Mateo 6:33 - Tayta Diosninchi Isquirbichishan

³³ Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Pay munashanno cawaptiquega imata nistashayquitapis tarichishunquipämi.

Mateo 6:33 ပူးပေါင်းရင်းမြစ်များ

1 Reyes 17:13

Chayno niptin Elías niran: «Ama llaquicuychu warmi. ‹Caycan› niycashayquita yanumuy. Jarinayquipita rimëroga rurapämanqui torta-mallwata. Nircur apapämanqui micunäpaj. Waquin cajtana ruranqui quiquiquipaj wamrayquipaj.

Salmos 112:3

Wasincho ima-aycancunapis manami pishengachu. Pï-maypäpis allimi canga.

Salmos 37:25

Unay mösu cashä wichanpis, canan auquinna cashäcamapis manami ricashcächu alli runa pishipacaycho goyajtaga. Ni wamrancunapis manami mañapacur purishachu.

Salmos 37:3

Allillata rurashpayqui Tayta Diosllaman yäracuy. Cay pachacho goyashpayqui Tayta Dios munashannölla caway.

Proverbios 10:3

Alli runacunataga Tayta Dios manami muchupacächinchu. Fiyucunatami ichanga micunanpaj ashiptinpis mana tarichinchu.

Proverbios 28:10

Alli runacunata juchata rurananpaj pushajcunaga quiquinmi mana allita yarpaycashanman chayanga. Juchata mana rurajcunami ichanga alli cawayman chayanga.

Proverbios 8:18

Nogami camacächë rispitasha cananpaj, ima-aycayojpis cananpaj. Ima-aycata chasquinanpäpis, allicho llojshinanpäpis camacächë.

Eclesiastés 10:2

Yachaj runaga allillatami yarpan. Mana tantiyacoj upa runami ichanga mana allicunallapaj yarpan.

Isaías 26:9

Chacaycunapapis gamllamanmi yarparaycä. Llapan shongöpami gamta ashiycä. Cay pachacho caj runacunata llapanta jusgaptiquirämi yachaconga allita rurayta.

Isaías 33:6

Paymi imapitapis imaypis chapanga. Paymi salbanga, sumaj yachayta gonga, sumaj tantiyachenga. Tayta Diosta rispitar yäracushanga canga ima-aycatapis charashannömi.

Isaías 45:24

Chaura chay runacunana nenga: ‹Tayta Diosman yäracuptillanchïmi alli llojshipämanchi, munayniyojpis canchi› nir. Llapanmi chiquimajcunaga fiyupa pengaycho ricaconga.

Jeremías 23:6

Pay ray cashan wichan Judá runacunaga allillami goyangapaj. Israel runacunapis allimi goyanga. Chay mandajpa jutintaga churapangapaj ‹Alliman churamajninchi Tayta Dios› nir.»

Mateo 19:28

Chayno niptinmi Jesús niran: «Llapanta mushojman Tayta Dios ticrachishanchöga noga Destinädu Runa munayniyoj cashpämi juc sillunman jamacushaj. Chaychömi gamcunapis chunca ishcay Israel trïbu runacunata jusganayquipaj chunca ishcay silluncunaman jamacunquipaj.

Mateo 19:29

Pimi noga-raycu cachaycun wasinta, wauguinta, pañinta, papäninta, mamanta, wamrancunata, chacrancunatapis; chay runaga Tayta Diospa ñaupanchömi imaycamapis cawangapaj. Chayno cachaycushanpitaga pachac (100) cuti mastami chasquenga.

Mateo 3:2

Chaychömi willacuran: «Tayta Diospa maquincho cawananchi timpu chayamushanami. Chaymi juchayquicunapita arpinticuyna-llapa» nir.

Mateo 4:17

Chay willacushanno cananpämi Jesús willacuyta gallaycuran: «Tayta Diospa maquincho cawananchïpaj caycaj timpu chayamushanami. Chaymi juchayquicunapita arpinticuyna-llapa» nir.

Mateo 5:6

«Cushishami cawanga fiyupa yargaycajno yacunaycajnöpis Tayta Dios munashanno alli rurayta munajcunaga. Paycunatami Tayta Dios yanapanga.

Lucas 1:6

Paycunaga imaypis Tayta Dios mandashanta cumlirmi goyaj. Chaymi paycunapäga pipis washanta mana rimajchu.

Lucas 12:31

Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Chaypita cajtaga imata nistashayquitapis paynami tarichishunquipaj.

