Mateo 9:32 - Tayta Diosninchi Isquirbichishan

³² Chay allchacajcuna aywacurcaycaptinna Jesús cajman chayachiran mana rimaj upata. Chay runapataga dyablumi shiminta chaparächiran.

Mateo 9:32 ပူးပေါင်းရင်းမြစ်များ

Isaías 35:6

Wegrucunapis capshinörämi pinticachangapaj. Mana rimaj upacunapis shimin pashtaptin gayarayparämi rimanga. Chunyaj jircachönami yacu pashtacaramonga pultutuyllana. Chaqui jircapanami mayunöraj yacu aywanga.

Mateo 4:24

Siria runacunapis parlaj «Jesusga allchacächinmi gueshyajcunata» nir. Chaymi payman apapämoj llapan gueshyaycajcunatapis, tucuy-niraj gueshyawan gueshyaycajcunatapis, dyablu ñacaycächishancunatapis, wañuy gueshyawan gueshyajcunatapis, mana cuyucuypa gueshyar jitaraycajcunatapis. Chay gueshyajcunata llapanta Jesús allchacächej.

Lucas 11:14

Juc cuti upa runapita dyabluta Jesús garguran. Dyablu yargucuriptin upaga rimaytana gallaycuran. Chayta ricaycur runacuna pasaypa almiraran.