Miqueas 2:4 - Tayta Diosninchi Isquirbichishan

⁴ Chayno ñacaycho goyashan junajcunami paycunataga asipanga. Asiparmi cayno nengapaj: ‹Pasaypa ushacashami quëdasha. Ñaupataga Tayta Diospaj acrasha runacunami caran. Cananga jucpa maquinchönami caycan. Suldärunchïcunami binsiycur charicarcärisha. Chaymi chacrancunatapis raquipänacushcanchi› nir.»

Miqueas 2:4 ပူးပေါင်းရင်းမြစ်များ

2 Samuel 1:17

Saúl wamran Jonatanwan wañushanpita Davidga fiyupa llaquicur cantaran.

2 Crónicas 35:25

Josías wañuptin Jeremías juc cantanata yarpayninpita jorguran wañushanpita cantananpaj. Chayta wañojcunapaj cantarmi warmipis ollgupis cantajcunaga canancamapis yarpan Josías wañushanta. Chay cantanataga Israelcunacho juc custumrimanmi churasha. Chay cantanaga isquirbiraycan llaquicur cantanan cantanacuna isquirbiraycashanchömi.

Job 27:1

Jobga mastapis niran:

Isaías 14:4

Chauraga Babiloniapa rayninta manacajman churashpayqui cayno rimanquipaj: «¡Masqui ricay, ñaupata ñacachicöga imanöshi caycan! ¡Ricay, imanöshi caycan chay fiyu runaga!

Isaías 24:3

Ima-aycata charashantapis ushajpämi guechurenga. Cay pachataga pasaypa chunyajtami cachayconga. Chayno cananpämi Tayta Diosga nisha.

Isaías 6:11

Chayno nimaptin tapurä: «Tayta, ¿imaycamaraj chaynöga canga?» nir. Paynami nimaran: «Chaynöga canga siudäcuna ushajpaj illgänancamami, chay siudächo runacuna jucnayllapis mana tiyanancamami, wasicunapis chunyaj canancamami, chacracunapis purunyänancamami,

Jeremías 14:18

Jircacunapa aywar ricä guërrawan wañusha yänin jitarpaycajta. Siudäman yaycushpäna tarë yargaypita wañurcaycajta. Profëtacunapis cüracunapis imanir chayno päsashantapis tantiyayta mana atiparmi puricacharcaycan.› »

Jeremías 4:13

«Chaura Israelcuna nengapaj: ‹Masqui ricäriy. Contranchïcunaga pucutaynömi aywarcaycämun. Pillyapaj carrëtancunapis löcu wayranörämi. Cawalluncunapis ancapita masrämi cörriycämun. ¡Cananchi cananllaga! ¡Manami imanöpa gueshpiytapis camäpacunchïnachu!› nir.

Jeremías 6:12

Chacrancunapis, wasincunapis, warmincunapis jucpanami cangapaj. Cay nasyuncho tiyaj runacunataga nogami castigashaj. Noga Tayta Diosmi chayno në.

Jeremías 8:10

Chaypitami warmincunapis juc runawanna tiyanga. Chacrancunatapis juc runanami aronga. Paycunaga jatunpis tacshapis yarpaycan mana allicunata rurayllapa gänayta. Profëtacunawan cüracunapis llullacushpanmi engañacuycan.

Jeremías 9:10

Jircacunachöpis atayparämi wagashaj. Pashpacunachöpis llaquicuywan wagashpä cantashaj. Chaycunaga ushajpaj rupashami caycan. Chaypaga manami pipis purinnachu. Wäcacuna büyashallanpis manami wiyacannachu. Äbicunapis jirca animalcunapis chaypitaga gueshpirmi aywacusha.

Jeremías 9:16

Taytancuna ni quiquincunapis mana rejsishan nasyuncunamanmi gargushaj. Paycunata gaticachächishaj sabliyojcunawan. Chauraga ni jucnayllapis manami cawaycäga quëdanganachu.»