Juan 5:4

[Chaychömi paycuna shuyarpaycaran syëlupita anjil urarcamur yacuta cuyuchinanta. Yacuta cuyurcachiptin maygan gueshyajpis rimëru yacuman yaycoj-cajmi allchacaj].

Juan 6:27

Micunallayquipäga ama yarpachacuychu. Chaypa ruquenga yarpachacuy imaycamapis cawanayquipaj caj micuyta tarinayquipaj. Chayno cawachicoj micuytaga noga Destinädu Runami tarichishayqui. Chaypämi nogataga Taytä cachamasha.»

Hechos 20:25

«Marcayquicunapa purir Tayta Diospa maquincho goyänayquipaj willaparä. Cananpitami ichanga mana tincushunpänachu.

Hechos 28:31

Payga llapan runacunatami willapaj Diospa maquincho goyänanpaj. Llapan wiyay Tayta Jesucristupita runacunata yachachiptin pipis manami micharanchu.

Romanos 1:17

Chay alli willacuychöga tantiyachimanchi Jesucristuman yäracullar salbasha cananchïpämi. Chaymi palabranchöpis isquirbiraycan: «Alli runaga Tayta Diosman yäracushanpitami salbasha canga» nir.

Romanos 10:3

Paycunaga manami tantiyanchu Tayta Diosninchi alli ricananpaj camacächishanta. Paycunaga yarpan quiquincuna layta cumlishanwan alli ricasha caytami. Chaynöpami mana cäsushachu Tayta Dios alli ricananpaj cashantapis.

Romanos 14:17

Tayta Diospa maquincho cawayga manami micunallanchïpächu ni upunallanchïpächu caycan, chaypa ruquenga allillata rurananchïpaj, pï-maywanpis alli cawananchïpaj y Espíritu Santu yanapämaptinchi cushisha cawananchïpämi.

Romanos 8:31

Chayno caycaptenga ¿imatanataj mas munashun? Tayta Diosninchi faburninchi caycaptenga ¿pinataj contranchi jatarenga?

1 Corintios 1:30

Gamcunataga quiquin Tayta Diosninchïmi Tayta Jesucristutawan juc runatanöllana caycächishunqui. Cananga Jesucristo yanapämashami juchanchïcunapita perdunasha caycanchi, Tayta Diosllapaj raquisha caycanchi, chaynöpis salbasha caycanchi.

1 Corintios 3:22

Pablupis, Apolospis, Cefaspis, cay pachapis, cawaypis, wañuypis, canan cajpis y shamoj cajpis llapan gamcunapämi caycan.

2 Corintios 5:21

Jesucristoga manami ima juchatapis ruraranchu. Ichanga noganchïpa juchanchi-raycumi Tayta Diosninchi camacächiran wañunanpaj. Chaynöpami noganchïtaga Jesucristu-raycu Tayta Diosninchi allina ricamanchi.

Filipenses 3:9

Cananga Jesucristuwan jucnayllanömi cawä. Manami laycunata cumlishäpitachu ni allicunata rurashäpitapischu Tayta Diosga alli ricaman. Chaypa ruquenga Jesucristuman yäracuptinchïmi Tayta Dios alli ricamanchi.

2 Tesalonicenses 1:5

Runacuna contrayqui jatariptin ñacarpis mana yamacaypa Jesucristuman yäracuptiquimi musyäcuna Tayta Diospa ñaupanman chayanayquipaj cashanta.

1 Timoteo 4:8

Tayta Diosninchi munashanno goyayga mas allimi caycan fïsicata rurashanchïpitapis. Fïsica rurayga cay pachacho cawashanchïcamallami alli caycan. Tayta Diosninchi munashanno goyaymi ichanga cay pachacho y syëluchöpis alli cawananchïpaj caycan.

2 Pedro 1:1

Ermänucuna, noga, Simón Pedro, Jesucristupa sirbejnin y apostulninmi gamcunaman cay cartata apachicamö. Ima allishi gamcunatapis Jesucristo cuyapäshushpayqui nogacunatano salbasha-cashunqui. Payga Tayta Diosninchïmi y salbamajninchïmi.

2 Pedro 1:11

Chayno cawarga Taytanchi Jesucristupa maquincho cawanayquipäpis manami guellananquipächu. Man'chäga quiquin Tayta Diosninchïmi cushisha chayachishunquipaj Jesuspa maquincho imaycamanpis cawacunayquipaj.