Miqueas 6:10 - Tayta Diosninchi Isquirbichishan

¹⁰ Fiyu runacunapa wasinchöga ima-aycanpis caycan mana allita rurar shuntashallanmi. Chaynöpis chaychöga caycan chiquishä caj suwa tupullami.

Miqueas 6:10 ပူးပေါင်းရင်းမြစ်များ

Proverbios 10:2

Mana allicunata ruraypa rïcuyashanga manami dürangachu. Limyu mana yatapacoj cajcunami ichanga wañuypitapis salbacun.

Proverbios 11:1

Tayta Dios melanäcunmi suwa pësacunataga. Alli pësacunatami ichanga Tayta Dios alli rican.

Proverbios 20:10

Suwa pësatawan pishi tuputa ishcantami Tayta Dios melanäcun.

Proverbios 20:23

Tayta Diosga chiquinmi suwa pësata. Payga manami munanchu suwa balansatapis.

Proverbios 21:6

Llullacuyllapa ima-aycatapis tariyga manami allichu. Chayga caycan cushicachimänallapämi, wañuyta ashiyllami.

Amós 3:10

«Paycunaga alli cajta rurayta manami yachanchu. Guechushancunallatami palasyuncunachöpis chararaycan.»

Amós 3:9

Willacojcuna, gamcuna willacuy Asdod runacunapa palasyuncunacho, Egiptucho caycaj palasyucunachöpis. Cayno niy: «Samaria jircacunaman shamuy-llapa, fiyupa mana allicunata Samariacho ruraycajta ricanayquipaj, alli runacunata ñacaycächejtapis ricanayquipaj.

Miqueas 6:9

Tayta Diosga Jerusalén siudächömi gayaraycan. Payga cayno nin: «Siudächo caycajcuna llapayqui wiyay. Tantiyachejcunapis wiyay.

Sofonías 1:9

Castigashäpaj juchasapa runacunapa custumrintano rurajcunata, wañurcachir, llullacur suwapaypa ima aycatapis mandajninpa wasinman shuntajcunata.»

Zacarías 5:6

Ricärir tapurä: «¿Imataj chayga?» nir. Paynami nimaran: «Chayga caycan jatun tupu mancami. Chay mancawan tupuptin junta caycajnömi cay nasyuncho caj runacunapa juchanga caycan.»

Josué 7:1

Judá trïbupita miraj Acán jutiyoj runami caran Carmipa wamran, Zabdipa willcan, Zarapa willcanpa mas willcan. Ushajpaj illgächinanpaj Tayta Dios nishantami Acanga waquinta quëdachicuran. Chaypitami Israelcunapis Tayta Diospa ñaupanchöga juchayojna ricacuran. Chaymi Tayta Diosga llapan Israelcunapa contran fiyupa rabyacurcuran.