Miqueas 4:3 - Tayta Diosninchi Isquirbichishan

³ Tayta Diosmi jusganga llapan nasyun runacunata. May carucho caycaj nasyuncunatapis imano cananpäpis nenga. Chaura chay runacunaga sablincunatapis rëjamanmi ticrachenga. Tucsicuna lansancunatapis ösimannami ticrachenga. Juc nasyunwan juc nasyun manami guërrata ruranganachu. Guërrapäpis manami yachachinaconganachu.

Miqueas 4:3 ပူးပေါင်းရင်းမြစ်များ

Salmos 46:10

Caynömi niran: «Diosniqui cashäta tantiyacuy. Maquëchöna caway. Nogami intëru nasyuntapis maquëcho caycächë. Nogami cay mundutapis chararaycä.»

Salmos 46:9

Payga guërratapis intëruchömi chawächisha. Paymi lëcha jitacunatapis paquirgärisha. Tucsicunantapis ichic-ichiclla paquirgärisha. Guërrapaj caycaj carrëtacunatapis rupargärachisha.

Salmos 72:3

Chauraga jircacunapis acrashayqui runacunata cuydanga. Puntacunapis acrashayqui runacunata alli ricanga.

Salmos 72:7

¡Pay mandaptenga llapan rurashancunapis alli llojshichun, alli goyaylla cachun! ¡Quilla cawashanpitapis mas unaycamaraj alli goyaylla cachun!

Salmos 82:8

Tayta Dios, gamllapami llapan nasyuncunapis. Cay pachacho tiyajcunata alli arriglanayquipaj shaycamuy.

Salmos 96:13

Shaycämoj Tayta Diospa ñaupancho cantay-llapa. Tayta Diosga llapan runacunata jusgananpämi shaycämun. Payga llapantapis allimi arriglanga.

Salmos 98:9

Shaycämoj Tayta Diospa ñaupancho cantay-llapa. Tayta Diosga llapan runacunata jusgananpämi shaycämun. Payga llapantapis iwalmi arriglanga.

Isaías 2:4

Tayta Diosmi arriglanga llapan nasyun runacunata. Nircorga paynami chiquinacuycaj nasyun runacunata nenga imano goyänanpäpis. Chaura chay runacunaga sablincunatapis ticrachenga rëjancunamanmi. Tucsicuna lansancunatapis ticrachenga ösincunaman. Juc nasyunpa contran mananami maygan nasyun runacunapis yapayga aywanganachu pillyacunancunawan. Chayno captin mananami guërrapäpis yachachinaconganachu.

Isaías 25:3

Chaypitami chay siudächo caj munayniyoj runacunapis rispitashunquipaj. Fiyu runacunapis manchacushunquipaj.

Isaías 51:5

Wallcanami pishin salbanäpaj. Manapis aycällatanami munaynëwan llapan nasyun runacunata mandashaj. Lamar cantun nasyuncho tiyaj runacuna nogallamanmi yäracamonga. Munayniyoj cashallämanmi yäracamonga.

Isaías 60:12

Gamcunata mana sirbishoj caj nasyun runacunaga illgächishami canga. Chayno caj nasyun runacunaga ushajpämi wañuchisha canga.

Isaías 65:25

Uyshawan atojpis juc pachallachömi goyanga. Liyunpis wäcanömi guewata miconga. Culebranami allpata miconga. Rispitädu jircächöga alli goyayllanami canga.» Tayta Diosmi chayno nisha.

Isaías 9:7

Ray David jamashanmanmi jamaycongapaj. Payga llapantami mandanga. Alli goyayga manami ushacanganachu. Imaycamapis payllanami mandanga. Pay mandarga rasun cajta, alli cajllatami imaycamapis ruranga. Chaynöga ruranga munayniyoj Tayta Dios fiyupa cuyamashpanchïmi.

Daniel 2:44

Chay raycuna mandaycashan wichanmi Tayta Diosga juc rayta yurichengapaj. Chay ray mandashantaga manami pipis binsengapänachu. Ni may nasyuncho caj raycunapis manami binsengapänachu. Pay japallannami llapan mandajcuna mandashanta mandanga. Pay mandashanga para-simrimi canga.

Oseas 2:18

Chay wichanga Israelcuna jauca goyänanpämi parlashaj jirca animalcunawan, pärej äbicunawan, culebracunawan. Cay nasyunpitaga lëchatapis, sablitapis illgächishämi. Guërrapis manami canganachu. Chayrämi acrashä runacunaga jauca goyäcongapaj.

Oseas 2:20

Nogaga mana cachaypanami chararäshayquipaj. Chaymi nogapis gampana cashäpaj. Nogatanami ‹Tayta Diosnë› nimanquipaj.

Joel 3:2

Llapan nasyun runacunata shuntarcurnami apashaj Josafat guechwa pampaman. Chaychönami chay runacunataga jusgashaj acrashä Israelcunata imanöpis rurashanpita. Chay runacunami intëru mundupa mashtacächiran Israelcunataga. Nircur acrashä nasyuntaga raquipänacuran.

Miqueas 5:15

Noga nishäta mana wiyacoj nasyun runacunatami ichanga fiyupa rabyawan castigashaj.»

Zacarías 14:3

Chayno ruraptinrämi quiquin Tayta Dios pillyanga chay nasyun runacunawan. Unaycuna guërracho pillyashannörämi pillyangapaj.

Zacarías 8:20

«Noga, munayniyoj Tayta Diosmi cayno në: Runacuna shamongapämi juc-lä nasyuncunapita, juc-lä siudäcunapitapis.

Zacarías 9:10

Nogami illgächishäpaj Efraín trïbupa pillyapaj caj carrëtancunata, Jerusalencho caj cawallucunata, pillyananpaj caycaj lëcha jitacunancunata. Shamoj rayga willacongapaj intëru nasyuncho alli goyay cananpämi. Mandangapis jatun lamarpita Cachi lamarcamami. Mandangapaj Éufrates mayupita mundupa jucaj cuchuncama.

Hechos 17:31

Tayta Diosga maynami juc runata acrasha juc junaj llapan runacunata ima rurashanpitapis jusgananpaj. Acrashanta musyananchïpämi chay runataga wañushanpita cawarachimusha.»

Apocalipsis 19:11

Chaypitanami ricarä janaj pachapa puncun quicharaycämojta. Yuraj cawallun muntasha caycajtapis ricarä. Muntaraycäga caran nishanta cumlejmi. Paymi pitapis mana chapaypa juchancunapita jusganga.

1 Samuel 2:10

Tayta Diosga chiquejcunata illgächengami. Paycunataga syëlupita-pachami räyuwan ushachenga. Tayta Diosga llapan runatami jusganga. Acrashan raytanami munayniyojyächenga. Waquinpita mas munayniyoj cananpaj yanapanga.»