Mateo 26:33 - Tayta Diosninchi Isquirbichishan

³³ Niptinmi Pedro niran: «Waquincuna cachaycushuptiquipis nogaga manami cachaycushayquipächu.»

Mateo 26:33 ပူးပေါင်းရင်းမြစ်များ

Salmos 17:5

Nogaga gampa caminullayquipami purishcä. Gampa caminuyquipita juc-läpaga manami llojshishcächu.

Proverbios 20:6

Quiquillanpitaga pipis alli runa cashantami yarpan. Chaypis ¿piraj tarinman rasunpa yäracuypaj caj runataga?

Jeremías 17:9

«Runapa shongonga fiyupa mana tantiyaypämi. ¿Piraj tantiyanman llullapar engañaycashanta? ¿Piraj musyanman mana allita rurayta yarpaycashanta?

Mateo 26:32

Chayno captinpis wañushäpita cawarircamorga gamcunapita mas ñaupatami Galileaman aywashaj.»

Mateo 26:34

Chaura Jesús niran: «Canan chacay manaraj gällu cantaptinmi quimsa cutina nogapäga ‹Mana rejsëchu› nisha caycanquipaj.»

Marcos 14:29

Chaura Pedro niran: «Waquincuna cachaycushuptiquipis nogaga manami cachaycushayquipächu.»

Lucas 22:33

Chayno niptin Pedroga niran: «Tayta, carsilman wichgashuptiquipis gamwanga iwalmi yaycushun. Wañuchishuptiquipis nogaga gamwan iwalmi wañushaj» nir.

Juan 21:15

Micuyta usharcur Pedruta Jesús tapuran: «Jonaspa wamran Pedro ¿waquin caj disïpulöcuna cuyamashanpita maschu gam cuyamanqui?» nir. Tapuptin Pedro niran: «Au tayta, gam musyanquimi cuyashäta.» Jesusna niran: «Uyshäcunata sumaj ricay.»

Romanos 12:10

Juc famillya cuyanacushanno jucniqui-jucniquipis cuyanacuy. Chaynöpis jucniqui-jucniqui rispitanacuy. Alabacunayquipa ruquenga allita rurashanpita waquin cajcunata alabay.

Filipenses 2:3

Ama runa-masiquiwan chiquinacuychu. Ama yachaj-tucuychu. Chaypa ruquenga pitapis rispëtuwan ricay.