Mateo 5:35 - Tayta Diosninchi Isquirbichishan

³⁵ Ama juranquichu ‹Cay pachapa jutinchömi jurä› nir. Cay pachaga Tayta Diospa chaquin lluchcaränanmi. Ama juranquichu ‹Jerusalenpa jutincho› nirpis. Jerusalenga mas munayniyoj ray Tayta Diospa siudäninmi.

Mateo 5:35 ပူးပေါင်းရင်းမြစ်များ

2 Crónicas 6:6

Jerusalentami ichanga acrashcä goyänäpaj. Davidtami acrashä Israelcunata mandananpaj.›

Salmos 48:2

Sión lömaga cuyayllapämi. Chaychöga caycan munayniyoj Raypa siudäninmi. Chaymi llapan runacunapis fiyupa cushicun.

Salmos 87:2

Tayta Dios cuyan Jerusalén siudätami. Jerusalentaga Israel nasyuncho caycaj siudäcunapita masmi cuyan.

Salmos 99:5

¡Tayta Diosninchïta alabay-llapa! ¡Paypa ñaupanman llapaniqui gongurpacuy! ¡Tayta Diosga santumi!

Isaías 66:1

Tayta Dios cayno nin: «Syëluga jamanämi. Mundu allpanami chaquë lluchcaränan. Chayno caycaptëga ¿maychöraj wasita aruchipämanman? ¿Maychöraj jamaycunäpaj rurachipämanman?

Malaquías 1:14

Maldisyunädumi canga allinnin caj uywanta nogata goycamänanpaj aunircur gueshyaj uywallantana pishtapämäga. Nogaga cä munayniyoj Raymi. Llapan nasyun runacunapis manchacamanmi.»

Mateo 5:36

Ama juranquichu ‹Quiquëpa bïdapa› nirpis. Rasunpaga manami munayniyojchu canqui ajchayquita yurajman ni yanaman ticrachinallayquipäpis.

Hechos 7:49

« ‹Syëluga jamacunämi. Mundu allpanami chaquë lluchcaränan. Chayno caycaptenga ¿runa rurashan wasicho tiyämanchuraj?

Apocalipsis 21:10

Ribilamashpan anjil pushamaran jatun altu jircaman. Chaychömi ricachimaran Tayta Dios cajpita mushoj Jerusalén bäjaycämojta.

Apocalipsis 21:2

Ricarä mushoj Jerusalén siudätapis Tayta Diospa ñaupanpita bäjaycämojta. Casarananpaj mushoj röpan jatisha jipashno cuyayllapaj caycaran.