Miqueas 1:11 - Tayta Diosninchi Isquirbichishan

¹¹ Safircho tiyajcuna nasyunniquipita juc-lämanmi prësu aywanquipaj galalla, fiyupa pengacur. Zaanáncho tiyajcuna, yanapäshunayquipaj manami pipis yargamongapächu. Beteselcho tiyajcuna, wagaptiquipis manami pipis cuyapäshunquipächu.

Miqueas 1:11 ပူးပေါင်းရင်းမြစ်များ

Isaías 16:2

Arnón mayuta päsanachöga Moab warmicuna ricaconga gueshtancho caycaj äbita imapis mancharaycachiptin gueshpir aywacojnömi.

Isaías 20:4

Isaías cashantanöllami Asiriapa rayninpis prësu apangapaj Egipto runacunatawan Etiopía runacunataga: auquincunatapis, mösucunatapis. Paycunata apangapaj gala-chaquillata, ruri caj röpallantawan, gala-siquillata fiyupa pengacachishpan.

Jeremías 13:22

Gamcuna capas yarpachacunqui ‹¿Imanir-raj cayno caycä?› nir. Quiquiquicunapa juchayquipitami gamcunataga garapachaycur munashanta rurarcaycäshunqui.

Jeremías 48:6

¡Gueshpicuy-llapa! ¡Wañuyta mana munaj cäga imanöpapis gueshpicuy! ¡Chunyaj chaqui jircacho shira caycajno tiyacuy-llapa!

Jeremías 48:9

Moab nasyuntaga ushajpämi illgächej-aywan. Siudänincunapis juchusha ragällanmi quëdanga. Manami ni jucnayllapis runa tiyangapänachu. Chaymi Moabta yarpänanpaj juc señalta churapay.

Ezequiel 16:37

Chaypitami, nogaga shuntamushaj llapanta pï-maywanpis cacushayqui cajtaga, amatar cuyashayqui cajtapis, llapan chiquishayquicunatapis. Paycunata shuntashaj gampa ñaupayquiman. Paycunapa ñaupanchönami röpayquita lojtipäshayqui galallata llapan ricashunayquipaj. Chaynöpami pasaypa pengayman churashayqui.

Ezequiel 23:29

Paycunaga fiyupami chiquishunquipaj. Ñacar arur chasquishayquicunatapis guechushunquipämi. Galapächullatana cachaycushunquipaj. Chauraga pï-maywanpis cacushayqui pengayniqui alayrimi ricaranga. Pï-maywanpis mana pengacuypa cacushayquipitami

Miqueas 1:8

Chaypitami fiyupa llaquicushpä wagashaj. Gara-chaquilla, röpaynajlla purishaj. Atoj-mallwa aullajno wagashaj. Avestruz äbipa wawanno gaparäshaj.

Nahúm 3:5

Munayniyoj Tayta Dios caynömi nin: «Nogaga gampa contrayquimi caycä. Juc-lä nasyuncuna galallata ricashunayquipämi umayquiyaj justanniquitapis shucuparcushayqui. Chaymi fiyupa pengaycho ricacunquipaj.

Zacarías 14:5

Chaura gamcunaga gueshpinquipaj ishcan-läman raquisha caycaj chaupin jircapami. Chaypa aywar chayanquicunapaj Azal partiman. Gamcunaga gueshpinquipaj ñaupata Uzías Judäpa raynin cashan wichan timlur captin unay caj castayquicuna gueshpishannömi. Chaypitarämi Tayta Diosnëga shamongapaj anjilnincunawan iwal.

Josué 15:37

Chay particho waquin caj siudäcunapis caran Zenán, Hadasa, Migdal-gad,