Ezequiel 16:44

« ‹Llapan runacunami gampäga rimayta parlanga: «¡Mamallanrämi wawanga!» nir.

Ezequiel 2:10

Chay maquiga ricapaycaptë rölluta pachgariran. Ishcan-läpami isquirbisha caycaran. Chay isquirbishaga caycaran: llaquicuypaj, nanächicur wagaypaj nishancunami.

Joel 1:13

Tayta Diospaj ofrendata churanayquipaj chaqui micuypis ni bïnupis manami cannachu. Chaymi Tayta Diosta sirbir altarcho aroj cüracuna, llaquicushpayqui wagay, lütu car jaticunan röpacunata jaticuy.

Joel 1:8

Runacunaga wagarcaycan majachacänanpaj caycaj mösu wañucäcuptin jipash wagaycashannömi.

Amós 5:1

Canan rimaycämushäta sumaj wiyacuy Israelcuna. Gamcunapaj fiyupa llaquicur parlaycämushäta wiyaycäriy ari.

Amós 5:17

Übas chacracunachöpis intëruchömi waganga. Chaynömi canga noga castigaj shamushä örapis.» Tayta Diosmi chayno nisha.

Miqueas 1:15

Tayta Diosga cayno nin: «Maresa marcacho tiyajcuna, gamcunamanga yapaymi cachamushaj nasyunniquita charicurcunanpaj. Israelcho mas mana manchacoj cajpis Adulamcho caycaj machaymanmi pacacongapaj.

Miqueas 1:8

Chaypitami fiyupa llaquicushpä wagashaj. Gara-chaquilla, röpaynajlla purishaj. Atoj-mallwa aullajno wagashaj. Avestruz äbipa wawanno gaparäshaj.

Miqueas 2:10

Jatariyna-llapa; aywacuyna-llapa. Cay pachaga manami jamaräcunayquipächu. Pasaypa mana allillata rurashayquipitami ushajpaj illganquipaj.

Habacuc 2:6

Juc junajchömi ichanga Caldea nasyun runacuna ushacangapaj. Chaymi chay charishan nasyun runacunaga cantapashpan asipashpan cayno nenga: «¡Ay imanöraj canqui jucpa cajllawan rïcuyajcuna! Gamcunaga shuntashcanqui mañacuytanöllami.

Sofonías 1:2

Tayta Diosga caynömi nin: «Munducho cajtaga ushajpämi illgächej-aywä.

Números 23:18

Chaura Balaamga Tayta Dios rimachishanta rimaran: «Ziporpa wamran Balac, nishäta sumaj wiyay.

Números 23:7

Chaura Balaamga imano cananpäpis niran: «Moabpa raynin Balacga Arampita-pachami gayachimasha. Inti yagamunan cajpitami pushachimasha ‹Israelcunata maldisyunapämay. Jacobpita mirajcuna ushacänanpaj rimaycuy› nir.

Números 24:15

Chaura Balaamga imanöpis cananpaj cajta niran: «Beorpa wamran Balaammi cä. Imano cananpaj cajtapis Tayta Dios musyachimaptinmi rimaycä.

Números 24:3

Balaamga imano cananpäpis cayno rimaran: «Beorpa wamran Balaammi cä. Imano cananpaj cajtapis Tayta Dios musyachimaptinmi rimaycä.

Marcos 12:12

Chayno nishanta wiyaycur mandajcunaga tantiyacuriran tincuchiypa Jesús willapar paycunata wiyachipaycashanta. Chaymi juclla prësu chariyta munaran. Ichanga aypalla runacuna chaycho caycajta manchacurmi aywacuran.

Deuteronomio 28:29

Gaprayasha carmi junajpapis chacaypano lamcaycachar purinquipaj. Ima rurashayquipis yangallami canga. Waran waranmi engañashunquipaj, ñacachishunquipaj. Pipis faburniqui mana captinmi suwacuna imayquitapis apaconga.