Miqueas 2:8 - Tayta Diosninchi Isquirbichishan

⁸ Ichanga Tayta Dios nin: «Gamcunaga ñaupata carayqui acrashä runacunami. Cananmi ichanga conträna ricacushcanqui. Alli goyäcojcunata, alli puricojcunata punchuncunatapis guechuycanqui.

Miqueas 2:8 ပူးပေါင်းရင်းမြစ်များ

2 Samuel 20:19

Cay siudächo tiyajcunaga llapanëpis cä pï-maypäpis allillami. Israelcunapa contranga imaypis manami jatarishcächu. Gamga illgächiyta munaycanqui Israelcho mas alli goyäcojtami. ¿Imanirtaj illgächiyta munanqui Tayta Diospa cajtaga?»

Salmos 55:20

Paycunaga amïguncunatapis magan. Alli cananpaj parlashanta manami cumlinchu.

Isaías 9:21

Manasés runacunaga Efraín runacunata magarcaycan. Efraín runacunapis Manasés runacunata magarcaycan. Nircur ishcan aywan Judá runacunata magananpaj. Chaypis, Tayta Dios rabyashanpitaga manami allchacanrächu. Payga jinallarämi castigananpaj rimaycan.

Jeremías 12:8

Acrashä runacuna nogapäga canan caycan munticho liyunnömi. Nogata chiquimashpan liyunnöraj gaparpanpis. Chaypitami ricaytapis mana munänachu.

Miqueas 3:2

Chaypa ruquin gamcunaga alli cajta chiquiycanqui. Mana alli cajtana cuyaycanqui. Runacunataga pasaypanami garapachaycanqui. Chayno garapacharmi tullullantana cachaycunqui.

Miqueas 3:3

Israelcunataga cawaycajtami ultacarcärinqui. Garancunata rachir-ushashpayqui tulluncunatapis paquirgärinquimi. Söpa mancaman wiñananpaj aychata rurashannömi gamcunaga ruraycanqui.

Miqueas 7:2

Chaynömi cay munduchöga manana cannachu allita rurajcuna, ni Tayta Dios nishanta rurajcunapis. Imay örapis wañuchinacuyllatami ashircaycan. Jucnin-jucninpis llullapänacun mana alliman chayachinacunanpaj.

Miqueas 7:3

Mana alli ruraypäga fiyupa yachajmi carcaycan. Mandaj autoridäcunaga imapitapis pägananta munarcaycan. Juezcunapis pacayllapa pägaptenga chasquinmi. Munayniyojcunaga imatapis munashantami ruran.