Miqueas 4:6 - Tayta Diosninchi Isquirbichishan

⁶ Tayta Diosga caynömi nin: «Chay junäga wegru uyshäcunata shuntashämi. Ogracasha caycajta, ñacaycajta canchanman shuntashaj.

Miqueas 4:6 ပူးပေါင်းရင်းမြစ်များ

Salmos 147:2

Tayta Diosga Jerusalentapis allchaycächinmi. Israelcuna mashtacasha caycajcunatapis shuntaycämunmi.

Salmos 38:17

Illajpitanami tunej-aywä. Intëru cuerpö nanaycaj manami rätullapis chawaycunnachu.

Isaías 56:8

Mashtacasha caycaj Israelcunata yapay shuntaj Tayta Diosmi cayno nin: «Shuntasha caycächishäpa jananmanpis mastarämi shuntamushaj.»

Jeremías 3:18

Chay wichanga Israel runacunawan Judá runacuna juc pachallamanmi shuntacangapaj. Nircurnami norte caj nasyuncho tiyarcaycashanpita cutimonga unay caj awiluyquicunata partisyun goycushä chacraman.

Jeremías 31:8

Paycunataga norte caj-lächo caycaj nasyunpitami cutichimushaj. May-chaycho caycajtapis shuntamushämi. Paycunawanmi shamonga gapracuna, wegrucuna, itiyoj warmicuna, gueshyaj warmicunapis. ¡Fiyupa aypallami cutimonga!

Ezequiel 36:24

Chay nasyuncunapita nogami jorgamushayqui. Shuntarcurmi quiquiquicunapa nasyunniquiman cutichishayquipaj.

Miqueas 2:12

«Israelcuna, gamcunataga llapaniquitami juc pachallaman shuntaj-aywä. Gamcunataga wallcalla quëdasha caycajllatapis shuntajmi-aywä. Chayno rurarmi jucllachashayqui uyshata canchanman gaycojno. Gamcunaga caycanquipaj uyshacuna alli guewacho caycajnömi. Chaychöga aypallanömi gaparpanquipaj.»

Sofonías 3:19

Chay wichanga gamcunata ñacachishojcunatanami castigashaj. Wegruycajcunatapis yanapäshaj. Pantacasha caycajtapis shuntamushämi. Pasaypa manacajman churasha cashayquipitami nogaga ticrachishäpaj mundu intërucho rispitasha, rejsisha canayquipaj.

Lucas 19:10

Noga Destinädu Runaga shamushcä ogracasha caycajcunata ashejmi tariycur salbanäpaj.»

Juan 10:16

Manami cayllachöchu uyshäcuna caycan. Juc-lä canchacunachöpis caycanmi. Chaycunatapis shuntashämi. Paycunaga nishäcunatami wiyaconga. Chaymi llapanpis jucllachacashalla canga. Uyshërunpis jucnayllami canga.