Miqueas 4:4 - Tayta Diosninchi Isquirbichishan

⁴ Chauraga mana manchacuypanami runacuna goyangapaj. Cada-ünunnami jamarpäcongapaj übas yöranpa, ïgus yöranpa llantuncunacho. Munayniyoj Tayta Diosmi nisha chayno cananpaj.

Miqueas 4:4 ပူးပေါင်းရင်းမြစ်များ

1 Reyes 4:25

Salomón cawashanyäga Judá runacunawan Israel runacuna Danpita Beersebacama tiyacuran allilla. Cada-ünunpa imapis mana pishiranchu. Übasninpis ïgusninpis achca caran.

1 Reyes 5:5

Chaynöpami cananga yarpashcä Tayta Diosnëpa Templunta aruchiyta. Tayta Diosmi papänë Davidta niran: ‹Ruquiqui mandananpaj wamrayquita churashärämi Templötaga aruchipämanga› nir.

Job 11:19

Puñuptiquipis manami imapis manchachishunquipänachu. Achcajmi yanapänayquipaj ruwacushunquipaj.

Salmos 72:3

Chauraga jircacunapis acrashayqui runacunata cuydanga. Puntacunapis acrashayqui runacunata alli ricanga.

Proverbios 3:25

Illajpita ima chayashunayquitapis manami manchacunquipächu. Fiyu runacunata mana alli chayaptinpis gamga manami manchacunquipächu.

Isaías 1:20

Imaypis chaynölla mana wiyacoj cashpayquimi ichanga imanöpa gueshpiyta munarpis guërracho wañunquipaj.» Quiquin Tayta Diosmi chayno nisha.

Isaías 17:2

Aroer particho caycaj siudäcunataga para-simrinami cachaycärenga. Chaura guewa juntashallanami canga. Chaychöga uywacuna cushishami micongapaj.

Isaías 22:25

«Juc junaj ichanga mana cuyucuypa juc pachacho jatiraycaj läbus shicwaconga. Paypis, payman yäracoj famillyancunapis llapanmi yagaconga.» Munayniyoj Tayta Diosmi chayno nisha.

Isaías 26:16

Tayta Dios paycunaga llaquicushpan gamtami ashishurayqui. Castigaptiqui paycunaga mañacushurayqui.

Isaías 32:17

Chaura llapanpis alli goyayllana canga. Allillanami imaycamapis goyanga.

Isaías 36:16

«Chayno nishantaga ama riguiychu. Nogataga Asiriapa rayninmi cachamasha paywan parlacunayquipaj. Pay nishantana ruray. Chayno carga cada-ünuyquimi übasniquipa wayuyninta, ïgusniqui wayushanta micunquipaj. Yacutapis upunquipaj quiquiqui rurashayqui ishtanquiquipitami.

Isaías 40:5

Chayrämi Tayta Diosga munayniyoj cayninta ricacächenga. Chaytaga llapan runacunami ricangapaj. Quiquin Tayta Diosmi chayno cananpaj nisha.»

Isaías 54:14

Noga munashäno goyarmi alli canquipaj. Manami pipis ñacachishunquipänachu. Manami imatapis manchacunquipächu. Yapayga mananami fiyupa manchariypajcuna chayashunquipänachu.

Isaías 58:14

Chaycunata cumlerga cushisha allimi goyanquipaj. Noganami alliman churashayquipaj altunnin jircacunapa llapanta binsichir pushashpä. Unay awiluyqui Jacobta goycunäpaj aunishächönami alli goyächishayquipaj.» Quiquin Tayta Diosmi chayno nisha.

Jeremías 23:4

Nircur alli uyshërucunatanönami churashaj alli ricananpaj. Chaura runacunaga imapitapis mana manchaconganachu, jucnayllapis manami pishenganachu. Noga Tayta Diosmi chayno në.

Jeremías 30:10

«Noga Tayta Diosmi në: «Jacobpita mirar aywaj Israelcuna, ama manchacuychu. Sirbimajcuna ama manchariychu. Caru nasyunman apashushayquipitami gamcunata y llapan wamrayquicunata jorgamushayquipaj. Chaypitaga allinami goyäcunquipaj. Alli goyäcuptiqui pipis manami manchachishunquipänachu.

Ezequiel 34:25

« ‹Uyu uyshano caycaj acrashä runacunawanmi alli parlacushaj allillana goyänanpaj. Israel nasyunpitaga micucoj animalcunata illgächishämi. Chaura paycunaga jäcoj intëru jircacunacho mana manchacuypana tiyacongapaj. Munticunachöpis puñucongapaj.

Ezequiel 34:28

Juc-lä nasyun runacuna paycunata mananami yapayga munaynincho chararanganachu. Ni micucoj animalcunapis micucurcongapänachu. Jaucanami goyäconga. Mananami pipis manchachenganachu.

Ezequiel 38:11

Chaymi cayno ninquipaj: «Yaycushaj mana pipis yanapashan nasyunman, allilla goyaycaj runacunaman, curaläni, puncuynaj, rancaynaj caycaj siudäcunaman.

Ezequiel 39:26

Paycunaga quiquinpa nasyunnincho allillana goyangapaj. Pipis mananami manchachenganachu. Chauraga gonganganami ñaupata pengaypaj goyashanta, conträ rurashantapis.

Levítico 26:6

Tiyashayqui nasyunchöga jaucallami goyäcunquipaj. Mishquilla puñucunquipaj. Nogami chapäshayqui micucoj animalcunapita. Wañuchinacuypis manami cangachu.

Miqueas 5:3

Cananpitaga Tayta Dios cachaycushunquipämi. Ichanga manami unaycamachu cachaycushunquipaj. Chayga canga gueshyacunanpaj caycaj warmi gueshyacunancamallami. Chaypitaga chay yurejmi Israel-masincunawan shuntacanga. Shuntacanga prësu aywashanpita cutimojcunawan.

Sofonías 3:13

Cawaycar quëdaj Israel runacunaga allillatanami ruranga. Mananami llullacongapänachu. Manami pipa washantapis rimangapänachu. Cushishanami goyangapis. Mananami pipis manchachenganachu.»

Zacarías 3:10

Chay junaj chayamuptenga jucniqui-jucniquimi marca-masiquicunawan goturpanquipaj übas yörayqui chaquincho, ïgus yörayqui chaquinchöpis. Munayniyoj Tayta Diosmi chayno në.› »