Mateo 9:29 - Tayta Diosninchi Isquirbichishan

²⁹ Niptenga gapracunapa ñawinta yataycur Jesús niran: «Yäracamashayquipitami ricanquipäna» nir.

Mateo 9:29 ပူးပေါင်းရင်းမြစ်များ

Mateo 15:28

Chaura Jesús niran: «Au mamïta, gamga rasunpami yäracamanqui. Ruwacamashayquino cachun.» Chay nishan örami warmipa wamranga allchacäcuran.

Mateo 20:34

Chaymi cuyapar ñawincunata yataycuran. Chaura jinan örami ishcanpa ñawincuna quichacäcuran. Alli ricarnaga Jesuspa guepanta aywaran.

Mateo 8:13

Nircurnami capitanta Jesús niran: «Wasiquiman cuticuy. Yäracamashayquipitami uywayniqui allchacashana.» Chay nishan örami capitanpa uywaynin allchacaran.

Mateo 9:22

Chayno yataycuptin Jesús ticraycur warmita ricaran. Chaymi niran: «¡Ama llaquicuychu ïja! Yäracushayquipitami allchacashcanqui.» Chauraga chay warmi jinan öra allchacäcuran.

Mateo 9:28

Wasiman Jesús yaycuptinpis chay gapracunaga guepanta yaycuran. Chaura paycunata Jesús tapuran: «¿Gamcuna riguinquichu allchacächinäpaj cashanta?» nir. Niptenga «Au, riguëmi tayta» niran.

Marcos 10:52

Chaura Jesús niran: «Cananga aywacuyna. Rasunpa yäracamashayquipitami allchacashcanqui.» Chayno niptin jinan öra ricaranna. Alli ricarnaga Jesuspa guepanta aywacuran.