantapis jorgapaj-aywä.

Miqueas 6:2 ပူးပေါင်းရင်းမြစ်များ

2 Samuel 22:16

Tayta Dios ollgöpaptin, sinchipa pücariptin, lamar rurin alayri ricacäcuran. Munduta tucnarajcunapis alayri ricacaran.

2 Samuel 22:8

«Chauraga intërucho fiyupa timlur caran. Syëluta tucnarajcunapis sicsicyaran. Tayta Dios rabyacurcuptinmi llapanpis cuyuriran.

Salmos 104:5

Cay pachatapis tacyachishcanqui jamananpita mana cuyoj cananpaj.

Proverbios 8:29

Allpa jananman mana llojshimunanpaj lamar yacuta camacächiptin, allpa mana cuyucunanpaj sumaj tacyachiptin

Isaías 1:18

Tayta Diosmi nin: «Shamuy-llapa. Cananmi sumaj parlar alli tantiyashun. Puca fiyupa tiñicashano gamcuna juchayoj captiquipis, Nogami limyuyächishayqui rashtanöna yuraj canayquipaj. Muräduman tiñisha tëlano captiquicunapis, Nogami limyuyächishayqui merïnu millwano yuraj canayquipaj.

Isaías 3:13

Tayta Diosga acrashan runacunata dimandananpänami caycan. Paycunata juchanpita jusgananpänami caycan.

Isaías 43:26

¿Imallaga canchuraj gamcuna allita rurashayqui? Mä tapunacushun. Mä juchaynajchush caycanqui.

Isaías 5:3

Chacrapa duyñunnami nin: «Jerusalén runacuna Judá runacuna canan mä nimay. ¿Mayganëtaj mana allita rurashcä? ¿Übasnëchu? ¿Nogachu?

Jeremías 2:9

Chaypitami cananga gamcunawanpis willcayquicunawanpis demandanacushaj. Noga Tayta Diosmi chayno në.

Jeremías 25:31

Gayacamushanga wiyacan cay pachapa intëru cuchuncamami. Intëru nasyuncho tiyaycaj runacunatami Tayta Diosga jusganga. Wañoj cajtaga llapantami imata rurashantapis jusganga. Fiyu runacunataga llapantami wañuchichenga. Tayta Diosmi chayno nisha.»

Jeremías 31:37

Imay junajllapis janaj syëlu tupusha captenga cay pacha imacho jamaraycashantapis imayllapis ricaptenga Israelcunataga mana allicunata rurashanpita gargömanmi.» Tayta Diosmi chayno nisha.

Oseas 12:2

Tayta Diosga Judá runacunata chiquicurcushami. Imanöpis rurashanpitami Jacobpita mirajcunataga castiganga. Imanöpis rurashanmannömi paycunataga castiganga.

Oseas 12:3

Jacobga yurillarnami wauguinpa chaqui talunninta charisha yuriran. Rucu runa cashpannaga Dioswan pillyaran.

Oseas 4:1

Israel runacuna, wiyay-llapa Tayta Dios rimashanta. Paymi cay nasyuncho tiyajcunapa contran rimaj-aywan. Paymi cayno nin: «Rasun cajta rimaj runacuna caychöga manami canchu. Mananami cuyapänacunnapischu. Nogataga manami pipis ‹Tayta Diosnë› nimannachu.

Miqueas 6:1

Israelcuna, Tayta Dios nishanta wiyay-llapa. Paymi nin: «Lömacuna wiyaycäshuptiqui ichircur difindicuy ari. Imata rimashayquitapis puntacuna wiyachun.

Deuteronomio 32:22

Cananga nina ratarejnörämi fiyupa rabyacurcushcä. Rabyashäga chayanga pacha rurincamami. Allpatapis micuytapis manami wayuchishächu. Jircacunatapis rupachirmi ushashaj.

Deuteronomio 4:26

Canan junaj gamcunata niycashätaga janaj pachapis cay pachapis wiyaycanmi. Nishäcunata mana wiyacorga Jordán chimpan nasyuncho tiyarcaycashpayqui illajpitami ushajpaj illganquipaj. Mananami unaycamaga tiyanquipänachu.