Miqueas 6:12 - Tayta Diosninchi Isquirbichishan

¹² Cay siudächo caj rïcucunaga llapanpis ñacachicojcunallami. Llapanpis llullacunallami caycan.

Miqueas 6:12 ပူးပေါင်းရင်းမြစ်များ

Salmos 120:2

Tayta Dios, llulla runacunapita salbamay. Gayapäcoj runacunapitapis chapaycamay.

Salmos 35:20

Paycunaga manami munanchu alli cawaytaga. Cay nasyuncho alli goyäcoj runacunata mana alli goyächinallanpämi yarpachacurcaycan.

Salmos 78:36

Paycunaga janan shongullami Tayta Diosta alabaj. Imata nirpis llullapajmi.

Isaías 1:23

Mandajniquicunapis Tayta Diosta manami wiyacunchu. Paycunaga suwacunapa amiställanmi. Paycunaga munarcaycan pacayllapa päguta chasquiytami. Munarcaycan imapitapis imallatapis päganantami. Wacchacunataga manami alli arriglanchu. Biyüdacuna dimandacuptinpis manami cäsunchu.

Isaías 3:8

Rasunpami Jerusalenga juchonga. Judá nasyunnami pasaypa mana allicho ricaconga. Chaynöga canga munayniyoj Tayta Dios nishanta mana cäsushpan llutancunata rurashanpitami, Tayta Diospa contran mana allicunata rimashanpitami.

Isaías 5:7

Chacrapa duyñonga munayniyoj Tayta Diosmi. Lantashan übasga caycan Israel nasyun runacunami, Judá runacunami. Tayta Diosga munaran layninta chay runacuna cumlinantami. Nishanga wañuchinacuyllatami aruycan. Tayta Diosga niran allillata rurananpämi. Nishanga ñacajcuna gaparpashallanmi wiyacaycan.

Jeremías 9:8

Paycunapaga rimashancunapis wañuchicoj lëchanörämi. Engañacullarmi purircaycan. Janan shongullami amïguncunatapis alli parlapan. Shongullanchöga mana alliman jitarpunanpämi yarpapaycan.

Oseas 7:1

acrashä runacunata jampiptë, Efrainpawan Samariapa juchancunaga alayrimi ricacan. Paycunaga llullacuyllapämi yachacasha carcaycan. Llapanpis suwallami. Wasicunamanpis suwacoj yagacaycärin. Runacunata imantapis cällicunacho guechun.

Oseas 7:13

«Ay, nogata gongaycamajcunaga imanöräshi canga. Paycunaga illganga nogapa conträ ricacushanpitami. Paycunaga nogapa conträmi llullacurcaycan. Man'chäga noga salbämanmi.

Amós 2:4

Tayta Diosga caynömi nin: «Judá nasyun runacunaga aypallatanami mana allita rurasha. Paycunaga manami wiyacushachu yachachicuynëcunata. Laynëcunacho niycashancunatapis manami cäsushachu. Chaypa ruquenga papänincuna adurashan ïdulucunallatami adurasha. Chaypitami castigänillataga mana cachaycushächu.

Amós 6:4

Cuyayllapaj llagllaypa adurnasha jamanacho wegurpaycanqui. Fistata rurar cushicushpayqui goyaycanqui. Carni-mallwacunata, werannin töru-mallwacunata micur jamarpaycanqui.

Sofonías 1:9

Castigashäpaj juchasapa runacunapa custumrintano rurajcunata, wañurcachir, llullacur suwapaypa ima aycatapis mandajninpa wasinman shuntajcunata.»

Sofonías 3:3

Mandajniquicunaga caycan liyuncuna gaparpajnömi. Juezniquicunapis caycan chacaypa cäsata ashiycaj atojcunanömi. Paycunaga cäsata charishpan waranninpaj imantapis mana cachaycojnömi carcaycan.

Hechos 24:9

Tértulo nishannöllami chaycho caycaj Israel runacunapis niran.

Romanos 3:13

Shiminpis sepultüranömi quicharaycan. Imaypis llullacuycanllami. Parlashancunapis caycan culebrapa benënunno.