Miqueas 1:12 - Tayta Diosninchi Isquirbichishan

¹² Marotcho tiyajcunaga yanapänantami shuyarpaycaran. Nishan Tayta Diosga camacächisha asta quiquin Jerusalén puncuncama mana alli chayananpämi.

Miqueas 1:12 ပူးပေါင်းရင်းမြစ်များ

Job 30:26

Nogaga cushisha goyaytami yarparä. Nishäga chayamasha llaquicuymi. Achquita shuyaraycarä. Nishäga chacayllami caycan.

Isaías 45:7

Nogami camacächë junaj cananpaj, chacay cananpäpis. Nogami camacächë alli goyay cananpaj, disigrasya chayananpäpis. Llapan chaycunataga noga Tayta Diosmi camacächë.

Jeremías 14:19

Tayta Dios, ¿fiyupachu rabyacurcushcanqui Judá runacunapäga? Sión siudätaga ¿mananachu ricaytapis munanquina? ¿Imanirtaj mana cuyapaypa mana alliman chayachimashcanqui? Nogacunaga allilla goyaytami yarpaycarä. Nishäga manami imapis alliga cashachu. Mana gueshyaypa cawaytami yarparäcuna. Nishäga fiyupa manchacuyllami casha.

Jeremías 8:15

Alli goyaytami munarcaycaranchi. Ichanga manami yarpashanchïnöchu casha. Mana gueshyayllapa goyaytami yarparanchi. Ichanga fiyupa manchachicuyllami casha.

Amós 3:6

¿Manaraj pipis wañuptin wañushapänöna marcacho campanata tucanmanchuraj? ¿Tayta Dios mana camacächiptenga ima disigrasyallapis siudäman chayamunmanchuraj?

Miqueas 1:9

Samariapa guerenga caycan ima jampiwanpis mana allchacajmi. Chay gueriga jogushami Judätapis. Jerusalén siudämanpis chayashami.

Rut 1:20

Noemïga niran: «Ama ‹Noemí› nimaynachu. Munayniyoj Tayta Dios fiyupa llaquicuyman churamasha caycaptenga Mara nimayna.

1 Samuel 4:13

Chay öra Elïga puncucho jamaraycaran nänipa ricchacur. «Tayta Diospa conträtu babulninta imapis päsaycunmanchi» nir fiyupa llaquicuycaran. Pillyapita gueshpej runaga willacuraycar siudäman chayariycuran. Chaura llapan runacuna gaparparan.